(1)

Skont ir-Regolament tal-Kunsill (KE) Nru 704/2002 tal-25 ta’ Marzu 2002 li temporanjament jissospendi d-dazji awtonomi tat-Tariffa Doganali Komuni fuq l-importazzjoni ta’ ċerti prodotti industrijali u jiftaħ u jipprovdi għall-amministrazzjoni tal-kwoti awtonomi tat-tariffi tal-Komunità fuq l-importazzjoni ta’ ċerti prodotti tal-ħut lejn il-Gżejjer Kanarji (3), s-sospensjoni tad-dazji tat-Tariffi Doganali Komuni għal ċerti oġġetti b'użu kummerċjali jew industrijali għandu jiskadi fil-31 ta’ Diċembru 2011.

(2)

F'Settembru 2010, il-gvern ta’ Spanja talab f'isem il-gvern tal-Gżejjer Kanarji, l-estensjoni tas-sospensjoni tad-dazji awtonomi tat-Tariffa Doganali Komuni għal għadd ta’ prodotti f'konformità mal-Artikolu 349 tat-Trattat. Il-ġustifikazzjoni għat-talba tagħhom kienet li minħabba l-bogħod ta’ dawk il-gżejjer, l-operaturi ekonomiċi jbatu minn żvantaġġi ekonomiċi u kummerċjali kbar ħafna li għandhom effetti negattivi fuq it-tendenzi demografiċi, l-impjiegi u l-iżviluppi soċjali u ekonomiċi.

(3)

Is-settur industrijali tal-Gżejjer Kanarji, flimkien mal-bini, ġie affettat b'mod qawwi mill-kriżi ekonomika reċenti. It-tnaqqis fil-bini affettwa b'mod negattiv l-industrija awżiljarja li tiddependi fuqu. Kundizzjonijiet finanzjarji mhux favorevoli kellhom impatt serju fuq ħafna oqsma tan-negozju. Barra minn hekk, iż-żieda qawwija fil-qgħad fi Spanja ggravat in-nuqqas fid-domanda domestika, inkuża d-domanda għall-prodotti industrijali.

(4)

Il-qgħad fil-Gżejjer Kanarji kien qed jaqbeż b'mod konsistenti l-medja nazzjonali għal Spanja fl-aħħar għaxar snin u, mill-2009, il-Gżejjer Kanarji rreġistraw l-ogħla livell fil-pajjiż kollu (Eurostat: Statistika reġjonali — Rata tal-qgħad, skont ir-reġjuni NUTS 2, 1999-2009). Barra minn hekk, aktar minn nofs il-produzzjoni industrijali fil-Gżejjer Kanarji tiġi kkonsmata hemm stess, li huwa element partikolarment serju peress li d-domanda fihom intlaqtet aktar ħażin.

(5)

Għalhekk, bl-għan li tingħata perspettiva fit-tul lill-investituri u sabiex l-operaturi ekonomiċi jkunu jistgħu jilħqu livell ta’ attivitajiet industrijali u kummerċjali li jistabbilizza l-ambjent ekonomiku u soċjali fil-Gżejjer Kanarji, huwa opportun li tiġi estiża bis-sħiħ is-sospensjoni tad-dazji tat-Tariffa Doganali Komuni għal ċerti oġġetti kif deskritt fl-Anness II u l-Anness III tar-Regolament (KE) Nru 704/2002 għal perjodu ta’ 10 snin.

(6)

Addizzjonalment, fl-istess kuntest l-awtoritajiet Spanjoli talbu għas-sospensjoni tad-dazji tat-Tariffa Doganali Komuni għal tliet prodotti ġodda li jaqgħu taħt il-kodiċi CN 3902 10 , 3903 11 , u 3906 10 . Din it-talba ġiet aċċettata peress li dawn is-sospensjonijiet isaħħu l-ekonomija tal-Gżejjer Kanarji.

(7)

Sabiex jiġi żgurat li operaturi ekonomiċi li jinsabu fit-territorju tal-Gżejjer Kanarji biss jibbenefikaw minn dawk il-miżuri tat-tariffi, is-sospensjonjiet għandhom isiru kundizzjonali fuq l-użu aħħari tal-prodotti, f'konformità mar-Regolament tal-Kunsill (KEE) Nru 2913/92 tat-12 ta’ Ottubru 1992 li jwaqqaf il-Kodiċi Doganali tal-Komunità (4) u r-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonjiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju (5).

