Sentenza tal-Qorti tal-Ġustizzja (L-Għaxar Awla) tal-1 ta’ Awwissu 2022 (talba għal deċiżjoni preliminari tal-Înalta Curte de Casaţie şi Justiţie – ir-Rumanija) – Uniqa Asigurări SA vs Agenţia Naţională de Administrare Fiscală – Direcţia Generală de Soluţionare a Contestaţiilor, Direcţia Generală de Administrare a Marilor Contribuabili

(Kawża C-267/21) (1)

(“Rinviju għal deċiżjoni preliminari - Tassazzjoni - Taxxa fuq il-valur miżjud (VAT) - Direttiva 2006/112/KE - Artikolu 56 - Provvista ta’ servizzi ta’ assigurazzjoni - Post ta’ tassazzjoni - Servizzi ta’ regolazzjoni tal-inċidenti pprovduti minn kumpanniji terzi f’isem u fl-interess ta’ assiguratur”)

(2022/C 408/20)

Lingwa tal-kawża: ir-Rumen

Qorti tar-rinviju

Înalta Curte de Casaţie şi Justiţie

Partijiet fil-kawża prinċipali

Rikorrent: Uniqa Asigurări SA

Konvenut: Agenţia Naţională de Administrare Fiscală – Direcţia Generală de Soluţionare a Contestaţiilor, Direcţia Generală de Administrare a Marilor Contribuabili

Dispożittiv

L-Artikolu 56(1)(ċ) tad-Direttiva tal-Kunsill 2006/112/KE tat-28 ta’ Novembru 2006 dwar is-sistema komuni ta’ taxxa fuq il-valur miżjud, għandu jiġi interpretat fis-sens li s-servizzi ta’ regolazzjoni tal-inċidenti pprovduti minn kumpanniji terzi, f’isem u fl-interess ta’ kumpannija tal-assigurazzjoni, ma jaqgħux taħt “servizzi ta’ konsulenti, enġiniera, uffiċji ta’ konsulenza, avukati, accountants, u servizzi simili kif ukoll [tal-]ipproċessar ta’ data u [tal]-għoti ta’ informazzjoni” imsemmija minn din id-dispożizzjoni.

---

(1)   ĠU C 349, 30.08.2021.