Digriet tal-Qorti Ġenerali tal-25 ta’ Marzu 2022 – Alcogroup u Alcodis vs Il-Kummissjoni

(Kawża T-691/21) (1)

(“Rikors għal annullament - Kompetizzjoni - Proċedura għar-riżolviment - Ittra tal-Kummissjoni li tistieden impriża turi l-interess tagħha għat-tkomplija ta’ proċedura għar-riżoliviment - Att li ma jistax jiġi kkontestat - Att preparatorju - Att intermedjarju - Inammissibbiltà”)

(2022/C 222/50)

Lingwa tal-kawża: il-Franċiż

Partijiet

Rikorrent: Alcogroup (Brussell, il-Belġju), Alcodis (Brussell) (rappreżentanti: P. de Bandt, C. Binet u M. Nuytten, avukati)

Konvenut: Il-Kummissjoni Ewropea (rappreżentanti: P. Berghe, T. Baumé u F. Jimeno Fernández, aġenti)

Suġġett

Permezz tar-rikors tagħhom ibbażat fuq l-Artikolu 263 TFUE, ippreżentat fir-Reġistru tal-Qorti Ġenerali fis-27 ta’ Ottubru 2021, ir-rikorrenti jitolbu l-annullament tal-ittra tal-Kummissjoni Ewropea tas-17 ta’ Settembru 2021, li permezz tagħha din tal-aħħar stednithom jgħarrfuha, fi żmien xahrejn, bl-interess eventwali tagħhom għat-tkomplija ta’ proċedura għar-riżolviment, fis-sens tal-Artikolu 10a tar-Regolament tal-Kummissjoni (KE) Nru 773/2004 tas-7 ta’ April 2004 dwar it-tmexxija ta’ proċeduri mill-Kummissjoni skond l-Artikoli [101 u 102 TFUE] (ĠU Edizzjoni Speċjali bil-Malti, Kapitolu 8, Vol. 3, p. 81), kif emendata, dwar ksur possibbli tal-Artikolu 101 TFUE li huma wettqu ma’ impriżi oħrajn.

Dispożittiv

1)	Ir-rikors ġie miċħud bħala inammissibbli.

2)	Alcogroup u Alcodis huma kkundannati għall-ispejjeż.

---

(1)  ĠU C 513, 20.12.2021.