(8)

F'każ ta’ devjazzjoni tal-kummerċ u sabiex jiġu żgurati kundizzjonijiet uniformi għall-implimentazzjoni ta’ dan ir-Regolament, għandhom jingħataw setgħat ta’ implimentazzjoni lill-Kummissjoni li jippermettulha li tirtira s-sospensjoni b'mod temporanju. Dawn is-setgħat għandhom jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (6).

(9)

L-emendi għan-Nomenklatura Magħquda ma jistgħu joħolqu ebda tibdiliet sostantivi fin-natura tas-sospensjoni tad-dmirijiet. Is-setgħa li jiġu adottati atti f'konformità mal-Artikolu 290 tat-Trattat għandha għaldaqstant tkun iddelegata lill-Kummissjoni sabiex isiru l-emendi meħtieġa u l-adattamenti tekniċi għal-lista ta’ oġġetti li għalihom tapplika sospensjoni. Il-Kummissjoni, meta tħejji u tfassal atti ddelegati, għandha tiżgura trasmissjoni fil-ħin u adatta tad-dokumenti rilevanti lill-Kunsill.

(10)

Sabiex tkun żgurata kontinwità mal-miżuri stabbiliti fir-Regolament (KE) Nru 704/2002, huwa meħtieġ li jiġu applikati l-miżuri pprovduti f'dan ir-Regolament mill-1 ta’ Jannar 2012,

(1)

Id-Direttiva tal-Kunsill 90/435/KEE tat-23 ta’ Lulju 1990 dwar is-sistema komuni tat-tassazzjoni li tapplika fil-każ tal-kumpanniji prinċipali u sussidjarji ta’ Stati Membri differenti (3) ġiet emendata kemm-il darba b’mod sostanzjali (4). Peress li jridu jsiru iżjed emendi, hija għandha tiġi rriformulata għal iktar ċarezza.

(2)

Fid-dawl tas-sentenza tal-Qorti tal-Ġustizzja tas-6 ta’ Mejju 2008 fil-Kawża C-133/06 (5), huwa kkunsidrat meħtieġ li jsir abbozzar mill-ġdid tat-tieni subparagrafu tal-Artikolu 4(3) tad-Direttiva 90/435/KEE, għall-fini li jiġi ċċarat li r-regoli msemmija fih huma adottati mill-Kunsill filwaqt li jaġixxi skont il-proċedura prevista fit-Trattat. Huwa barra minn hekk xieraq li jiġu aġġornati l-Annessi ta’ din id-Direttiva.

(3)

Il-għan tad-Direttiva 90/435/KE huwa li jiġu eżentati d-dividendi u t-tqassim ta’ profitti oħra mħallsa mill-kumpanniji sussidjarji lill-kumpanniji prinċipali tagħhom mit-taxxi fuq l-interessi u sabiex tiġi eliminata t-taxxa doppja fuq dan id-dħul fil-livell tal-kumpannija prinċipali.

(4)

Ir-raggruppament tal-kumpanniji ta’ Stati Membri differenti jista’ jkun meħtieġ sabiex jinħolqu ġewwa l-Unjoni kondizzjonijiet analogi għal dawk ta’ suq intern u sabiex b’hekk jiġi żgurat it-tħaddim effettiv ta’ suq intern ta’ dan it-tip. Dawn il-ħidmiet ma għandhomx jiġu mfixkla bir-restrizzjonijiiet, l-iżvantaġġi jew it-tagħwiġ li jinħolqu b’mod partikolari mid-dispożizzjonijiet tat-taxxi tal-Istati Membri. Huwa għalhekk meħtieġ li, rigward dan ir-raggruppament ta’ kumpanniji fl-Istati Membri differenti, jiġu previsti regoli tat-taxxa li jkunu newtrali mill-lat tal-kompetizzjoni, sabiex l-intrapriżi jitħallew jaddattaw lilhom infushom għall-ħtiġiet tas-suq intern, sabiex iżidu l-produttività tagħhom u sabiex itejbu s-saħħa kompetittiva tagħhom fil-livell internazzjonali.

(5)

Dan ir-raggruppament jista’ jirriżulta fil-formazzjoni ta’ gruppi ta’ kumpanniji prinċipali u ta’ sussidjarji.

