—

tiddikjara r-rikors ammissibbli u fondat;

—

tannulla d-deċiżjoni tal-Aġenzija Ewropea għas-Sustanzi Kimiċi, mibgħuta b’ittra tal-4 ta’ Frar 2022 (FUP- DEV-01-21200655590-58-0000-CCH-1-2_FTR_NOTIF), li tagħti informazzjoni dwar in-nuqqas ta’ risposta għal deċiżjoni ta’ valutazzjoni tal-fajl;

—

tiddikjara – jew tordna lill-ECHA tadotta miżura ġdida li tiddikjara – li r-rikorrenti hija eżentata mill-obbligu li tipprovdi kwalunkwe informazzjoni lill-ECHA wara l-waqfien tal-produzzjoni u s-sussegwenti nuqqas ta’ disponibbiltà tas-sustanza kkonċernata minħabba forza maġġuri; u

—

tikkundanna lill-ECHA għall-ispejjeż kollha tal-kawża.

1.

L-ewwel motiv ibbażat fuq il-fatt li l-konvenut kiser il-prinċipju ta’ forza maġġuri meta ddeċieda li l-waqfien ta’ manifattura tas-sustanza 1,3-dioxo-2-benzofuran-5-aċidu karbossiliku ma’ nonan-1-ol (Numru KE 941-303-6) (iktar ’il quddiem is-“sustanzi”) wara l-adozzjoni tal-deċiżjoni finali ta’ kontroll tal-konformità għal raġunijiet ta’ forza maġġuri ma jeħlisx lill-appellant mill-obbligu li jipprovdi l-informazzjoni mitluba fid-deċiżjoni inizjali ta’ kontroll tal-konformità dwar is-sustanzi.

2.

It-tieni motiv ibbażat fuq il-fatt li l-konvenut kiser l-Artikolu 50(2) tar-Regolament (KE) Nru 1907/2006 tal-Parlament Ewropew u tal-Kunsill (1) (iktar ’il quddiem ir-“Regolament REACH”).

3.

It-tielet motiv ibbażat fuq il-fatt li l-konvenut kiser l-Artikoli 5 u 6 tar-Regolament REACH.

4.

Ir-raba’ motiv ibbażat fuq il-fatt li l-konvenut kiser il-prinċipju ta’ proporzjonalità.