|
24.10.2022 |
GA |
Iris Oifigiúil an Aontais Eorpaigh |
C 408/43 |
Caingean arna tabhairt an 13 Meán Fómhair 2022 – HF v an Pharlaimint
(Cás T-565/22)
(2022/C 408/57)
Teanga an cháis: an Fhraincis
Páirtithe
Iarratasóir: HF (ionadaí: A. Tymen, Dlíodóir)
Cosantóir: Parlaimint na hEorpa
An t-ordú atá á lorg
Iarrann an t-iarratasóir ar an gCúirt Ghinearálta:
|
— |
a dhearbhú go bhfuil an chaingean inghlactha agus go bhfuil bunús maith léi, |
agus dá réir sin,
|
— |
cinneadh an 3 Samhain 2021 a chur ar neamhní, lena ndiúltaítear d’iarratas an iarratasóra ar chúnamh an 11 Nollaig 2014; |
|
— |
a mhéid is gá, cinneadh an 3 Meitheamh 2022, a fuarthas an 7 Meitheamh 2022, lena ndiúltaítear gearán an iarratasóra an 3 Feabhra 2022, a chur ar neamhní; |
|
— |
a ordú don chosantóir damáistí a íoc, arna socrú ex aequo et bono ag EUR 50 000, mar chúiteamh ar an damáiste neamhábhartha a bhain don iarratasóir; |
|
— |
a ordú don chosantóir na costais go léir a íoc. |
Saincheisteanna dlí agus príomhargóintí
Mar thaca leis an gcaingean, maíonn an t-iarratasóir dhá shaincheist dlí.
|
1. |
An chéad saincheist dlí, lena n-éilítear go raibh neamhrialtachtaí sa nós imeachta arna leanúint ag an gCoiste, sárú ar Airteagal 41 de Chairt um Chearta Bunúsacha an Aontais Eorpaigh agus sárú ar Airteagal 24 de Rialacháin Foirne Oifigigh an Aontais Eorpaigh (“na Rialacháin Foirne”). |
|
2. |
An dara saincheist dlí, lena n-éilítear go raibh earráidí measúnaithe, sárú ar an dualgas cúnamh a thabhairt agus sárú ar Airteagal 12a agus 24 de na Rialacháin Foirne. |