This document is an excerpt from the EUR-Lex website
Document 62013CN0544
Case C-544/13: Request for a preliminary ruling from the Stockholms tingsrätt (Sweden) lodged on 21 October 2013 — Abcur AB v Apoteket Farmaci AB
Kawża C-544/13: Talba għal deċiżjoni preliminari mressqa mis-Stockholms tingsrätt (l-Isvezja) fil- 21 ta’ Ottubru 2013 — Abcur AB vs Apoteket Farmaci AB
Kawża C-544/13: Talba għal deċiżjoni preliminari mressqa mis-Stockholms tingsrätt (l-Isvezja) fil- 21 ta’ Ottubru 2013 — Abcur AB vs Apoteket Farmaci AB
ĠU C 15, 18.1.2014, pp. 6–7
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
18.1.2014 |
MT |
Il-Ġurnal Uffiċjali tal-Unjoni Ewropea |
C 15/6 |
Talba għal deċiżjoni preliminari mressqa mis-Stockholms tingsrätt (l-Isvezja) fil-21 ta’ Ottubru 2013 — Abcur AB vs Apoteket Farmaci AB
(Kawża C-544/13)
2014/C 15/08
Lingwa tal-kawża: L-Isvediż
Qorti tar-rinviju
Stockholms tingsrätt
Partijiet fil-kawża prinċipali
Rikorrenti: Abcur AB
Konvenuta: Apoteket Farmaci AB
Domandi preliminari
|
(1) |
Prodott mediċinali għall-użu mill-bniedem, li jingħata biss b’riċetta tat-tabib u li jintuża biss għall-kura urġenti, li fir-rigward tiegħu ma ngħatat l-ebda awtorizzazzjoni għat-tqegħid fis-suq mill-awtorità kompetenti fi Stat Membru jew skont ir-Regolament (KEE) Nru 2309/93 (1), u li huwa mmanufatturat minn operaur bħal dak involut fil-proċeduri quddiem is-Stockholms tingsrätt (qorti tad-distrett ta’ Stockholm) u ordnat mill-istituzzjonijiet tas-saħħa skont il-fatti tal-kawża quddiem is-Stockholms tingsrätt, jista’ jkun kopert minn waħda mill-eċċezzjonijiet fl-Artikolu 3(1) jew (2) tad-Direttiva 2001/83 (2) dwar il-kodiċi tal-Komunità li għandu x’jaqsam ma’ prodotti mediċinali għall-użu mill-bniedem, b’mod partikolari f’sitwazzjoni fejn ma jkun hemm l-ebda prodott mediċinali ieħor bl-istess sustanza attiva, bl-istess doża u bl-istess forma farmaċewtika? |
|
(2) |
Jekk prodott mediċinali għall-użu mill-bniedem, li jingħata biss b’riċetta tat-tabib, bħal dak li jsir riferiment għalih fid-domanda 1, ikun kopert mill-Artikolu 3(1), 3(2) jew 5(1) tad-Direttiva 2001/83, il-leġiżlazzjoni dwar il-miżuri ta’ reklamar għal prodotti mediċinali għandha titqies bħala mhux armonizzata jew it-tip ta’ miżuri li f’dan il-każ huma meqjusa bħala li jikkostitwixxu reklamar huma rregolati mid-Direttiva 2006/114 (3) dwar reklamar qarrieqi u komparattiv? |
|
(3) |
Jekk id-Direttiva 2006/114 dwar reklamar qarrieqi u komparattiv hija applikabbli skont id-domanda 2, taħt liema kundizzjonijiet bażiċi, il-miżuri ineżami quddiem is-Stockholms tingsrätt (użu ta’ isem ta’ prodott, numru ta’ prodott u kodiċi anatomiku terapewtiku għall-prodott mediċinali, applikazzjoni ta’ prezz fiss għall-prodott mediċinali, provvista’ ta’ informazzjoni dwar il-prodott mediċinali fir-reġistru nazzjonali tal-prodotti mediċinali (NPL), għoti ta’ identità NPL lill-prodott mediċinali, disseminazzjoni ta’ fuljett informattiv dwar il-prodott mediċinali, provvista tal-prodott mediċinali permezz ta’ servizz ta’ ordni elettroniku għas-servizzi tas-saħħa u l-provvista ta’ informazzjoni dwar prodott mediċinali permezz ta’ pubblikazzjoni maħruġa minn organizzazzjoni nazzjonali professjonali) jikkostitwixxu reklamar fis-sens tad-Direttiva 2006/114? |
(1) Ir-Regolament tal-Kunsill (KEE) Nru 2309/93, tat-22 ta’ Lulju 1993, li jistipula proċeduri tal-Komunità għall-awtorizzazzjoni u s-sorveljanza ta’ prodotti mediċinali għall-użu tal-bniedem u veterinarju u li jistabbilixxi Aġenzija Ewropea għall-Valutazzjoni ta’ Prodotti Mediċinali (ĠU Edizzjoni Speċjali bil-Malti, Kapitolu 13, Vol. 12, p. 151)
(2) Id-Direttiva 2001/83/KEE tal-Parlament Ewropew u tal-Kunsill, tas-6 ta’ Novembru 2001, dwar il-kodiċi tal-Komunità li għandu x’jaqsam ma’ prodotti mediċinali għall-użu mill-bniedem (ĠU Edizzjoni Speċjali bil-Malti, Kapitolu 13, Vol. 27, p. 69)
(3) Direttiva 2006/114/KE tal-Parlament Ewropew u tal-Kunsill, tat-12 ta’ Diċembru 2006, dwar reklamar qarrieqi u komparattiv (ĠU L 376, p.21)