(6)

Qabel id-dħul fis-seħħ tad-Direttiva 90/435/KEE id-dispożizzjonijiet tat-taxxa li jirregolaw ir-relazzjonijiet bejn il-kumpanniji prinċipali u dawk sussidjarji fl-Istati Membri differenti kienu jvarjaw b’mod apprezzabbli minn Stat Membru għall-ieħor u kienu ġeneralment inqas vantaġġużi minn dawk applikabbli għall-kumpanniji prinċipali u s-sussidjari fl-istess Stat Membru. Il-kooperazzjoni bejn il-kumpanniji ta’ Stati Membri differenti kienet b’hekk żvantaġġata meta mqabbla mal-kooperazzjoni bejn il-kumpanniji fl-istess Stat Membru. Kien meħtieġ li jiġi eliminat dak l-iżvantaġġ bid-dħul ta’ sistema komuni sabiex tiffaċilita r-raggruppament tal-kumpanniji fil-livell Komunitarju.

(7)

Meta, bis-saħħa tal-assoċjazzjoni tagħha mal-kumpannija sussidjarja tagħha, il-kumpannija prinċipali tirċievi profitti mqassma, l-Istat Membru tal-kumpannija prinċipali jrid jew jibqa’ lura milli jintaxxa dan il-qligħ, jew jintaxxa dan il-qligħ filwaqt li jawtorizza lill-kumpannija prinċipali li tnaqqas mill-ammont tat-taxxa mistħoqqa dak il-frazzjon tat-taxxa fuq il-korporazzjoni mħallas mill-kumpannija sussidjarja li jkollha x’taqsam ma’ dan il-qligħ.

(8)

Huwa barra minn hekk meħieġ, sabiex tiġi żgurata n-newtralità fiskali, li l-qligħ li kumpannija sussidjarja tqassam lill-kumpannija prinċipali tagħha jiġu eżentati mit-taxxa fuq l-interessi.

(9)

Il-ħlas tad-distribuzzjonijiet tal-qligħ lil stabbiliment permanenti ta’ kumpannija prinċipali u l-irċevuta tagħhom minnha għandhom joħolqu l-istess trattament bħal dak li japplika bejn sussidjarja u l-kumpannija prinċipali tagħha. Dan għandu jinkludi s-sitwazzjoni meta kumpannija prinċipali u s-sussidjarja tagħha jkunu fl-istess Stat Membru u l-istabbiliment pemanenti jkun fi Stat Membru ieħor. Mill-banda l-oħra, jidher li s-sitwazzjonijiet meta l-istabbilment permanenti u s-sussidjarja jkunu fl-istess Stat Membru jistgħu jiġu ttrattati, mingħajr preġudizzju għall-applikazzjoni tal-prinċipji tat-Trattat, fuq il-bażi tal-leġislazzjoni nazzjonali mill-Istat Membru kkonċernat.

(10)

Fejn jidħol it-trattament tal-istabbilimenti permanenti, l-Istati Membri jistgħu jeħtieġu li jistabbilixxu l-kondizzjonijiet u l-istrumenti legali sabiex jipproteġu d-dħul mit-taxxa nazzjonali u jiġi evitat it-tidwir tal-liġijiet nazzjonali, skont il-prinċipji tat-Trattat u filwaqt li jitqiesu r-regoli tat-taxxa aċċettati internazzjonalment.

(11)

Meta l-gruppi tal-kumpannija jiġu organizzati fi ktajjen ta’ kumpanniji u l-qligħ jitqassam permezz tal-katina tas-sussidjarji tal-kumpannija prinċipali, għandha tiġi eliminata t-tassazzjoni doppja jew b’eżenzjoni jew bi kreditu tat-taxxa. Fil-każ ta’ kreditu tat-taxxa, il-kumpannija prinċipali għandha tkun kapaċi li tnaqqas kull taxxa mħallsa minn kull waħda mis-sussidjarji fil-katina sakemm jiġu sodisfatti l-ħtiġiet iddikjarati f’din id-Direttiva.

(12)

Din id-Direttiva għandha tkun bla ħsara għall-obbligi tal-Istati Membri dwar il-limiti ta’ żmien għat-trasposizzjoni fil-liġi nazzjonali tad-Direttivi mniżżla fil-Parti B tal-Anness II,

(a)

“kumpannija ta’ Stat Membru” tfisser kull kumpannija li:

(b)

“stabbiliment permanenti” tfisser post fiss tan-negozju li jinsab fi Stat Membru li minnu n-neġozju ta’ kumpannija ta’ Stat Membru ieħor jseħħ kompletament jew parzjalment safejn il-qligħ ta’ dak il-post ta’ negozju jkun suġġett għat-taxxa fl-Istat Membru li fih jinsab permezz ta’ trattat bilaterali dwar it-taxxa rilevanti jew, fin-nuqqas ta’ trattat bħal dan, permezz tal-liġi nazzjonali.

