1.

Dispożizzjonijiet nazzjonali jew ġurisprudenza nazzjonali dwar l-interpretazzjoni u l-applikazzjoni ta’ dawn id-dispożizzjonijiet, li minnhom jirriżulta li ksur tar-regoli dwar modifika sostanzjali ta’ kuntratt pubbliku jista’ jiġi invokat biss jekk il-partijiet ikunu ffirmaw ftehim jew anness bil-miktub dwar modifika tal-kuntratt huma kompatibbli mal-Artikolu 72(1)(e), moqri flimkien mal-Artikolu 72(4)(a) u (b) tad-Direttiva 2014/24/UE tal-Parlament Ewropew u tal-Kunsill tas-26 ta’ Frar 2014 dwar l-akkwist pubbliku u li tħassar id-Direttiva 2004/18/KE (1)?

2.

Fil-każ ta’ risposta fin-negattiv għall-ewwel domanda, dispożizzjonijiet nazzjonali jew ġurisprudenza nazzjonali dwar l-interpretazzjoni u l-applikazzjoni ta’ dawn id-dispożizzjonijiet, li minnhom jirriżulta li modifika illegali tal-kuntratti pubbliċi tista’ titwettaq, minbarra permezz ta’ ftehim bil-miktub iffirmat bejn il-partijiet, permezz ta’ azzjonijiet komuni tal-partijiet bi ksur tad-dispożizzjonijiet dwar il-modifika tal-kuntratti, azzjonijiet li jkunu espressi permezz ta’ skambji u ta’ indizji bil-miktub dwar din il-modifika (bħal dawk inkwistjoni fil-kawża prinċipali), li jippermettu li jiġi konkluż li kien hemm qbil tar-rieda li titwettaq l-imsemmija modifika, huma kompatibbli mal-Artikolu 72(1)(e), moqri flimkien mal-Artikolu 72(4)(a) u (b) tad-Direttiva 2014/24?

3.

Dispożizzjonijiet nazzjonali jew ġurisprudenza nazzjonali dwar l-interpretazzjoni u l-applikazzjoni ta’ dawn id-dispożizzjonijiet, li minnhom jirriżulta li, f’sitwazzjoni bħal dik inkwistjoni fil-kawża prinċipali (fejn id-dokumenti kuntrattwali kienu jiffissaw tul massimu u data finali għall-eżekuzzjoni; fejn id-data finali kienet tikkostitwixxi wkoll parametru fil-metodu ta’ evalwazzjoni tal-offerti; fejn l-eżekuzzjoni effettiva tal-kuntratt qabżet it-tul massimu u d-data finali previsti fid-dokumenti kuntrattwali, fl-assenza ta’ ċirkustanzi mhux prevedibbli; fejn l-awtorità kontraenti aċċettat l-eżekuzzjoni mingħajr kumment u ma talbitx penalitajiet minħabba dewmien), l-eżekuzzjoni tal-kuntratt bi ksur tal-klawżoli tad-dokumenti kuntrattwali u tal-kuntratt stess fir-rigward tat-termini, fl-assenza ta’ ċirkustanzi mhux prevedibbli u mingħajr oġġezzjoni min-naħa tal-awtorità kontraenti, għandha titqies bħala li hija biss forma ta’ eżekuzzjoni mhux konformi tal-kuntratt u mhux bħala li hija modifika sostanzjali illegali tal-kuntratt fir-rigward tat-termini ta’ eżekuzzjoni, huma kompatibbli mal-Artikolu 72(1)(e), moqri flimkien mal-Artikolu 72(4)(a) u (b) tad-Direttiva 2014/24?