This document is an excerpt from the EUR-Lex website
Document 62022TN0116
Case T-116/22: Action brought on 3 March 2022 — Belavia v Council
Kawża T-116/22: Rikors ippreżentat fit-3 ta’ Marzu 2022 – Belavia vs Il-Kunsill
Kawża T-116/22: Rikors ippreżentat fit-3 ta’ Marzu 2022 – Belavia vs Il-Kunsill
ĠU C 171, 25.4.2022, pp. 42–43
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
ĠU C 171, 25.4.2022, pp. 32–33
(GA)
|
25.4.2022 |
MT |
Il-Ġurnal Uffiċjali tal-Unjoni Ewropea |
C 171/42 |
Rikors ippreżentat fit-3 ta’ Marzu 2022 – Belavia vs Il-Kunsill
(Kawża T-116/22)
(2022/C 171/58)
Lingwa tal-kawża: l-Ingliz
Partijiet
Rikorrent: Belavia – Belarusian Airlines AAT (Minsk, il-Bjelorussja) (rappreżentanti: N. Tuominen u L. Engelen, avukati)
Konvenut: Il-Kunsill tal-Unjoni Ewropea
Talbiet
Ir-rikorrenti titlob li l-Qorti Ġenerali jogħġobha:
|
— |
tannulla d-Deċiżjoni ta’ Implimentazzjoni tal-Kunsill (PESK) 2021/2125 tat-2 ta’ Diċembru 2021 li timplimenta d-Deċiżjoni 2012/642/PESK dwar miżuri restrittivi fid-dawl tas-sitwazzjoni fil-Belarussja (1), u r-Regolament ta’ Implimentazzjoni tal-Kunsill (UE) 2021/2124 tat-2 ta’ Diċembru 2021 li jimplimenta l-Artikolu 8a(1) tar-Regolament (KE) Nru 765/2006 dwar miżuri restrittivi fir-rigward tal-Belarussja (2) (iktar ’il quddiem il-“Miżuri kkontestati”); u |
|
— |
tikkundanna lill-Kunsill għall-ispejjeż sostnuti mir-rikorrenti f’din il-kawża. |
Motivi u argumenti prinċipali
Insostenn tar-rikors tagħha, ir-rikorrenti tinvoka żewġ motivi.
|
— |
L-ewwel motiv ibbażat fuq l-allegazzjoni li billi bbaża ruħu fuq ir-raġunijiet fattwalment żbaljati previsti fil-Miżuri kkontestati għall-inklużjoni tar-rikorrenti, il-Kunsill wettaq żball manifest ta’ evalwazzjoni. Dan huwa msaħħaħ mill-fatt li r-rikorrenti nnifisha effettivament ipprovdiet lill-Kunsill b’informazzjoni dettaljata li tikkonfuta r-raġunijiet li fuqhom hija bbażata l-inklużjoni tagħha qabel din l-inklużjoni, hekk kif saret taf bil-pubblikazzjoni ta’ rapporti ta’ aħbarijiet foloz li kienu jinkludu tali informazzjoni. |
|
— |
It-tieni motiv ibbażat fuq l-allegazzjoni li l-Miżuri kkontestati ma jissodisfawx il-livell ta’ prova meħtieġ għall-adozzjoni ta’ sanzjonijiet individwali. Billi pprova juża miżuri individwali sabiex jintlaħaq l-għan li jiġu ristretti l-attivitajiet tan-negozju u l-profitti ta’ impriża barranija proprjetà tal-Istat, il-Kunsill applika miżura ta’ natura illegali. |