9.11.2013   

MT

Il-Ġurnal Uffiċjali tal-Unjoni Ewropea

C 325/17

—

tannulla s-sentenza tal-Qorti Ġenerali tat-3 ta’ Lulju 2013 fil-Kawża T-206/12 u d-deċiżjoni tal-Ewwel Bord tal-Appell tal-UASI tal-1 ta’ Marzu 2012, fil-Każ R 411/2011-1;

—

tikkundanna lill-konvenut għall-ispejjeż.

Il-Qorti Ġenerali interpretat b’mod żbaljat il-kunċett ta’ “identiċità tal-prodotti” peress li ekwiparat is-“sigarri” mal-kunċett ġenerali ta’ “prodotti ta’ tabakk”. Billi għamlet hekk, il-Qorti Ġenerali estendiet indebitament il-portata tal-protezzjoni tat-trade mark invokata insostenn tal-oppożizzjoni.

Il-Qorti Ġenerali interpretat b’mod żbaljat il-kunċett ta’ “xebh ta’ prodotti”, peress li, sabiex tevalwa x-xebh tal-prodotti, hija lanqas ma kellha tikkunsidra b’mod ġenerali li s-“sigarri” huma simili għall-kunċett ġenerali ta’ “artikoli tat-tipjip”.

Meta pparagunat is-sinjali, il-Qorti Ġenerali ma applikatx b’mod korrett il-kriterju tal-evalwazzjoni globali, peress li pparagunat b’mod ġenerali l-elementi “LIBERTAD” u “LIBERTE”, u b’hekk ma ħaditx inkunsiderazzjoni l-komponenti l-oħra kollha tat-trade marks.

B’mod partikolari, kieku applikat b’mod korrett il-kriterju tal-evalwazzjoni globali, il-Qorti Ġenerali kellha tattribwixxi importanza ikbar lil ċerti elementi oħra tat-trade marks kunfliġġenti, b’mod partikolari lill-kombinazzjoni tal-kuluri tat-trade mark ikkontestata u lid-denominazzjoni “LA” tat-trade mark invokata insostenn tal-oppożizzjoni.

Barra minn hekk, il-Qorti Ġenerali applikat b’mod żbaljat il-prinċipji stabbiliti mill-Qorti tal-Ġustizzja dwar ix-xebh kunċettwali peress li ma ħaditx suffiċjentement inkunsiderazzjoni l-lingwi differenti tat-trade marks.

B’mod ġenerali, il-Qorti Ġenerali għalhekk waslet għal konkużjoni żbaljata.