—

tiddikjara r-rikors ammissibbli u fondat;

—

tannulla d-Deċiżjoni ta’ Implimentazzjoni tal-Kummissjoni (UE) 2022/908 tat-8 ta’ Ġunju 2022 li teskludi mill-finanzjament tal-Unjoni Ewropea ċertu nefqa imġarrab mill-Istati Membri taħt il-Fond Agrikolu Ewropew ta’ Garanzija (FAEG) u l-Fond Agrikolu Ewropew għall-Iżvilupp Rurali (FAEŻR) (notifikata bid-dokument C(2022) 3543) (ĠU 2022, L 157, p. 15), inkwantu teskludi mill-finanzjament tal-Unjoni nefqa relatata ma’ għotja lir-rikorrenti, mill-awtoritajiet Ċeki, tal-ammont ta’ EUR 30 606,96;

—

tikkundanna lill-Kummissjoni għall-ispejjeż tar-rikorrenti; u

—

tordna kwalunkwe miżura oħra meqjusa xierqa.

1.

L-ewwel motiv ibbażat fuq li l-esklużjoni mill-finanzjament tal-Unjoni tan-nefqa relatata mal-għotja lir-rikorrenti, mill-awtoritajiet Ċeki, tal-ammont ta’ EUR 30 606,96 hija motivata b’mod insuffiċjenti, jiġifieri hija nieqsa minn kwalunkwe motivazzjoni, bi ksur tal-Artikolu 296 TFUE kif ukoll tal-Artikolu 41(2)(ċ) tal-Karta tad-Drittijiet Fundamentali tal-Unjoni Ewropea.

2.

It-tieni motiv ibbażat fuq li d-drittijiet fundamentali tar-rikorrenti nkisru kemm direttament u kif ukoll indirettament mill-konvenuta, peress li r-rikorrenti ma ngħatatx l-opportunità tesprimi l-fehma tagħha matul l-awditu li wassal għall-adozzjoni tad-deċiżjoni kkontestata minkejja li din tal-aħħar allegatament taffettwa b’mod negattiv l-għotja lir-rikorrenti.

3.

It-tielet motiv ibbażat fuq li l-konvenuta ma għandhiex kompetenza tinterpreta u tapplika d-dritt nazzjonali tal-Istati Membri.

4.

Ir-raba’ motiv ibbażat fuq li l-konvenuta ma tatx prova tal-kontenut tad-dritt Ċek u żbaljat fl-interpretazzjoni u fl-applikazzjoni tiegħu.

5.

Il-ħames motiv ibbażat fuq li l-konvenuta żbaljat anki fl-interpretazzjoni u fl-applikazzjoni tad-dritt tal-Unjoni, peress li qieset b’mod żbaljat li kien hemm ksur tal-Artikolu 61 tar-Regolament (UE, Euratom) 2018/1046 tal-Parlament Ewropew u tal-Kunsill tat-18 ta’ Lulju 2018 dwar ir-regoli finanzjarji applikabbli għall-baġit ġenerali tal-Unjoni (ĠU 2018, L 193, p. 1, rettifika fil-ĠU 2019, L 60, p. 36), u applikat ir-regoli Ċeki dwar il-kunflitti ta’ interessi bi ksur tal-prinċipji fundamentali tad-dritt tal-Unjoni, inkluż il-prinċipju fundamentali ta’ ugwaljanza fit-trattament u ta’ nondiskriminazzjoni.