(1)

Id-Deċiżjoni tal-Kunsill 2002/546/KE (2) tawtorizza lil Spanja biex, sal-31 ta’ Diċembru 2011, tapplika eżenzjonijiet jew tnaqqis tat-taxxa magħrufa bħala “Arbitrio sobre las Importaciones y Entregas de Mercancías en las islas Canarias” (minn hawn ‘il quddiem: “it-taxxa AIEM”) għal ċerti oġġetti li jiġu prodotti lokalment fil-Gżejjer Kanari. L-Anness għal dik id-Deċiżjoni fih lista ta’ prodotti li għalihom jistgħu jiġu applikati eżenzjonijiet jew tnaqqis mit-taxxa AIEM. Id-differenza bejn it-tassazzjoni ta’ oġġetti prodotti lokalment u t-tassazzjoni ta’ oġġetti oħra ma tistax taqbeż 5, 15 jew 25 %, skont il-prodott.

(2)

Huwa ġġustifikat li l-perijodu ta’ applikazzjoni tad-Deċiżjoni 2002/546/KE jiġi estiż għal sentejn, billi l-elementi bażiċi li jiġġustifikaw l-awtorizzazzjoni mogħtija skont dik id-Deċiżjoni baqgħu ma nbidlux. F’dan ir-rigward, ir-rapport mill-Kummissjoni lill-Kunsill tat-28 ta’ Awwissu 2008 dwar l-applikazzjoni tal-arranġamenti speċjali dwar it-taxxa AIEM applikabbli għall-Gżejjer Kanari kkonferma li t-taxxa AIEX kienet qed taħdem b’mod sodisfaċenti u ma kien hemm l-ebda ħtieġa li jsiru emendi għad-Deċiżjoni tal-Kunsill 2002/546/KE.

(3)

Barra minn hekk, ir-rapport li wasal għand il-Kummissjoni mill-awtoritajiet Spanjoli jikkonferma li l-iżvantaġġi li kienu jiġġustifikaw l-awtorizzazzjoni ta’eżenzjonijiet sħaħ u tnaqqis parzjali tat-taxxa AIEM għal lista ta’ oġġetti prodotti lokalment fil-Gżejjer Kanari għadhom validi.

(4)

Id-Deċiżjoni 2002/546/KE għandha tiġi emendata skont dan,

(1)

Id-Deċiżjoni tal-Kunsill 2007/659/KE tad-9 ta’ Ottubru 2007 li tawtorizza lil Franza tapplika rata mnaqqsa tas-sisa fuq ir-rum “tradizzjonali” prodott fid-Dipartimenti extra-Ewropej tagħha (2) tawtorizza lil Franza biex tapplika fuq ir-rum “tradizzjonali” prodott fid-dipartimenti extra-Ewropej tagħha u mibjugħ fuq it-territorju kontinentali ta’ Franza rata ta’ sisa mnaqqsa li tista’ tkun inqas mir-rata minima ta’ sisa fuq l-alkoħol prevista fid-Direttiva tal-Kunsill tad-19 ta’ Ottubru 1992 dwar l-approssimazzjoni tar-rati tat-taxxa tas-sisa fuq l-alkoħol u x-xorb alkoħoliku (3) 92/84/KEE iżda mhux iktar minn 50 % tar-rata ta’ sisa nazzjonali normali fuq l-alkoħol. Ir-rum “tradizzjonali” li għalih tapplika r-rata ta’ sisa mnaqqsa huwa definit fil-punt 1(f) tal-Anness II għar-Regolament (KE) Nru 110/2008 tal-Parlament Ewropew u tal-Kunsill tal-15 ta’ Jannar 2008 dwar id-definizzjoni, id-deskrizzjoni, il-preżentazzjoni, l-ittikkettar u l-protezzjoni ta’ indikazzjonijiet ġeografiċi ta’ xorb spirituż (4). It-tnaqqis tas-sisa huwa limitat għal kwota annwali ta’ 108 000 ettolitri ta’ alkoħol pur. Id-deroga tiskadi fil-31 ta’ Diċembru 2012.

