Talba għal deċiżjoni preliminari mressqa mill-Cour de cassation du Grand-Duché de Luxembourg (il-Lussemburgu) fl-1 ta’ Diċembru 2021 – GV vs Casse nationale d’assurance pension

(Kawża C-731/21)

(2022/C 73/20)

Lingwa tal-kawża: il-Franċiż

Qorti tar-rinviju

Cour de cassation du Grand-Duché de Luxembourg

Partijiet fil-kawża prinċipali

Rikorrent: GV

Konvenut: Casse nationale d’assurance pension

Domanda preliminari

Id-dritt tal-Unjoni Ewropea, b’mod partikolari l-Artikoli 18, 45 u 48 tat-Trattat FUE u l-Artikolu 7(2) tar-Regolament (UE) Nru 492/2011 tal-Parlament Ewropew u tal-Kunsill tal-5 ta’ April 2011 dwar il-moviment liberu tal-ħaddiema fi ħdan l-Unjoni (1) jipprekludu dispożizzjonijiet tad-dritt ta’ Stat Membru, bħall-Artikolu 195 tal-Code luxembourgeois de la sécurité sociale (il-Kodiċi Lussemburgiż tas-Sigurtà Soċjali) u l-Artikoli 3, 4 u 4-1 tal-loi modifiée du 9 juillet 2004 relative aux effets légaux de certains partenariats (il-Liġi Emendata tad-9 ta’ Lulju 2004 dwar l-Effetti Legali ta’ Ċerti Sħubijiet) li jissuġġettaw l-għoti, lis-sieħeb superstiti ta’ sħubija konkluża u rreġistrata validament fl-Istat Membru ta’ oriġini, ta’ pensjoni tas-superstiti, dovuta minħabba l-eżerċizzju fl-Istat Membru ospitanti ta’ attività professjonali mis-sieħeb deċedut, għall-kundizzjoni tar-reġistrazzjoni tas-sieħeb f’reġistru miżmum mill-imsemmi Stat għall-finijiet tal-verifika tal-osservanza tal-kundizzjonijiet sostantivi meħtieġa mil-liġi ta’ dak l-Istat Membru sabiex tiġi rrikonoxxuta sħubija u sabiex jiġi żgurat l-infurzabbiltà tagħha fil-konfront ta’ terzi, filwaqt li l-għoti ta’ pensjoni tas-superstiti lis-sieħeb superstiti ta’ sħubija konkluża fl-Istat Membru ospitanti hija suġġetta biss għall-kundizzjoni li s-sħubija tkun ġiet konkluża u rreġistrata validament hemmhekk?

(1)  ĠU 2011, L 141, p. 1.