Breithiúnas na Cúirte (an tOchtú Dlísheomra) an 3 Márta 2022 (iarraidh ar réamhrialú ón Corte suprema di cassazione – an Iodáil) – Presidenza del Consiglio dei Ministri e.a. v UK e.a.

(Cás C-590/20) (1)

(Tarchur chun réamhrialú - Comhordú forálacha reachtaíochta, rialúcháin agus riaracháin i leith gníomhachtaí dochtúirí - Treoracha 75/363/CEE agus 82/76/CEE - Oiliúint speisialtóirí - Luach saothair iomchuí - Feidhmiú Threoir 82/76/CEE ar oiliúint a tosaíodh roimh an dáta arna teacht i bhfeidhm agus a lean ar aghaidh tar éis dhul in éag an spriocdháta trasuí)

(2022/C 165/21)

Teanga an cháis: an Iodáilis

An chúirt a rinne an tarchur

Corte suprema di cassazione

Páirtithe sna príomhimeachtaí

Iarratasóir: Presidenza del Consiglio dei Ministri e.a.

Cosantóir: UK e.a.

An chuid oibríochtúil

Ní mór Airteagal 2(1)(c), Airteagal 3(1) agus (2) agus an Iarscríbhinn a ghabhann le Treoir 75/63/CEE ón gComhairle an 16 Meitheamh 1975, maidir le comhordú forálacha reachtaíochta, rialúcháin agus riaracháin i leith gníomhaíochtaí dochtúirí, arna leasú le Treoir 82/76/CEE ón gComhairle, a léirmhíniú amhail is go gciallaítear nach mór d’aon oiliúint speisialtóirí páirt-aimseartha nó lán-aimseartha, a tosaíodh roimh an teacht i bhfeidhm, an 29 Eanáir 1982, de Threoir 82/76 agus a lean ar aghaidh tar éis an 1 Eanáir 1983, spriocdháta trasuí na Treorach sin, le haghaidh thréimshe na hoiliúna ón 1 Eanáir 1983 go dtí deireadh na hoiliúna, luach saothair iomchuí a fháil, de réir bhrí na hIarscríbhinne sin, ar choinníoll go mbaineann an oiliúint le speisialtóireacht leighis is coiteann leis na mBallstáit go léir nó le dhá cheann nó níos mó ná mar luaiteá luaitear in Airteagail 5 nó 7 de Threoir 75/363/cé ón gComhairle an 16 Meitheamh 1975, a bhaineann le dioplómaí, teastais nó fianaise eile de cáilíochtaí leighis a aithint go frithpháirteach, lena n-áirítear bearta chun an ceart bunaíochta agus soarsholáthar seirbhísí a éascú.

---

(1)  Dáta taiscthe: 10/11/2020