(2)

Sabiex it-termini tad-Deċiżjoni 2007/659/KE jiġu adattati għall-Artikolu 349 tat-Trattat dwar il-Funzjonament tal-Unjoni Ewropea u b’konsapevolezza li r-rum “tradizzjonali” huwa prodott biss fi Gwadelup, il-Gujana Franċiża, Martinique u Réunion, għaldaqstant għandha ssir referenza esklussiva f’din id-Deċiżjoni emendatorja għal dawk l-erba’ reġjuni ultraperiferiċi.

(3)

Fid-29 ta’ Ġunju 2010, l-awtoritajiet Franċiżi bagħtu lill-Kummissjoni r-rapport previst fl-Artikolu 4 tad-Deċiżjoni 2007/659/KE. Dan ir-rapport fih żewġ talbiet. L-ewwel, l-awtoritajiet Franċiżi jitolbu li l-kwota annwali ta’ 108 000 ettolitri tiżdied għal 125 000 ettolitru ta’ alkoħol pur sabiex jiġu riflessi x-xejriet fis-suq tar-rum fl-Unjoni. It-tieni nett, huma jitolbu estensjoni ta’ sena, jiġifieri sal-31 ta’ Diċembru 2013, tal-perijodu ta’ applikazzjoni tad-Deċiżjoni 2007/659/KE sabiex isir konformi ma’ dak ta’ deċiżjoni dwar l-għajnuna mill-Istat rigward l-istess suġġett adottata mill-Kummissjoni fis-27 ta’ Ġunju 2007 (5) (minn hawn ’il quddiem: “id-deċiżjoni dwar Għajnuna mill-Istat”).

(4)

L-informazzjoni pprovduta mill-awtoritajiet Franċiżi turi li l-kwantitajiet ta’ rum “tradizzjonali” li jibbenefikaw mir-rata ta’ sisa mnaqqsa u li tqiegħdu għad-dispożizzjoni fis-suq, inbidlu mill-adozzjoni tad-Deċiżjoni 2007/659/KE ‘l hawn. Dawn żdiedu minn 96 100 ettolitru ta’ alkoħol pur fl-2007 għal 105 700 ettolitru fl-2010, jiġifieri żieda annwali ta’ 3,2 %. Sakemm din iż-żieda tkompli bl-istess rata, il-kwantitajiet ta’ rum “tradizzjonali” disponibbli fis-suq għandhom ikunu ta’ madwar 109 100 ettolitru ta’ alkoħol pur fl-2011, 112 600 ettolitru fl-2012 u 116 200 ettolitru fl-2013, li jmorru lil hinn mill-kwota ta’ 108 000 ettolitru prevista fid-Deċiżjoni 2007/659/KE.

(5)

Il-Premessa (9) tad-Deċiżjoni 2007/659/KE tissottolinja li minħabba li l-kompetittività tar-rum “tradizzjonali” mid-Dipartimenti extra-Ewropej teħtieġ tiġi appoġġata fis-suq kontinentali ta’ Franza bil-għan li tiġi mħarsal-attività tas-settur tal-zokkor-kannamieli-rum, għandha ssir reviżjoni tal-kwantitajiet ta’ rum tradizzjonali li joriġinaw fid-Dipartimenti extra-Ewropej eliġibbli għal rata mnaqqsa tas-sisa meta jitqiegħdu f’dak is-suq għall-konsum. Għalhekk, il-kwota annwali ta’ 108 000 ettolitru prevista fid-Deċiżjoni 2007/659/KE għandha tiżdied għal 120 000 ettolitru, li tinkludi l-kwota għall-2011 sabiex tkun żgurata l-kontinwità, b’kont meħud taż-zieda prevista għal dik is-sena. Din iż-żieda għandha tippermetti li tiġi koperta żieda annwali ta’ 4.3 %, jiġifieri żieda ta’ ftit iktar mit-3.2 % iddikjarati fl-2007-10.

(6)

Huwa neċessarju wkoll li l-perijodu ta’ applikazzjoni tad-Deċiżjoni 2007/659/KE jiġi estiż b’sena, sabiex tiskadi fl-istess żmien bħal dak tad-deċiżjoni dwar l-għajnuna mill-Istat.

(7)

Id-Deċiżjoni 2007/659/KE għandha tiġi emendata skont dan,

(1)

It-titolu qed jiġi sostitwit b’dan li ġej:

“Deċiżjoni tal-Kunsill tad-9 ta’ Ottubru 2007 li tawtorizza lil Franza tapplika rata ta’ sisa mnaqqsa fuq ir-rum “tradizzjonali” prodott fil-Gwadelup, fil-Gujana, fil-Martinique u fir-Réunion”.

