Caingean arna tabhairt an 4 Aibreán 2022 – Chambers agus páirtithe eile v an Coimisiún

(Cás T-177/22)

(2022/C 222/54)

Teanga an cháis: an Fhraincis

Páirtithe

Iarratasóir: Alexander Chambers (Barcelona, an Spáinn) agus naonúr iarratasóirí eile (ionadaí: N. de Montigny, Dlíodóir)

Cosantóir: An Coimisiún Eorpach

An t-ordú atá á lorg

Iarrann an t-iarratasóir ar an gCúirt Ghinearálta:

—	duillíní pá na n-iarratasóirí a bhaineann le mí an Mheithimh 2021 a neamhniú a mhéid is léiriú iad ar chinneadh deireadh a chur leis an liúntas cnapshuime atá dlite i ndáil le haisíoc costas taistil ón áit fostaíochta go dtí an áit tionscnaimh;

—	cinneadh an 22 Nollaig 2021 lena ndiúltaítear don ghearán an 30 Lúnasa 2021 a neamhniú, a mhéid a thugann sé cúiseanna breise leis an gcinneadh a chonspóidtear;

—	a ordú don chosantóir na costais a íoc.

Saincheisteanna dlí agus príomhargóintí.

Chun tacú leis an ngníomhaíocht, chuir na hiarratasóirí trí phléadáil dlí ar aghaidh atá, go bunúsach, comhionann nó cosúil leo siúd a bhfuiltear ag brath orthu i gCás T-177/22, Mellish v an Coimisiún.