|
7.6.2022 |
GA |
Iris Oifigiúil an Aontais Eorpaigh |
C 222/5 |
Ordú na Cúirte Breithiúnas (an Deichiú Dlísheomra) an 9 Feabhra 2022 (iarraidh ar réamhrialú ón Varhoven kasatsionen sad – an Bhulgáir) – “Konservinvest”OOD v “Bulkons Parvomay” OOD
(Cás C-35/21) (1)
(Tarchur chun réamhrialú - Airteagal 99 de Rialacha Nós Imeachta na Cúirte Breithiúnais - Scéimeanna cáilíochta do tháirgí talmhaíochta agus do bhia-earraí - Rialachán (AE) Uimh. 1151/2012 - Ainmniúchán tionscnaimh agus tásca geografacha - Airteagal 9 - Cosaint náisiúnta idirthréimhseach - Tásc geografach lena n-ainmnítear táirge talmhaíochta, atá cláraithe faoi reachtaíocht Ballstáit agus a bhfuil cosaint aige ar an leibhéal náisiúnta)
(2022/C 222/06)
Teanga an cháis: an Bhulgáiris
An chúirt a rinne an tarchur
Varhoven kasatsionen sad (an Bhulgáir)
Páirtithe sna príomhimeachtaí
Iarratasóir:“Konservinvest”OOD
Cosantóir:“Bulkons Parvomay” OOD
An chuid obríochtúil
Ní mór Rialachán (AE) Uimh. 1151/2012 ó Pharlaimint na hEorpa agus ón gComhairle an 21 Samhain 2012 maidir le scéimeanna cáilíochta do tháirgí talmhaíochta agus do bhia-earraí a léirmhíniú sa chaoi is go gcuirtear cosc leis ar reachtaíocht Ballstáit lena bhforáiltear do chóras náisiúnta clárúcháin agus cosanta maidir le hainmniúcháin gheografacha cáilithe a bhaineann le táirgí talmhaíochta agus bia-earraí a thagann faoi raon feidhme an rialacháin sin, nach bhfuil sé beartaithe feidhm a bheith aige ach amháin maidir le díospóidí a bhaineann le sáruithe ar na cearta a eascraíonn as na hainmniúcháin sin idir trádálaithe sa Bhallstát sin a tháirgeann, ar chríoch an Bhallstáit sin, na táirgí ar cláraíodh na hainmniúcháin sin ina leith faoi na rialacha sin.