Sentenza tal-Qorti Ġenerali tas-6 ta’ April 2022 – Biogena vs EUIPO – Alter Farmacia (NUTRIFEM AGNUBALANCE)

(Kawża T-370/21) (1)

(“Trade mark tal-Unjoni Ewropea - Proċedimenti ta’ oppożizzjoni - Reġistrazzjoni internazzjonali li tindika l-Unjoni Ewropea - Trade mark verbali NUTRIFEM AGNUBALANCE - Trade mark verbali preċedenti tal-Unjoni Ewropea NUTRIBEN - Raġuni relattiva għal rifjut - Probabbiltà ta’ konfużjoni - Artikolu 8(1)(b) tar-Regolament (UE) 2017/1001”)

(2022/C 222/46)

Lingwa tal-kawża: l-Ingliż

Partijiet

Rikorrent: Biogena GmbH & Co KG (Salzburg, l-Awstrija) (rappreżentant: I. Schiffer, avukat)

Konvenut: L-Uffiċċju tal-Proprjetà Intellettwali tal-Unjoni Ewropea (rappreżentant: J. F. Crespo Carrillo, aġent)

Parti oħra fil-proċedimenti quddiem il-Bord tal-Appell tal-EUIPO: Alter Farmacia, SA (Madrid, Spanja)

Suġġett

Rikors kontra d-deċiżjoni tal-Ħames Bord tal-Appell tal-EUIPO tat-22 ta’ April 2021 (Każ R 1208/2020-5) dwar proċedimenti ta’ oppożizzjoni bejn Alter Farmacia u Biogena.

Dispożittiv

1)

Id-deċiżjoni tal-Ħames Bord tal-Appell tal-EUIPO tat-22 ta’ April 2021 (Każ R 1208/2020-5) hija annullata sa fejn tikkonċerna l-prodotti li jaqgħu taħt il-Klassi 5 fis-sens tal-Ftehim ta’ Nice fir-rigward tal-klassifikazzjoni internazzjonali ta’ prodotti u servizzi għall-finijiet tar-reġistrazzjoni tat-trade marks, tal-15 ta’ Ġunju 1957, kif rivedut u emendat u l-“Ħwawar imnixxfa; ħwawar u ħxejjex ippreservati”, li jaqgħu taħt il-Klassi 30.

2)	Il-kumplament tar-rikors huwa miċħud.

3)	Kull parti għandha tbati l-ispejjeż tagħha stess.

---

(1)  ĠU C 329, 16.8.2021.