Rikors ippreżentat fis-6 ta’ Settembru 2022 – Prolactal vs EUIPO – Prolàctea (PROLACTAL)

(Kawża T-549/22)

(2022/C 408/54)

Lingwa tar-rikors: l-Ingliż

Partijiet

Rikorrent: Prolactal GmbH (Hartberg, l-Awstrija) (rappreżentanti: H. Roerdink u S. Janssen, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: Prolàctea, SAU (Castrogonzalo, Spanja)

Informazzjoni dwar il-proċedimenti quddiem l-EUIPO

Proprjetarju tat-trade mark kontenzjuża: ir-rikorrenti quddiem il-Qorti Ġenerali

Trade mark kontenzjuża kkonċernata: ir-reġistrazzjoni internazzjonali tat-trade mark li tindika l-Unjoni Ewropea PROLACTEL – Reġistrazzjoni internazzjonali Nru 1 475 897 li tindika l-Unjoni

Proċedimenti quddiem l-EUIPO: proċedimenti ta’ oppożizzjoni

Deċiżjoni kkontestata: id-deċiżjoni tal-Ħames Bord tal-Appell tal-EUIPO tal-10 ta’ Ġunju 2022 fil-Każ R 752/2021-5

Talbiet

Ir-rikorrenti titlob li l-Qorti Ġenerali jogħġobha:

—	tannulla d-deċiżjoni kkontestata sa fejn din tirrigwarda lil Prolactal;

—	tikkundanna lill-EUIPO għall-ispejjeż.

Motivi invokati

—	Ksur tal-Artikolu 27(4) tar-Regolament Delegat tal-Kummissjoni (UE) 2018/625;

—

Ksur tal-prinċipji ta’ protezzjoni tal-aspettattivi leġittimi u ta’ ċertezza legali, minħabba li d-deċiżjoni tal-EUIPO li t-talbiet għall-prova tal-użu mressqa minn Prolactal ma jissodisfawx ir-rekwiżiti tal-Artikolu 10(1) EUTMDR, u għalhekk uma inammissibbli, ma hijiex proporzjonali għall-konsegwenzi li jirriżultaw minnha;

—	Ksur tal-Artikolu 7(1)(c) tar-Regolament (EU) 2017/1001 tal-Parlament Ewropew u tal-Kunsill;

—	Ksur tal-Artikolu 94 tar-Regolament (EU) 2017/1001 tal-Parlament Ewropew u tal-Kunsill u tal-Artikolu 41(2) tal-Karta tad-Drittijiet Fundamentali tal-Unjoni Ewropea;

—	Ksur tal-prinċipji ta’ protezzjoni tal-aspettattivi leġittimi u ta’ ċertezza legali peress li l-oneru tal-prova impost mill-EUIPO mar lil hinn min dak li l-applikant seta’ jkun mistenni li jipprovdi bħala prova tal-koeżistenza;

—	Ksur tal-ġurisprudenza rilevanti fir-rigward tal-evalwazzjoni globali tal-probabbiltà ta’ konfużjoni.