|
24.10.2022 |
GA |
Iris Oifigiúil an Aontais Eorpaigh |
C 408/36 |
Caingean arna tabhairt an 4 Lúnasa 2022 – Genzyme Europe v an Coimisiún
(Cás T-483/22)
(2022/C 408/48)
Teanga an cháis: an Béarla
Páirtithe
Iarratasóir: Genzyme Europe BV (Amstardam, an Ísiltír) (ionadaithe: P. Bogaert, B. Van Vooren agus M. Oyarzabal Arigita, Dlíodóirí)
Cosantóir: An Coimisiún Eorpach
An t-ordú atá á lorg
Iarrann an t-iarratasóir ar an gCúirt Ghinearálta:
|
— |
an cinneadh nach “substaint ghníomhach nua” é avalglucosidase alfa, atá le fáil nó atá curtha in iúl i gCinneadh C(2022) 4531 final ón gCoimisiún an 24 Meitheamh 2022, a neamhniú; |
|
— |
Airteagal 5 den Chinneadh sin ón gCoimisiún, lena ndearbhaítear nach ndéanfaí an táirge íocshláinte Nexviadyme – avalglucosidase alfa a aicmiú mar tháirge íocshláinte dílleachta, a neamhniú; agus |
|
— |
a ordú don Choimisiún Eorpach costais na n-imeachtaí seo a íoc. |
Saincheisteanna dlí agus príomhargóintí
Mar thaca leis an gcaingean, maíonn an t-iarratasóir trí shaincheist dlí.
|
1. |
An chéad saincheist dlí lena n-éilítear sárú ar Airteagal 10(1) de Threoir 2001/83/CE ó Pharlaimint na hEorpa agus ón gComhairle an 6 Samhain 2001 (1) agus ar Airteagal 14(11) de Rialachán (CE) Uimh. 726/2004 ó Pharlaimint na hEorpa agus ón gComhairle an 31 Márta 2004 (2) agus earráid fhollasach measúnaithe, chomh maith le ráiteas ar chúiseanna (i gcoinne na chéad coda den chinneadh atá faoi chonspóid, ina ndiúltaítear don stádas mar “substaint ghníomhach nua”). |
|
2. |
An dara saincheist dlí lena n-éilítear sárú ar phrionsabal an dea-riaracháin, mar a leagtar síos in Airteagal 41 den Chairt um Chearta Bunúsacha an Aontais Eorpaigh (i gcoinne na chéad coda den chinneadh atá faoi chonspóid, ina ndiúltaítear don stádas mar “substaint ghníomhach nua”). |
|
3. |
An tríú saincheist dlí lena n-éilítear sárú ar Airteagal 5(12)(b) de Rialachán (CE) Uimh. 141/2000 ó Pharlaimint na hEorpa agus ón gComhairle an 16 Nollaig 1999 maidir le táirgí íocshláinte dílleachta, (3) earráid fhollasach measúnaithe agus ráiteas ar chúiseanna neamhleor (i gcoinne na chéad coda den chinneadh atá faoi chonspóid – Aistarraingt ainmniúcháin dílleachta). |
(1) Treoir 2001/83/CE ó Pharlaimint na hEorpa agus ón gComhairle an 6 Samhain 2001 maidir leis an gcód Comhphobail a bhaineann le táirgí íocshláinte lena n-úsáid ag an duine (IO 2001 L 311, lch. 67), arna leasú.
(2) Rialachán (CE) Uimh. 726/2004 ó Pharlaimint na hEorpa agus ón gComhairle an 31 Márta 2004 lena leagtar síos nósanna imeachta Comhphobail maidir le húdarú agus maoirseacht táirgí íocshláinte lena n-úsáid ag an duine agus le haghaidh úsáide tréidliachta agus lena mbunaítear Gníomhaireacht Leigheasra Eorpach (IO 2004 L 136, lch. 1), arna leasú.
(3) Rialachán (CE) Uimh. 141/2000 ó Pharlaimint na hEorpa agus ón gComhairle an 16 Nollaig 1999 maidir le táirgí íocshláinte dílleachta (IO 2000 L 18, lch. 1), arna leasú.