This document is an excerpt from the EUR-Lex website
Document 62022TN0166
Case T-166/22: Action brought on 30 March 2022 — Seifert v Council
Cás T-166/22: Caingean arna tabhairt an 30 Márta 2022 – Seifert v an Chomhairle
Cás T-166/22: Caingean arna tabhairt an 30 Márta 2022 – Seifert v an Chomhairle
IO C 222, 7.6.2022, pp. 31–31
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
IO C 222, 7.6.2022, pp. 28–29
(GA)
|
7.6.2022 |
GA |
Iris Oifigiúil an Aontais Eorpaigh |
C 222/28 |
Caingean arna tabhairt an 30 Márta 2022 – Seifert v an Chomhairle
(Cás T-166/22)
(2022/C 222/52)
Teanga an cháis: an Ghearmáinis
Páirtithe
Iarratasóir: Evgenia Seifert (München, an Ghearmáin) (ionadaí: T. Seifert, Dlíodóir)
Cosantóir: Comhairle an Aontais Eorpaigh
An t-ordú atá á lorg
Iarrann an t-iarratasóir ar an gCúirt Ghinearálta:
|
— |
Airteagal 1(9) de Rialachán (AE) 2022/328 ón gComhairle an 25 Feabhra 2022 lena leasaítear Rialachán (AE) Uimh. 833/2014 a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine a chur ar neamhní; |
|
— |
a ordú don Aontas Eorpach costais na n-imeachtaí, lena n-áirítear na costais a thabhaigh an t-iarratasóir de riachtanas, a íoc. |
Saincheisteanna dlí agus príomhargóintí
Maíonn an t-iarratasóir go ndéantar idirdhealú ina coinne le hAirteagal 1(9) de Rialachán (AE) 2022/328 ón gComhairle an 25 Feabhra 2022 lena leasaítear Rialachán (AE) Uimh. 833/2014 a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine (1) ar fhoras a tionscnaimh mar náisiúnach de chuid na Rúise agus, dá bhrí sin, go sáraítear Airteagal 14 den Choinbhinsiún Eorpach chun Cearta an Duine agus Saoirsí Bunúsacha a Chosaint i gcomhar lena cearta de bhun Airteagal 8(1) den Choinbhinsiún Eorpach chun Cearta an Duine agus Saoirsí Bunúsacha a Chosaint. Dá bhrí sin, ní féidir leis an gComhairle brath ina leith sin ar éigeandáil de réir bhrí Airteagal 15(1) den Choinbhinsiún sin ná ar mhaolú de réir bhrí Airteagal 15(3) den Choinbhinsiún sin.