(2)

L-Artikolu 1 għandu jiġi sostitwit b’dan li ġej:

(3)

L-Artikolu 2 għandu jiġi sostitwit b’dan li ġej:

(*1)   ĠU L 39, 13.2.2008, p. 16. ”."

(4)

L-Artikolu 3(1) jinbidel b'dan li ġej:

(5)

Fl-Artikolu 5, id-data “31 ta’ Diċembru 2012” hija sostitwita b’dik tal-“31 ta’ Diċembru 2013”.

(1)

Wara l-emenda tar-Regolament tal-Kummissjoni (KE) Nru 951/2006 (2) permezz tar-Regolament tal-Kummissjoni (KE) Nru 1055/2009 (3), ġie nnutat li l-verżjonijiet bil-Finlandiż, il-Franċiż, l-Ispanjol, il-Pollakk, il-Portugiż, is-Slovakk, it-Taljan, u l-Ungeriż tar-Regolament (KE) Nru 951/2006 fihom żball fl-Artikolu 7b(3), fir-rigward id-data tal-bidu għat-tressiq tal-applikazzjonijiet għal-liċenzji tal-esportazzjoni.

(2)

Ir-Regolament (KE) Nru 951/2006 għalhekk għandu jiġi kkoreġut kif xieraq.

(3)

Il-miżuri stipulati f'dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

(1)

B’ittra datata l-10 ta’ Novembru 2011, il-President tal-Bank Ċentrali Ewropew, is-Sur Mario DRAGHI ħabbar id-deċiżjoni tas-Sur Lorenzo BINI SMAGHI li jirriżenja mill-pożizzjoni tiegħu fil-Bord Eżekuttiv b’effett minn tmiem il-31 ta’ Diċembru 2011. Għaldaqstant jeħtieġ li jinħatar membru ġdid tal-Bord Eżekuttiv tal-Bank Ċentrali Ewropew.

(2)

Il-Kunsill Ewropew jixtieq jaħtar lis-Sur Benoît COEURÉ li, fil-fehma tiegħu, jissodisfa r-rekwiżiti kollha stabbiliti fl-Artikolu 283(2) tat-Trattat,

(1)

Ir-Regolament (KE) Nru 852/2004 li jistabbilixxi regoli ġenerali għall-operaturi tan-negozju tal-ikel dwar l-iġjene tal-prodotti tal-ikel imsejsa, fost l-oħrajn, fuq il-prinċipji tal-analiżi tal-perikli u l-punti kritiċi ta’ kontroll. Dan jistipula li l-operaturi tan-negozji tal-ikel għandhom jikkonformaw ma’ ċerti proċeduri msejsa fuq dawk il-prinċipji.

(2)

Ir-Regolament (KE) Nru 853/2004 jistabilixxi regoli speċifiċi dwar l-iġjene tal-ikel li ġej mill-annimali għall-operaturi tan-negozji tal-ikel u jissupplimenta r-regoli stabbiliti fir-Regolament (KE) Nru 852/2004. Ir-regoli stabbiliti fir-Regolament (KE) Nru 852/2004 jinkludu rekwiżiti strutturali għall-istabbilimenti tal-ipproċessar tal-ħalib, u r-regoli stabbiliti fir-Regolament (KE) Nru 853/2004 jinkludu rekwiżiti ta’ iġjene fir-rigward ta’ ħalib nej u prodotti tal-ħalib.

(3)

L-Artikolu 2 tad-Deċiżjoni tal-Kummissjoni 2009/852/KE (3) jistabbilixxi li ċerti rekwiżiti strutturali stipulati fir-Regolament (KE) Nru 852/2004 u fir-Regolament (KE) Nru 853/2004 m'għandhomx japplikaw, sal-31 ta’ Diċembru 2011, għall-istabbilimenti tal-ipproċessar tal-ħalib fir-Rumanija elenkati fl-Anness I għal dik id-Deċiżjoni.

(4)

Id-Deċiżjoni 2009/852/KE tistipula wkoll li, permezz ta’ deroga mir-rekwiżiti tar-Regolament (KE) Nru 853/2004, l-istabbilimenti tal-ipproċessar tal-ħalib elenkati fl-Anness II tagħha jistgħu jipproċessaw, sal-31 ta’ Diċembru 2011, ħalib konformi u mhux konformi, sakemm it-tali pproċessar isir fuq linji tal-produzzjoni separati.

