Digriet tal-Qorti Ġenerali tal-11 ta’ Settembru 2019 – Cham Holding u Bena Properties vs Il-Kunsill

(Kawża T-55/19) (1)

(“Rikors għad-danni - Politika estera u ta’ sigurtà komuni - Miżuri restrittivi meħuda kontra s-Sirja - Iffriżar ta’ fondi - Nuqqas ta’ ġurisdizzjoni”)

(2019/C 399/77)

Lingwa tal-kawża: il-Franċiż

Partijiet

Rikorrenti: Cham Holding Co. SA (Damasku, is-Sirja) u Bena Properties Co. SA (Damasku, is-Sirja) (rappreżentant: E. Ruchat, avukat)

Konvenut: Il-Kunsill tal-Unjoni Ewropea (rappreżentanti: A. Jaume u V. Piessevaux, aġenti)

Suġġett

Talba bbażata fuq l-Artikolu 268 TFUE u intiża għall-ksib ta’ kumpens għad-danni li r-rikorrenti allegatament ġarrbu b’konsegwenza tal-adozzjoni tad-Deċiżjoni tal-Kunsill (PESK) 2018/778 tat-28 ta’ Mejju 2018 li temenda d-Deċiżjoni tal-Kunsill 2013/255/PESK dwar miżuri restrittivi kontra s-Sirja (ĠU 2018, L 131, p. 16, rettifika fil-ĠU 2018, L 167, p. 36) u tal-atti sussegwenti għall-implimentazzjoni tagħha, kif ukoll b’konsegwenza tad-Deċiżjoni tal-Kunsill (PESK) 2019/806 tas-17 ta’ Mejju 2019 li temenda d-Deċiżjoni tal-Kunsill 2013/225/PESK dwar miżuri restrittivi kontra s-Sirja (ĠU 2019, L 132, p. 36), sa fejn dawn jikkonċernaw lir-rikorrenti.

Dispożittiv

1)	Ir-rikors huwa miċħud.

2)	Cham Holding Co. SA u Bena Properties Co. SA għandhom ibatu l-ispejjeż rispettivi tagħhom kif ukoll dawk sostnuti mill-Kunsill tal-Unjoni Ewropea.

---

(1)  ĠU C 139, 15.4.2019.