—

tannulla l-karta tas-salarju tar-rikorrent għax-xahar ta’ Ġunju 2021 u n-nota tas-Servizz tar-Riżorsi Umani tal-Kummissjoni tal-14 ta’ Ġunju 2021 li tinformah li mill-2021 u wara l-Brexit ma kienx se jibqa’ jirċievi l-allowance b’rata fissa għar-rimbors tal-ispejjeż tal-ivvjaġġar lejn il-post tal-oriġini;

—

tannulla, sa fejn jitqies li hija tagħti raġunament addizzjonali għad-deċiżjoni kkontestata, id-deċiżjoni tat-22 ta’ Diċembru 2021 li tiċħad l-ilment tal-1 ta’ Settembru 2021;

—

tikkundanna lill-konvenuta għall-ispejjeż.

1.

L-ewwel motiv, ibbażat fuq applikazzjoni teleoloġika u utli tar-Regolamenti tal-Persunal tal-Uffiċjali tal-Unjoni Ewropea (iktar ’il quddiem ir-“Regolamenti tal-Persunal”), żball ta’ liġi mwettaq mill-amministrazzjoni, ksur tal-Artikolu 7(4) tal-Anness VII tar-Regolamenti tal-Persunal u li d-dispożizzjonijiet ġenerali ta’ implimentazzjoni relatati mal-post tal-oriġini jiksru r-Regolamenti tal-Persunal.

2.

It-tieni motiv, ibbażat fuq ksur tal-prinċipju ta’ trattament ugwali u diskriminazzjoni inġustifikata, eċċezzjoni ta’ illegalità u nuqqas ta’ applikazzjoni tat-tneħħija totali tar-rimbors f’każ ta’ telf taċ-ċittadinanza.

3.

It-tielet motiv, sussidjarjament, ibbażat fuq, minn naħa, l-applikazzjoni konformi mal-flessibbiltà mwiegħda mill-Unjoni dwar l-interpretazzjoni wiesgħa tal-istatus fil-konfront taċ-ċittadini Brittaniċi u konsistenti mar-regoli interni l-oħra u, min-naħa l-oħra, ksur tal-prinċipju ta’ kumpens għall-istatus ta’ espatrijazzjoni tal-membru tal-persunal.