(5)

Barra minn hekk, id-Deċiżjoni 2009/852/KE tistabbillixxi li l-istabbilimenti tal-ipproċessar tal-ħalib elenkati fl-Anness III tagħha jistgħu jipproċessaw, sal-31 ta’ Diċembru 2011, ħalib konformi u mhux konformi mingħajr linji tal-produzzjoni separati.

(6)

F'Settembru 2011, ir-Rumanija infurmat lill-Kummissjoni li, minn Jannar 2012, l-istabbilimenti kollha tal-ipproċessar tal-ħalib li bħalissa huma elenkati fl-Anness I għad-Deċiżjoni 2009/852/KE se jkunu f'konformità mar-rekwiżiti strutturali stabbiliti fir-Regolamenti (KE) Nru 852/2004 u Nru 853/2004. Konsegwentement, l-Artikolu 2 tad-Deċiżjoni 2009/852/KE għandu jitħassar.

(7)

L-Annessi II u III għad-Deċiżjoni 2009/852/KE għandhom għalhekk jiġu emendati skont dan.

(8)

Barra minn hekk, ir-Rumanija infurmat lill-Kummissjoni li, sa mid-dħul fis-seħħ tad-Deċiżjoni 2009/852/KE, żdied konsiderevolment il-proporzjon ta’ ħalib nej li hu konformi mar-rekwiżiti tar-Regolament (KE) Nru 853/2004, li jitwassal fl-istabbilimenti tal-ipproċessar tal-ħalib f'dak l-Istat Membru. Ir-Rumanija stabbilixxiet ukoll pjan ta’ azzjoni bil-għan li tkopri l-katina kollha tal-produzzjoni tal-ħalib f'dak l-Istat Membru, li jiżgura konformità mar-regoli tal-UE.

(9)

Madanakollu, skont ir-rapport sottomess mir-Rumanija abbażi tal-Artikolu 6 tad-Deċiżjoni 2009/852/KE u tal-informazzjoni provduta mill-Awtoritajiet Rumeni matul il-Kumitat Permanenti tal-Katina Alimentari u s-Saħħa tal-Annimali tas-17 ta’ Ottubru 2011, is-sitwazzjoni tas-settur tal-ħalib fir-Rumanija għadha xorta mhix konformi mar-rekwiżiti stabbiliti fir-Regolament (KE) Nru 853/2004.

(10)

Meqjusa s-sitwazzjoni attwali, u biex ikun evitat li jixxekklu l-isforzi tal-Awtoritajiet Rumeni, hu xieraq li tkun estiża l-applikazzjoni tal-miżuri stabbilita fid-Deċiżjoni 2009/852/KE.

(11)

Ir-Rumanija għandha tissokta bil-proċess ta’ konformità tal-ħalib nej ipproċessat fl-istabbilimenti elenkati fl-Annessi II u III għad-Deċiżjoni 2009/852/KE mar-rekwiżiti stabbiliti fir-Regolament (KE) Nru 853/2004.

(12)

B'mod partikolari, ir-Rumanija għandha tissokta bil-monitoraġġ tas-sitwazzjoni u tippreżenta rapporti regolari lill-Kummissjoni dwar il-progress lejn konformità sħiħa ma’ dawk ir-rekwiżiti. Abbażi tal-konklużjonijiet ta’ dawk ir-rapporti, għandhom jittieħdu l-miżuri xierqa.

(13)

Id-Deċiżjoni 2009/852/KE għandha għalhekk tiġi emendata skont dan.

(14)

Il-miżuri stipulati f'din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

L-Artikolu 2 jitħassar;

(2)

fl-Artikolu 3, id-data “31 ta’ Diċembru 2011” tinbidel bi “31 ta’ Diċembru 2013”;

(3)

fl-Artikolu 4, id-data “31 ta’ Diċembru 2011” tinbidel bi “31 ta’ Diċembru 2013”;

(4)

L-Artikolu 6 jinbidel b'dan li ġej:

(5)

fl-Artikolu 7, id-data “31 ta’ Diċembru 2011” tinbidel bi “31 ta’ Diċembru 2013”;

(6)

L-Annessi I, II u III huma emendati skont l-Anness għal din id-Deċiżjoni.

(1)

Ir-Regolament (KE) Nru 853/2004 jistipula regoli speċifiċi dwar l-iġjene tal-ikel li joriġina mill-annimali għall-operaturi tan-negozju tal-ikel. Dawn ir-regoli jinkludu ħtiġijiet tal-iġjene għall-ħalib nej u għall-prodotti tal-ħalib.

