1.

An gcaithfear Airteagal 57(3) de Threoir 2014/25/AE (1) a léirmhíniú sa chaoi gurb ann do sholáthar gníomhaíochtaí láraithe ceannaigh ag comhlacht lárnach ceannaigh atá lonnaithe “i mBallstát eile” i gcás ina bhfuil an t-eintiteas conarthach – beag beann ar an gceist maidir le sannadh an rialaithe arna fheidhmiú ar an eintiteas conarthach sin – lonnaithe i mBallstát nach Ballstát an chomhlachta lárnaigh ceannaigh é?

2.

Más freagra dearfach a thabharfar ar Cheist 1:

An gcuimsíonn an riail easaontachta dlíthe in Airteagal 57(3) de Threoir 2014/25, ar dá réir atá “soláthar gníomhaíochtaí láraithe ceannaigh” arna dhéanamh ag comhlacht lárnach ceannaigh atá lonnaithe i mBallstát eile le déanamh i gcomhréir le forálacha náisiúnta an Bhallstáit ina bhfuil an comhlacht lárnach ceannaigh lonnaithe, an reachtaíocht is infheidhme maidir le nósanna imeachta athbhreithnithe agus inniúlacht an chomhlachta athbhreithnithe chun críocha Threoir 92/13/CEE (2) freisin?

3.

Más freagra diúltach a thabharfar ar Cheist 1 nó ar Cheist 2:

An gcaithfear Treoir 92/13, agus go háirithe an ceathrú fomhír d’Airteagal 1(1) di, a léirimhíniú amhail go gcaithfidh inniúlacht comhlachta athbhreithnithe náisiúnta chun cinntí ó eintitis chonarthacha a athbhreithniú gach eintiteas conarthach atá lonnaithe i mBallstát an chomhlachta athbhreithnithe a chuimsiú, nó an mbraitheann an inniúlacht ar cé acu an bhfuil an tionchar ceannasach ar an eintiteas conarthach (chun críocha Airteagal 3(4)(c) agus Airteagal 4(2) de Threoir 2014/25 á fheidhmiú ag údarás réigiúnach nó comhlacht faoin dlí poiblí atá le cur i leith Bhallstát an chomhlachta athbhreithnithe?