This document is an excerpt from the EUR-Lex website
Document 62011CA0526
Case C-526/11: Judgment of the Court (Fifth Chamber) of 12 September 2013 (request for a preliminary ruling from the Oberlandesgericht Düsseldorf — Germany) — IVD GmbH & Co. KG v Ärztekammer Westfalen-Lippe (Public procurement — Directive 2004/18/EC — Article 1(9), second subparagraph, point (c) — Concept of ‘body governed by public law’ — Condition relating to the financing of the activity, or to management supervision, or to supervision of the activity by the State, by regional or local authorities or other bodies governed by public law — Association of medical practitioners — Financing provided for by law by means of contributions paid by the members of that association — Amount of the contributions fixed by the assembly of that association — Independence of that association in determining the scope and the rules for the performance of its statutory duties)
Kawża C-526/11: Sentenza tal-Qorti tal-Ġustizzja (Il-Ħames Awla) tat- 12 ta’ Settembru 2013 (talba għal deċiżjoni preliminari tal-Oberlandesgericht Düsseldorf — il-Ġermanja) — IVD GmbH & Co. KG vs Ärztekammer Westfalen-Lippe (Kuntratti pubbliċi — Direttiva 2004/18/KE — Il-punt (c) tat-tieni paragrafu tal-Artikolu 1(9) — Kunċett ta’ “korp irregolat bil-liġi pubblika” — Kundizzjoni li tirrigwarda l-finanzjament tal-attività, il-kontroll tal-ġestjoni, il-kontroll tal-attività mill-Istat, minn awtoritajiet reġjonali jew lokali jew korpi oħra rregolati mil-liġi pubblika — Kamra professjonali tat-tobba — Finanzjament previst mil-liġi permezz ta’ kontribuzzjonijiet imħallsa mill-membri ta’ din il-kamra — Ammont ta’ kontribuzzjonijiet stabbilit mill-assemblea tal-imsemmija kamra — Awtonomija tal-imsemmi korp fir-rigward tal-istabbiliment tal-portata u tal-metodi ta’ implementazzjoni tal-funzjonijiet legali tagħha)
Kawża C-526/11: Sentenza tal-Qorti tal-Ġustizzja (Il-Ħames Awla) tat- 12 ta’ Settembru 2013 (talba għal deċiżjoni preliminari tal-Oberlandesgericht Düsseldorf — il-Ġermanja) — IVD GmbH & Co. KG vs Ärztekammer Westfalen-Lippe (Kuntratti pubbliċi — Direttiva 2004/18/KE — Il-punt (c) tat-tieni paragrafu tal-Artikolu 1(9) — Kunċett ta’ “korp irregolat bil-liġi pubblika” — Kundizzjoni li tirrigwarda l-finanzjament tal-attività, il-kontroll tal-ġestjoni, il-kontroll tal-attività mill-Istat, minn awtoritajiet reġjonali jew lokali jew korpi oħra rregolati mil-liġi pubblika — Kamra professjonali tat-tobba — Finanzjament previst mil-liġi permezz ta’ kontribuzzjonijiet imħallsa mill-membri ta’ din il-kamra — Ammont ta’ kontribuzzjonijiet stabbilit mill-assemblea tal-imsemmija kamra — Awtonomija tal-imsemmi korp fir-rigward tal-istabbiliment tal-portata u tal-metodi ta’ implementazzjoni tal-funzjonijiet legali tagħha)
ĠU C 325, 9.11.2013, pp. 4–4
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
9.11.2013 |
MT |
Il-Ġurnal Uffiċjali tal-Unjoni Ewropea |
C 325/4 |
Sentenza tal-Qorti tal-Ġustizzja (Il-Ħames Awla) tat-12 ta’ Settembru 2013 (talba għal deċiżjoni preliminari tal-Oberlandesgericht Düsseldorf — il-Ġermanja) — IVD GmbH & Co. KG vs Ärztekammer Westfalen-Lippe
