Digriet tal-Qorti tal-Ġustizzja (It-Tieni Awla) tat-8 ta’ Settembru 2022 (talba għal deċiżjoni preliminari tas-Sąd Okręgowy w Opolu – il-Polonja) – VP

(Kawża C-188/22) (1)

(Talba għal deċiżjoni preliminari - Artikolu 99 tar-Regoli tal-Proċedura tal-Qorti tal-Ġustizzja - Kooperazzjoni ġudizzjarja f’materji ċivili u kummerċjali - Regolament (KE) Nru 1206/2001 - Teħid tax-xhieda - Dikjarazzjoni bil-miktub minn persuna residenti fi Stat Membru differenti mill-Istat Membru tal-qorti kompetenti - Possibbiltà li jintuża l-mezz ta’ teħid tax-xhieda previst mid-dritt nazzjonali u mhux dak previst minn dan ir-regolament)

(2022/C 408/27)

Lingwa tal-kawża: il-Pollakk

Qorti tar-rinviju

Sąd Okręgowy w Opolu

Partijiet fil-kawża prinċipali

Rikorrent: VP

Parti oħra: KS irrapreżentat minn AS

Dispożittiv

L-Artikoli 1 u 17 tar-Regolament tal-Kunsill (KE) Nru 1206/2001 tat-28 ta’ Mejju 2001 dwar kooperazzjoni bejn il-qrati tal-Istati Membri fil-kumpilazzjoni [fit-teħid] tax-xhieda f’materji ċivili jew kummerċjali, għandhom jiġu interpretati fis-sens li: qorti ta’ Membru Stat li tixtieq tisma’ persuna residenti fi Stat Membru ieħor mhux neċessarjament marbuta, sabiex tagħmel tali att ta’ istruzzjoni, tirrikorri għall-mezzi ta’ teħid tax-xhieda previsti minn dan ir-regolament, iżda għandha l-possibbiltà li tirrikorri għad-dikjarazzjoni bil-miktub ta’ din il-persuna, skont id-dritt tal-Istat Membru li għaliha tappartjeni din il-qorti, u dan mingħajr ma tinkiseb l-awtorizzazzjoni tal-korp ċentrali jew tal-awtorità kompetenti tal-Istat Membri rikjest, skont l-Artikolu 3 tal-imsemmi regolament.

---

(1)  Data tal-preżentata: 11.3.22.