Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62019CN0671

Kawża C-671/19: Talba għal deċiżjoni preliminari mressqa mill-Conseil du Contentieux des Étrangers (il-Belġju) fl-10 ta’ Settembru 2019– X vs État belge

ĠU C 372, 4.11.2019, pp. 24–25 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

4.11.2019   

MT

Il-Ġurnal Uffiċjali tal-Unjoni Ewropea

C 372/24

Talba għal deċiżjoni preliminari mressqa mill-Conseil du Contentieux des Étrangers (il-Belġju) fl-10 ta’ Settembru 2019– X vs État belge

(Kawża C-671/19)

(2019/C 372/26)

Lingwa tal-kawża: il-Franċiż

Qorti tar-rinviju

Conseil du Contentieux des Étrangers

Partijiet fil-kawża prinċipali

Rikorrent: X

Konvenut: État belge

Domandi preliminari

1)

L-indikazzjoni fl-Artikolu 34(5) tad-Direttiva (UE) 2016/801 (1), li l-kontestazzjoni legali prevista f’dan l-artikolu għandha ssir “f’konformità mal-liġi nazzjonali” għandha tiġi interpretata fis-sens li huwa l-leġiżlatur nazzjonali biss li għandu jiddetermina l-modalitajiet ta’ din il-kontestazzjoni legali mingħajr ma l-qorti nazzjonali għandha l-obbligu tivverifika jekk dawn il-modalitajiet humiex konformi mad-dritt għal rimedju effettiv fis-sens tal-Artikolu 47 tal-Karta tad-Drittijiet Fundamentali tal-Unjoni Ewropea?

2)

a)

Jekk ir-risposta għall-ewwel domanda tkun negattiva, il-kontestazzjoni legali prevista fl-Artikolu 34(5) tad-Direttiva 2016/801 għandha, sabiex tkun effettiva fis-sens tal-Artikolu 47 tal-Karta, tinkludi possibbiltà ta’ aċċess fil-każijiet kollha għal proċedura ta’ kontestazzjoni legali eċċezzjonali, imwettqa fil-kundizzjonijiet tal-urgenza estrema, meta l-persuna kkonċernata turi li hija eżerċitat id-diliġenza kollha meħtieġa u li l-osservanza tat-termini neċessarji għat-twettiq ta’ proċedura ordinarja tista’ tfixkel l-iżvolġiment tal-istudji inkwistjoni?

b)

Jekk ir-risposta għal din id-domanda tkun negattiva, l-istess risposta negattiva għandha tingħata meta l-assenza ta’ deċiżjoni f’terminu qarib toħloq ir-riskju li l-persuna kkonċernata titlef b’mod irrimedjabbli sena ta’ studju?

3)

Jekk ir-risposta għall-punt (a) jew (b) tat-tieni domanda tkun affermattiva, il-qorti nazzjonali għandha l-obbligu tipprivileġġa interpretazzjoni tal-liġi li tkun konformi mal-għan tad-Direttiva 2016/801 sabiex tasal għal soluzzjoni li tkun konformi mal-għan li din trid tilħaq, billi taċċetta li teżamina skont il-kundizzjonijiet tal-urġenza estrema talba għas-sospensjoni tal-eżekuzzjoni ta’ deċiżjoni prevista fl-Artikolu 20 ta’ din id-direttiva, meta x-xogħol preparatorju tal-liġi jista’ jindika li din ma kinitx l-intenzjoni tal-leġiżlatur?

4)

Jekk ir-risposta għall-ewwel domanda tkun negattiva, il-kontestazzjoni legali prevista fl-Artikolu 34(5) tad-Direttiva 2016/801 tobbliga lill-Istati Membri, sabiex ikunu konformi mal-Artikolu 47 tal-Karta, jipprevedu li f’ċerti każijiet il-qorti tista’ tordna lill-awtorità toħroġ il-viża?

(1)  Direttiva (UE) 2016/801 tal-Parlament Ewropew u tal-Kunsill tal-11 ta’ Mejju 2016 dwar il-kundizzjonijiet ta’ dħul u residenza ta’ ċittadini ta’ pajjiżi terzi għall-finijiet ta’ riċerka, studji, taħriġ, servizz volontarju, skemi ta’ skambju ta’ skulari jew proġetti edukattivi u au pairing (ĠU 2016, L 132, p. 21).

Top