—

a dhearbhú go bhfuil an t-iarratas seo inghlactha agus go bhfuil bunús leis;

—

Cinneadh na Gníomhaireachta Eorpaí Ceimiceán, a seoladh trí litir an 4 Feabhra 2022 (FUP- DEV-01-21200655590-58-0000-CCH-1-2_FTR_NOTIF), lenar cuireadh mainneachtain freagra a thabhairt ar chinneadh measúnaithe sainchomhaid in iúl, a chur neamhní;

—

a dhearbhú – nó a ordú do ECHA beart a ghlacadh lena ndearbhaítear – go scaoiltear an t-iarratasóir ón oibleagáid chun faisnéis ar bith a chur faoi bhráid ECHA tar éis scor de tháirgeadh na substainte atá i gceist, nach mbeidh ar fáil ina dhiadh sin – toisc force majeure; agus

—

a ordú d’ECHA costais na n-imeachtaí seo a íoc go hiomlán.

1.

An chéad saincheist dlí lena n-éilítear gur sháraigh an cosantóir an prionsabal force majeure nuair a dhearbhaigh sí nach scaoiltear an t-iarratasóir ón oibleagáid maidir leis an bhfaisnéis a iarradh sa chéad chinneadh maidir le comhlíonadh a sheiceáil i leith na substaintí a chur ar fáil de bharr scor de tháirgeadh na substainte 1,3-dé-ocsó-2-beansófúrán - 5- aigéad carbocsaileach le nónán-1-ol (EC Uimhir 941-303-6) (“na substaintí”) tar éis an chinnidh dheireanaigh seiceála ar chomhlíonadh le cúiseanna force majeure a ghlacadh.

2.

An dara saincheist dlí lena n-éilítear gur sháraigh an cosantóir Airteagal 50(2) de Rialachán (CE) Uimh. 1907/2006 ó Pharlaimint na hEorpa agus ón gComhairle (1) (“Rialachán REACH”).

3.

An tríú saincheist dlí lena n-éilítear gur sháraigh an cosantóir Airteagail 5 agus 6 de Rialachán REACH.

4.

An ceathrú saincheist dlí lena n-éilítear gur sháraigh an cosantóir prionsabal na comhréireachta