|
20.11.2017 |
MT |
Il-Ġurnal Uffiċjali tal-Unjoni Ewropea |
C 392/19 |
Sentenza tal-Qorti Ġenerali tal-5 ta’ Ottubru 2017 – Ben Ali vs Il–Kunsill
(Kawża T-149/15) (1)
((“Politika estera u ta’ sigurtà komuni - Miżuri restrittivi meħuda kontra ċerti persuni u entitajiet fid-dawl tas-sitwazzjoni fit-Tuneżija - Iffriżar ta’ fondi - Rikors għal annullament - Ammissibbiltà - Bażi legali - Iskrizzjoni mill-ġdid ta’ isem ir-rikorrenti bbażata fuq raġuni ġdida - Obbligu ta’ motivazzjoni - Bażi fattwali - Dritt għall-proprjetà - Proporzjonalità”))
(2017/C 392/23)
Lingwa tal-kawża: l-Ingliż
Partijiet
Rikorrenti: Sirine Bent Zine El Abidine Ben Haj Hamda Ben Ali (Tuneż, it-Tuneżija) (rappreżentant: S. Maktouf, avukat)
Konvenut: Il–Kunsill tal–Unjoni Ewropea (rappreżentanti: inizjalment Á. de Elera-San Miguel Hurtado u G. Étienne, sussegwentement Á. de Elera-San Miguel Hurtado, aġenti)
Suġġett
Talba bbażata fuq l-Artikolu 263 TFUE u intiża għall-annullament tad-Deċiżjoni tal-Kunsill (PESK) 2015/157, tat-30 ta’ Jannar 2015, li temenda d-Deċiżjoni 2011/72/PESK dwar miżuri restrittivi diretti kontra ċerti persuni u entitajiet fid-dawl tas-sitwazzjoni fit-Tuneżija (ĠU 2015, L 26, p. 29), u tar-Regolament ta’ Implimentazzjoni tal-Kunsill (UE) 2015/147, tat-30 ta’ Jannar 2015, li jimplimenta r-Regolament (UE) Nru 101/2011 dwar miżuri restrittivi diretti kontra ċerti persuni, entitajiet u korpi fid-dawl tas-sitwazzjoni fit-Tuneżija (ĠU 2015, L 26, p. 3), sa fejn dawn l-atti jikkonċernaw lir-rikorrenti.
Dispożittiv
|
1) |
Ir-rikors huwa miċħud. |
|
2) |
Sirine Bent Zine El Abidine Ben Haj Hamda Ben Ali għandha tbati l-ispejjeż tagħha stess kif ukoll dawk sostnuti mill-Kunsill tal–Unjoni Ewropea. |