|
24.10.2022 |
MT |
Il-Ġurnal Uffiċjali tal-Unjoni Ewropea |
C 408/22 |
Sentenza tal-Qorti tal-Ġustizzja (L-Għaxar Awla) tal-1 ta’ Awwissu 2022 (talba għal deċiżjoni preliminari tal-Consiglio di Stato – l-Italja) – Ministero dell’Interno vs TO
(Kawża C-422/21) (1)
(Rinviju għal deċiżjoni preliminari - Persuni li japplikaw għall-protezzjoni internazzjonali - Direttiva 2013/33/UE - Artikolu 20(4) u (5) - Aġir partikolarment vjolenti - Dritt tal-Istati Membri li jiddeterminaw is-sanzjonijiet applikabbli - Portata - Irtirar tal-benefiċċju tal-kundizzjonijiet materjali ta’ akkoljenza)
(2022/C 408/25)
Lingwa tal-kawża: it-Taljan
Qorti tar-rinviju
Consiglio di Stato
Partijiet fil-kawża prinċipali
Rikorrent: Ministero dell’Interno
Konvenut: TO
Dispożittiv
|
1) |
L-Artikolu 20(4) tad-Direttiva 2013/33/UE tal-Parlament Ewropew u tal-Kunsill tas-26 ta’ Ġunju 2013 li tistabbilixxi l-istandards dwar l-akkoljenza ta’ applikanti għall-protezzjoni internazzjonali għandu jiġi interpretat fis-sens li japplika għal aġir partikolarment vjolenti mwettaq barra minn ċentru ta’ akkoljenza. |
|
2) |
L-Artikolu 20(4) u (5) tad-Direttiva 2013/33 għandu jiġi interpretat fis-sens li jipprekludi l-impożizzjoni, fuq applikant għal protezzjoni internazzjonali li jkun wettaq aġir partikolarment vjolenti fil-konfront ta’ uffiċjali pubbliċi, ta’ sanzjoni li tikkonsisti fl-irtirar tal-benefiċċju tal-kundizzjonijiet materjali ta’ akkoljenza, fis-sens tal-Artikolu 2(f) u (g) ta’ din id-direttiva, fir-rigward ta’ akkomodazzjoni, ta’ ikel u ta’ ħwejjeġ, sa fejn ikollha l-effett li ċċaħħad lill-applikant mill-possibbiltà li jissodisfa l-bżonnijiet l-iktar bażiċi tiegħu. L-impożizzjoni ta’ sanzjonijiet oħra abbażi tal-imsemmi Artikolu 20(4) għandha, f’kull ċirkustanza, tosserva l-kundizzjonijiet stabbiliti fil-paragrafu 5 ta’ dan l-artikolu, b’mod partikolari dawk relatati mal-osservanza tal-prinċipju ta’ proporzjonalità u tad-dinjità tal-bniedem. |