|
7.6.2022 |
GA |
Iris Oifigiúil an Aontais Eorpaigh |
C 222/5 |
Ordú na Cúirte Breithiúnais (an tOchtú Dlísheomra) an 1 Márta 2022 (iarraidh ar réamhrialú ón gCúirt Achomhairc – Éire) – Imeachtaí coiriúla i gcoinne K.M.
(Cás C-493/21) (1)
(Tarchur chun réamhrialú - Airteagal 99 de rialacha nós imeachta na Cúirte Breithiúnais - an Comhbheartas iascaigh - Rialachán (CE) Uimh. 1224/2009 - Córas rialaithe chun comhlíonadh rialacha an chomhbheartais iascaigh a áirithiú - Airteagal 89 - Bearta lena n-áiritheofar comhlíonadh na rialacha - Airteagal 90 - Pionóis choiriúla - Prionsabal na comhréireachta - Léiriú ar bhreithiúnas an 11 Feabhra 2021, K.M. (Pionóis arna bhforchur ar chaptaen loinge) (C-77/20, EU:C:2021:112))
(2022/C 222/07)
Teanga an cháis: an Béarla
An chúirt a rinne an tarchur
An Chúirt Achomhairc
Páirtithe sna príomhimeachtaí coiriúla
Iarratasóir: K.M.
Páirtí eile sna himeachtaí: An Stiúrthóir Ionchúiseamh Poiblí
An chuid oibríochtúil
Ní mór Airteagail 89 agus 90 de Rialachán (CE) Uimh. 1224/2009 ón gComhairle an 20 Samhain 2009, lena mbunaítear córas rialaithe de chuid an Aontais chun comhlíonadh rialacha an chomhbheartais iascaigh a áirithiú, lena leasaítear Rialacháin (CE) Uimh. 847/96, (CE) Uimh. 2371/2002, (CE) Uimh. 811/2004, (CE) Uimh. 768/2005, (CE) Uimh. 2115/2005, (CE) Uimh. 2166/2005, (CE) Uimh. 388/2006, (CE) Uimh. 509/2007, (CE) Uimh. 676/2007, (CE) Uimh. 1098/2007, (CE) Uimh. 1300/2008, (CE) Uimh. 1342/2008 agus lena n-aisghairtear Rialacháin (CEE) Uimh. 2847/93, (CE) Uimh. 1627/94 agus (CE) Uimh. 1966/2006, arna léamh i bhfianaise phrionsabal na comhréireachta atá cumhdaithe in Airteagal 49(3) de Chairt um Chearta Bunúsacha an Aontais Eorpaigh, a léirmhíniú sa chaoi gur faoi na cúirteanna náisiúnta atá sé measúnú a dhéanamh, nuair atá siad ag cur i bhfeidhm na gcritéar measúnaithe dá bhforálann an Chúirt i mbreithiúnas an 11 Feabhra 2021, K. M. (Pionóis arna bhforchur ar chaptaen loinge) (C-77/20, EU:C:2021:112), cibé an bhfuil, i ndáil leis an gcion a rinneadh, lena n-áirítear a thromchúis, urghabháil éigeantach na ngabhálacha agus na dtrealamh iascaireachta go léir a fhaightear ar bord an tsoithigh lena mbaineann comhréireach le gnóthú an chuspóra dhlisteanaigh atá á shaothrú ag an toirmeasc ar threalamh grádúcháin dá bhforáiltear in Airteagal 32(1) de Rialachán (CE) Uimh. 850/98 ón gComhairle an 30 Márta 1998 maidir le hacmhainní iascaigh a chaomhnú trí bhearta teicniúla chun óg-orgánaigh mhuirí a chosaint, arna leasú le Rialachán (AE) Uimh. 227/2013 ó Pharlaimint na hEorpa agus ón gComhairle an 13 Márta 2013, agus scrúdú a dhéanamh, más infheidhme, ar an ngá méid an chinnidh urghabhála maidir le gabhálacha agus trealamh iascaireachta a choigeartú, a mhodhnú nó a mhaolú.