Talba għal deċiżjoni preliminari mressqa mill-Amtsgerichts Düsseldorf (il-Ġermanja) fil-25 ta’ Marzu 2016 – Ljiljana Kammerer, Frank Kammerer vs Swiss International Air Lines AG

(Kawża C-172/16)

(2016/C 211/40)

Lingwa tal-kawża: il-Ġermaniż

Qorti tar-rinviju

Amtsgericht Düsseldorf

Partijiet fil-kawża prinċipali

Rikorrenti: Ljiljana Kammerer, Frank Kammerer

Konvenuta: Swiss International Air Lines AG

Domanda preliminari

Il-ftehim bejn il-Konfederazzjoni Svizzera u l-Komunità Ewropea dwar it-trasport bl-ajru tal-21 ta’ Ġunju 1999 fil-verżjoni tad-Deċiżjoni Nru 2/2010 tal-Kumitat tat-trasport bl-ajru tal-Komunità/Svizzera tas-26 ta’ Novembru 2010 għandu jiġi interpretat fis-sens li r-Regolament (KE) Nru 261/2004 (1) japplika, konformement mal-Artikolu 3(1)(a) tiegħu, għall-passiġġieri li jipprevedu li jinżlu f’ajruport Svizzeru permezz ta’ titjira provenjenti minn pajjiż terz?

---

(1)  Regolament (KE) Nru 261/2004 tal-Parlament Ewropew u tal-Kunsill, tal-11 ta’ Frar 2004, li jistabbilixxi regoli komuni dwar il-kumpens u l-assistenza għal passiġġieri fil-każ li ma jitħallewx jitilgħu u ta' kanċellazzjoni jew dewmien twil ta' titjiriet, u li li jħassar ir-Regolament (KEE) Nru 295/91 (ĠU Edizzjoni Speċjali bil-Malti, Kapitolu 7, Vol. 8, p. 10).