13.11.2017   

MT

Il-Ġurnal Uffiċjali tal-Unjoni Ewropea

C 382/50

Rikors ippreżentat fit-8 ta’ Settembru 2017 – Ardigo u UO vs Il-Kummissjoni

(Kawża T-615/17)

(2017/C 382/62)

Lingwa tal-kawża: il-Franċiż

Partijiet

Rikorrenti: Nicola Ardigo (Lissone, l-Italja) u UO (rappreżentanti: S. Orlandi u T. Martin, avukati)

Konvenuta: Il-Kummissjoni Ewropea

Talbiet

—

tiddikkjara u tiddeċiedi,

—

id-deċiżjonijiet li jikkonfermaw it-trasferiment tad-drittijiet għal pensjoni tar-rikorrenti fl-[iskema tal-pensjonijiet tal-Unjoni Ewropea (iktar 'il quddiem “SPUE”) huma annullati;

—

il-Kummissjoni Ewropea hija kkundannata għall-ispejjeż.

Motivi u argumenti prinċipali

Insostenn tar-rikors tagħhom, ir-rikorrenti jinvokaw żewġ motivi.

1.

L-ewwel motiv ibbażat fuq ksur mill-Awtorità tal-Ħatra tal-Artikolu 7(1) tad-dispożizzjonijiet ġenerali ta’ implementazzjoni (iktar 'il quddiem id-“DĠI”) tat-3 ta’ Marzu 2011 fil-kalkolu minn din tal-aħħar tat-tnaqqis tal-ammont li jirrappreżenta ż-żieda f’dan il-kapital bejn id-data tat-talba għal trasferiment u dik tat-trasferiment effettiv.

2.

It-tieni motiv ibbażat fuq ksur tal-formalità essenzjali, jiġifieri l-ksur mill-Awtorità tal-Ħatra tal-obbligi ta’ motivazzjoni tagħha u li tiffissa, permezz ta’ DĠI, il-formula matematika skont liema hija kkalkolat il-koeffiċjenti neċessarji għall-konverżjoni tal-kapital ittrasfrit fi snin ta’ servizz.