(2)

Id-Deċiżjoni tal-Kummissjoni 2009/861/KE (2) tistipula ċerti derogi mill-ħtiġijiet stabbiliti fis-subkapitoli II u III tal-Kapitolu I tat-Taqsima IX tal-Anness III għar-Regolament (KE) Nru 853/2004 għall-istabbilimenti tal-ipproċessar tal-ħalib fil-Bulgarija elenkati f’dik id-Deċiżjoni. Dik id-Deċiżjoni tapplika sal-31 ta’ Diċembru 2011.

(3)

Skont dan, ċerti stabbilimenti tal-ipproċessar tal-ħalib elenkati fl-Anness I għad-Deċiżjoni 2009/861/KE jistgħu, permezz ta’ deroga mid-dispożizzjonijiet relevanti tar-Regolament (KE) Nru 853/2004, jipproċessaw ħalib konformi jew mhux konformi sakemm l-ipproċessar tal-ħalib konformi jew mhux konformi isir fuq linji tal-produzzjoni separati. Barra minn hekk, ċerti stabbilimenti tal-ipproċessar tal-ħalib elenkati fl-Anness II għal dik id-Deċiżjoni jistgħu jipproċessaw ħalib mhux konformi mingħajr linji tal-produzzjoni separati.

(4)

Il-Bulgarija infurmat lill-Kummissjoni li, sa mid-dħul fis-seħħ tad-Deċiżjoni 2009/861/KE, żdied konsiderevolment il-proporzjon tal-ħalib nej li hu konformi mar-rekwiżiti tar-Regolament (KE) Nru 853/2004, li jitwassal fl-istabbilimenti tal-ipproċessar tal-ħalib f’dak l-Istat Membru. Il-Bulgarija stabbilixxiet ukoll pjan ta’ azzjoni bil-għan li tkopri l-katina kollha tal-produzzjoni tal-ħalib f’dak l-Istat Membru, li jiżgura konformità mar-regoli tal-UE.

(5)

Madanakollu, skont ir-rapport ippreżentat mill-Bulgarija abbażi tal-Artikolu 5 tad-Deċiżjoni 2009/861/KE u tal-informazzjoni provduta mill-Awtoritajiet Bulgari matul il-Kumitat Permanenti tal-Katina Alimentari u s-Saħħa tal-Annimali tas-17 ta’ Ottubru 2011, is-sitwazzjoni tas-settur tal-ħalib fil-Bulgarija għadha xorta mhix konformi mar-rekwiżiti stabbiliti fir-Regolament (KE) Nru 853/2004.

(6)

Meqjusa s-sitwazzjoni attwali, u biex ikun evitat li jixxekklu l-isforzi tal-Awtoritajiet Bulgari, hu xieraq li tkun estiża l-applikazzjoni tal-miżuri stabbilita fid-Deċiżjoni 2009/861/KE.

(7)

Il-Bulgarija għandha tissokta bil-proċess ta’ konformità tal-ħalib nej ipproċessat fl-istabbilimenti elenkati fl-Annessi għad-Deċiżjoni 2009/861/KE mar-rekwiżiti stabbiliti fir-Regolament (KE) Nru 853/2004.

(8)

B’mod partikolari, il-Bulgarija għandha tissokta bil-monitoraġġ tas-sitwazzjoni u tippreżenta rapporti regolari lill-Kummissjoni dwar il-progress lejn konformità sħiħa ma’ dawk ir-rekwiżiti. Abbażi tal-konklużjonijiet ta’ dawk ir-rapporti, għandhom jittieħdu l-miżuri xierqa.

(9)

Id-Deċiżjoni 2009/861/KE għandha għalhekk tiġi emendata skont dan.

(10)

Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

fl-Artikolu 2, id-data “31 ta’ Diċembru 2011” tinbidel bi “31 ta’ Diċembru 2013”;

(2)

fl-Artikolu 3, id-data “31 ta’ Diċembru 2011” tinbidel bi “31 ta’ Diċembru 2013”;

(3)

L-Artikolu 5 jinbidel b’dan li ġej:

(4)

fl-Artikolu 6, id-data “31 ta’ Diċembru 2011” tinbidel bi “31 ta’ Diċembru 2013”;

(5)

L-Annessi I u II jinbidlu bit-test fl-Anness għal din id-Deċiżjoni.