Digriet tal-Qorti Ġenerali tal-25 ta’ Marzu 2022 – Saure vs Il-Kummissjoni

(Kawża T-151/21) (1)

(“Rikors għal annullament - Aċċess għal dokumenti - Regolament (KE) Nru 1049/2001 - Korrispondenza tal-Kummissjoni dwar il-kwantitajiet u t-termini tal-kunsinna ta’ vaċċini kontra l-COVID-19 ta’ BioNTech SE - Rifjut inizjali - Att li ma jistax jiġi kkontestat - Talba għall-adattament tat-talbiet - Evalwazzjoni tal-ammissibbiltà ta’ rikors fil-mument tal-preżentata tiegħu - Inammissibbiltà manifesta”)

(2022/C 222/47)

Lingwa tal-kawża: il-Ġermaniż

Partijiet

Rikorrent: Hans-Wilhelm Saure (Berlin, il-Ġermanja) (rappreżentant: C. Partsch, avukat)

Konvenut: Il-Kummissjoni Ewropea (rappreżentanti: A. Spina, K. Herrmann u G. Gattinara, aġenti)

Suġġett

Permezz tar-rikors tiegħu bbażat fuq l-Artikolu 263 TFUE, ir-rikorrent jitlob l-annullament tal-ittra tal-Kummissjoni tas-27 ta’ Jannar 2021 dwar ir-rifjut ta’ talba inizjali ta’ aċċess għal ċerti dokumenti.

Dispożittiv

1)	Ir-rikors huwa miċħud bħala manifestament inammissibbli.

2)	Hans-Wilhelm Saure huwa kkundannat, minbarra għall-ispejjeż rispettivi tiegħu, għal dawk sostnuti mill-Kummissjoni Ewropea u marbuta mat-talbiet għall-adattament tar-rikors u l-Kummissjoni hija kkundannata għall-ispejjeż rispettivi tagħha marbuta mar-rikors.

---

(1)  ĠU C 189, 17.5.2021.