Rikors ippreżentat fit-30 ta’ Marzu 2022 – Seifert vs Il-Kunsill

(Kawża T-166/22)

(2022/C 222/52)

Lingwa tal-kawża: il-Ġermaniż

Partijiet

Rikorrent: Evgenia Seifert (München, il-Ġermanja) (rappreżentant: T. Seifert, avukat)

Konvenut: Il-Kunsill tal-Unjoni Ewropea

Talbiet

Ir-rikorrenti titlob li l-Qorti Ġenerali jogħġobha:

—	tannulla l-Artikolu 1(9) tar-Regolament tal-Kunsill (UE) 2022/328 tal-25 ta’ Frar 2022 li jemenda r-Regolament (UE) Nru 833/2014 dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukrajna;

—	tikkundanna lill-Unjoni Ewropea għall-ispejjeż tal-proċedura, inklużi l-ispejjeż neċessarji tar-rikorrenti.

Motivi u argumenti prinċipali

Fil-fehma tar-rikorrenti, il-punt 9 tal-Artikolu 1 tar-Regolament tal-Kunsill (UE) 2022/328 tal-25 ta’ Frar 2022 li jemenda r-Regolament (UE) Nru 833/2014 dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukrajna (1) jiddiskrimina kontriha minħabba l-oriġini tagħha bħala ċittadina Russa, u għalhekk jikser l-Artikolu 14 tal-Konvenzjoni Ewropea għall-Protezzjoni tad-Drittijiet tal-Bniedem u tal-Libertajiet Fundamentali flimkien mad-drittijiet tagħha skont l-Artikolu 8(1) tal-Konvenzjoni Ewropea għall-Protezzjoni tad-Drittijiet tal-Bniedem u tal-Libertajiet Fundamentali. Il-Kunsill ma jistax jinvoka stat ta’ emerġenza skont l-Artikolu 15(1) ta’ din il-konvenzjoni u deroga fis-sens tal-Artikolu 15(3) ta’ din il-konvenzjoni.

---

(1)  ĠU 2022, L 49, p. 1, rettifika fil-ĠU 2022, L 114, p. 212