This document is an excerpt from the EUR-Lex website
Document 62022TN0117
Case T-117/22: Action brought on 2 March 2022 — Grodno Azot and Khimvolokno Plant v Council
Cás T-117/22: Caingean arna tabhairt an 2 Márta 2022 – Grodno Azot agus Khimvolokno Plant v an Chomhairle
Cás T-117/22: Caingean arna tabhairt an 2 Márta 2022 – Grodno Azot agus Khimvolokno Plant v an Chomhairle
IO C 222, 7.6.2022, pp. 30–31
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
IO C 222, 7.6.2022, pp. 28–28
(GA)
|
7.6.2022 |
GA |
Iris Oifigiúil an Aontais Eorpaigh |
C 222/28 |
Caingean arna tabhairt an 2 Márta 2022 – Grodno Azot agus Khimvolokno Plant v an Chomhairle
(Cás T-117/22)
(2022/C 222/51)
Teanga an cháis: an Béarla
Páirtithe
Iarratasóirí: Grodno Azot AAT (Grodno, an Bhealarúis) (ionadaithe: N. Tuominen agus L. Engelen, Dlíodóirí)
Cosantóir: Comhairle an Aontais Eorpaigh
An t-ordú atá á lorg
Iarrann an t-iarratasóir ar an gCúirt Ghinearálta:
|
— |
Cinneadh Cur Chun Feidhme (CBES) 2021/2125 ón gComhairle an 2 Nollaig 2021 lena gcuirtear chun feidhme Cinneadh 2012/642/CBES a bhaineann le bearta sriantacha i bhfianaise na staide sa Bhealarúis (1), agus Rialachán Cur Chun Feidhme (AE) 2021/2124 ón gComhairle an 2 Nollaig 2021 lena gcuirtear chun feidhme Airteagal 8a(1) de Rialachán (CE) Uimh. 765/2006 a bhaineann le bearta sriantacha maidir leis an mBealarúis (2) (na Bearta atá faoi chonspóid) a chur ar neamhní; agus |
|
— |
a ordú don Chomhairle costais an iarratasóra don chaingean seo a íoc. |
Saincheisteanna dlí agus príomhargóintí.
Mar thaca leis an gcaingean, maíonn an t-iarratasóir dhá saincheist dlí.
|
1. |
An chéad saincheist dlí lena n-éilítear go ndearna an Chomhairle earráid fhollasach measúnaithe tríd an iarratasóir a chur san áireamh sna hIarscríbhinní a ghabhann leis na Bearta atá faoi chonspóid. Eadhon, maíonn an t-iarratasóir go gcuirtear cúiseanna ar fáil leis na Bearta atá faoi chonspóid dá ainmniú atá gan údar, mícheart go fíorasach agus gan bhunús. Thairis sin, ní léiríonn na cúiseanna easpacha a chuirtear ar fáil nasc leorábhartha le raon feidhme na mbeart. |
|
2. |
An dara saincheist dlí lena n-éilítear nach sroichtear leis na Bearta atá faoi chonspóid an caighdeán cruthúnais is gá chun smachtbhannaí aonair a ghlacadh. Trí iarracht a dhéanamh leas a bhaint as bearta aonair chun an cuspóir a bhaint amach arb é gníomhaíochtaí gnó agus brabaigh fhiontar eachtrach faoi úinéireacht stáit a shrianadh é, chuir an Chomhairle beart de chineál neamhdhleathach i bhfeidhm. |