|
10.5.2021 |
MT |
Il-Ġurnal Uffiċjali tal-Unjoni Ewropea |
C 182/6 |
Sentenza tal-Qorti tal-Ġustizzja (Ir-Raba’ Awla) tat-18 ta’ Marzu 2021 – Pometon SpA vs Il-Kummissjoni Ewropea
(Kawża C-440/19 P) (1)
(Appell - Akkordji - Suq Ewropew tal-barraxa tal-azzar - Parteċipazzjoni f’kuntatti bilaterali u multilaterali bl-għan li jiġu kkoordinati l-prezzijiet fiż-Żona Ekonomika Ewropea kollha - Proċedura “ibrida” li wasslet suċċessivament għall adozzjoni ta’ deċiżjoni ta’ tranżazzjoni u ta’ deċiżjoni fi tmiem proċedura ordinarja - Karta tad-Drittijiet Fundamentali tal-Unjoni Ewropea - Artikolu 41 - Dmir ta’ imparzjalità tal-Kummissjoni Ewropea - Artikolu 48 - Preżunzjoni ta’ innoċenza - Obbligu ta’ motivazzjoni - Ksur uniku u kontinwu - Tul tal-ksur - Ugwaljanza fit-trattament - Ġurisdizzjoni sħiħa)
(2021/C 182/08)
Lingwa tal-kawża: it-Taljan
Partijiet
Appellant: Pometon SpA (rappreżentanti: E. Fabrizi, V. Veneziano u A. Molinaro, avvocati)
Parti oħra fil-proċedura: Il-Kummissjoni Ewropea (rappreżentanti: inizjalment P. Rossi u T. Vecchi, sussegwentement P. Rossi u C. Sjödin, aġenti)
Dispożittiv
|
1) |
Il-punti 2 u 4 tad-dispożittiv tas-sentenza tal-Qorti Ġenerali tal-Unjoni Ewropea tat-28 ta’ Marzu 2019, Pometon vs Il-Kummissjoni (T-433/16, EU:T:2019:201), huma annullati. |
|
2) |
Il-kumplament tal-appell huwa miċħud. |
|
3) |
L-ammont tal-multa imposta fuq Pometon SpA fl-Artikolu 2 tad-Deċiżjoni tal-Kummissjoni C (2016) 3121 final tal-25 ta’ Mejju 2016, li tirrigwarda proċediment skont l-Artikolu 101 TFUE u l-Artikolu 53 tal-Ftehim ŻEE (Każ AT.39792 – Barraxa tal-azzar), huwa ffissat f’EUR 2 633 895. |
|
4) |
Pometon SpA u l-Kummissjoni Ewropea għandhom ibatu l-ispejjeż rispettivi tagħhom relatati kemm mal-proċedura ta’ appell kif ukoll mal-proċedura fl-ewwel istanza. |