Digriet tal-Qorti tal-Ġustizzja (L-Għaxar Awla) tad-9 ta’ Frar 2022 (talba għal deċiżjoni preliminari tal-Varhoven kasatsionen – il-Bulgarija) – “Konservinvest”OOD vs “Bulkons Parvomay” OOD

(Kawża C-35/21) (1)

(Rinviju għal deċiżjoni preliminari - Artikolu 99 tar-Regoli tal-Proċedura tal-Qorti tal-Ġustizzja - Sistemi ta’ kwalità għall-prodotti agrikoli u għall-prodotti tal-ikel - Regolament (UE) Nru 1151/2012 - Denominazzjonijiet tal-oriġini u indikazzjonijiet ġeografiċi - Artikolu 9 - Protezzjoni nazzjonali tranżitorja - Indikazzjoni ġeografika li tindika prodott agrikolu, irreġistrat taħt il-leġiżlazzjoni ta’ Stat Membru u li jibbenefika minn protezzjoni nazzjonali)

(2022/C 222/06)

Lingwa tal-kawża: il-Bulgaru

Qorti tar-rinviju

Varhoven kasatsionen sad (il-Bulgarija)

Partijiet fil-kawża prinċipali

Rikorrent:“Konservinvest”OOD

Konvenut:“Bulkons Parvomay” OOD

Dispożittiv

Ir-Regolament (UE) 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel għandu jiġi interpretat fis-sens li jipprekludi leġiżlazzjoni ta’ Stat Membru li tipprevedi sistema nazzjonali ta’ reġistrazzjoni u ta’ protezzjoni ta’ denominazzjonijiet ġeografiċi kkwalifikati, relatati ma’ prodotti agrikoli u ma’ prodotti tal-ikel li jaqgħu fil-kamp ta’ applikazzjoni ta’ dan ir-regolament, li huma intiżi li japplikaw biss għat-tilwim relatat mal-ksur tad-drittijiet li jirriżultaw minn dawn id-denominazzjonijiet bejn negozjanti ta’ dak l-Istat Membru li jipproduċu, fit-territorju ta’ dan tal-aħħar, il-prodotti li għalihom dawk id-denominazzjonijiet ġew irreġistrati skont din il-leġiżlazzjoni.

---

(1)  ĠU C 98, 22.3.2021.