24.10.2022   

MT

Il-Ġurnal Uffiċjali tal-Unjoni Ewropea

C 408/33

Appell ippreżentat fl-10 ta’ Awwissu 2022 minn Roberto Aquino mis-sentenza mogħtija mill-Qorti Ġenerali (L-Ewwel Awla) fl-1 ta’ Ġunju 2022 fil-Kawża T-253/21, Aquino vs Il-Parlament

(Kawża C-534/22 P)

(2022/C 408/44)

Lingwa tal-kawża: il-Franċiż

Partijiet

Appellant: Roberto Aquino (rappreżentanti: L. Levi, S. Rodrigues, avukati)

Parti oħra fil-proċedura: Il-Parlament Ewropew

Talbiet

L-appellant jitlob li l-Qorti tal-Ġustizzja jogħġobha:

—

tannulla s-sentenza appellata;

—

tiddeċiedi din il-kawża b’tali mod li twassal lill-Qorti tal-Ġustizzja biex tqis li r-rikors tar-rikorrent fl-ewwel istanza huwa fondat;

—

tikkundanna lill-appellat għall-ispejjeż kollha taż-żewġ istanzi.

Aggravji u argumenti prinċipali

1.

Żball ta’ liġi minħabba interpretazzjoni żbaljata mogħtija lill-kriterju tad-dubju li jintitola lill-amministrazzjoni għal intervent fil-proċess elettorali mmirat lejn l-elezzjoni tal-uffiċċju tal-Kumitat tal-Persunal – Kontradizzjoni fil-motivi – Ksur tad-dritt għal-libertà ta’ assoċjazzjoni u ta’ għaqda (Artikolu 12 tal-Karta tad-Drittijiet Fundamentali tal-Unjoni Ewropea) kif stabbilit fil-projbizzjoni ta’ kull indħil mhux ġustifikat mill-amministrazzjoni fl-imsemmi proċess elettorali.

2.

Klassifikazzjoni żbaljata attribwita lil ċerti dokumenti mħejjija fuq talba tal-appellat għall-kontroll tal-proċess elettorali – Ksur mill-imħallef tal-obbligu ta’ motivazzjoni tiegħu.

3.

Żnaturament tal-proċess u interpretazzjoni żbaljata tar-regoli applikabbli għal laqgħa kostituttiva tal-Kumitat tal-Persunal – Ksur tad-drittijiet tad-difiża.