(Kawża C-526/11) (1)
(Kuntratti pubbliċi - Direttiva 2004/18/KE - Il-punt (c) tat-tieni paragrafu tal-Artikolu 1(9) - Kunċett ta’ “korp irregolat bil-liġi pubblika” - Kundizzjoni li tirrigwarda l-finanzjament tal-attività, il-kontroll tal-ġestjoni, il-kontroll tal-attività mill-Istat, minn awtoritajiet reġjonali jew lokali jew korpi oħra rregolati mil-liġi pubblika - Kamra professjonali tat-tobba - Finanzjament previst mil-liġi permezz ta’ kontribuzzjonijiet imħallsa mill-membri ta’ din il-kamra - Ammont ta’ kontribuzzjonijiet stabbilit mill-assemblea tal-imsemmija kamra - Awtonomija tal-imsemmi korp fir-rigward tal-istabbiliment tal-portata u tal-metodi ta’ implementazzjoni tal-funzjonijiet legali tagħha)
2013/C 325/05
Lingwa tal-kawża: il-Ġermaniż
Qorti tar-rinviju
Oberlandesgericht Düsseldorf
Partijiet fil-kawża prinċipali
Rikorrenti: IVD GmbH & Co. KG
Konvenuta: Ärztekammer Westfalen-Lippe
fil-preżenza ta’: WWF Druck + Medien GmbH
Suġġett
Talba għal deċiżjoni preliminari — Oberlandesgericht Düsseldorf — Interpretazzjoni tal-punt (c) tat-tieni paragrafu tal-Artikolu 1(9) tad-Direttiva 2004/18/KE tal-Parlament Ewropew u tal-Kunsill, tal-31 ta’ Marzu 2004, fuq kordinazzjoni ta’ proċeduri għall-għoti ta’ kuntratti għal xogħlijiet pubbliċi, kuntratti għal provvisti pubbliċi u kuntratti għal servizzi pubbliċi [kuntratti pubbliċi għal xogħlijiet, għal provvisti u għal servizzi] (ĠU Edizzjoni Speċjali bil-Malti, Kapitolu 6, Vol. 7, p. 132) — Kunċett ta’ “korpi rregolati bil-liġi pubblika [bid-dritt pubbliku]”- Kundizzjonijiet għall-finanzjament fil-biċċa ’l kbira u għas-superviżjoni maniġerjali mill-Istat — Kamra ta’ professjonisti awtorizzata mil-liġi sabiex tirċievi miżati mingħand il-membri tagħha, bl-ammont u l-allokazzjoni ta’ dawn il-miżati għandhom jiġu ffissati permezz ta’ regolament li jeħtieġ approvazzjoni mill-Istat
Dispożittiv
Il-punt (c) tat-tieni paragrafu tal-Artikolu 1(9) tad-Direttiva 2004/18/KE tal-Parlament Ewropew u tal-Kunsill, tal-31 ta’ Marzu 2004, fuq koordinazzjoni ta’ proċeduri għall-għoti ta’ kuntratti għal xogħlijiet pubbliċi, kuntratti għal provvisti pubbliċi u kuntratti għal servizzi pubbliċi [kuntratti pubbliċi għal xogħlijiet, għal provvisti u għal servizzi], għandu jiġi interpretat fis-sens li korp, bħall-kamra professjonali tad-dritt pubbliku, ma jissodisfax la l-kriterju li jirrigwarda l-finanzjament fil-parti l-kbira mill-awtoritajiet pubbliċi meta dan il-korp huwa ffinanzjat fil-parti l-kbira mill-kontribuzzjonijiet imħallsa mill-membri tagħha, li l-liġi tawtorizzah jistabbilixxi u jiġbor l-ammont, fil-każ fejn din il-liġi ma tiddeterminax il-portata u l-metodi tal-azzjonijiet li l-imsemmi korp jimplementa fil-kuntest tat-twettiq tal-funzjonijiet legali tiegħu, li dawn il-kontribuzzjonijiet huma destinati sabiex jiffinanzjaw, u lanqas il-kriterju li jirrigwarda l-kontroll tal-ġestjoni mill-awtoritajiet pubbliċi minħabba l-fatt biss li d-deċiżjoni li permezz tagħha l-istess korp jistabbilixxi l-ammont tal-imsemmija kontribuzzjonijiet għandu jiġi approvat minn awtorità superviżorja.