![Mocedá d’Izquierda Asturiana 2006 [email_address] www . mias .as >> piensa >> llucha >> tresforma >> participa © >> Mocedá d’Izquierda Asturiana (mias>>) vien precisamente desendolcando una campaña na cai pola retirada de los símbolos franquistes y contra les agresiones y propaganda fascistes n’Asturies. Si tas interesada o interesáu en recibir más información sobre la nuesa organización o mesmamente quies facenos llegar cualquier comentariu nun dudes en ponete en contautu con nós. Pa que nun s’escaeza la nuesa hestoria… ¡¡ESPARDI ESTA GUÍA ENTE LOS TOS CONTACTOS!!](https://image.slidesharecdn.com/guiantifauvieu3828/85/Guiantifauvieu-31-320.jpg)
![Mocedá d’Izquierda Asturiana [email_address] www.mias.as >> piensa >> llucha >> tresforma >> participa >> 24/11/2006 Aición de mias>> pola retirada de la simboloxía franquista n’ASTURIES.](https://image.slidesharecdn.com/guiantifauvieu3828/85/Guiantifauvieu-32-320.jpg)
Guiantifauvieu
- 2. >> En 1939, dempués de trés años de guerra civil, afitóse n'España una dictadura militar fascista que dexó pasu a cuatro décades d'éxodu, autoritarismu, persecución y desapaición de los derechos y llibertaes individuales y coleutives.
- 3. >> N'Asturies, inda convivimos con cientos de los monumentos que'l réxime espardió a mou d'humildación pa col bandu perdedor, xabazmente reprimíu nesti País, y que valieron como propaganda de la dictadura.
- 4. >> Ciudaes como Uviéu siguen calteniendo decenes de nomes de cais y places n’honor de la dictadura, amás de plaques, estatues, escudos y demás parafernalia de la propaganda franquista. >> Ye por ello que facemos esta “Guía Antifascista d’Uviéu” , desixendo la inmediata retirada de toos ellos pola dignidá de los miles d’asturianes y asturianos que morrieron na Guerra y nes cuatro décades de solombra qu’entá tenemos presentes, pa que nun queden impunes los crímenes de los dirixentes militares golpistes, desixendo tamién una condena esplícita al réxime dictatorial per parte de la monarquía y del rei d’España, designáu d’aquella sucesor al frente del Movimiento Nacional por Francisco Franco.
- 6. >> Sitiu: Plaza d’España >> Monumentu-estatua a Franco >> Asitiáu na so ubicación tando yá muertu’l dictador, siendo asina’l caberu de los monumentos n’honor a Franco puestu en tol estáu español. >> Conocíu como “la pesetona”, foi otra vuelta restauráu nel mesmu llugar dempués de que dellos activistes antifascistes que lu retiraren fueren llevaos a xuiciu. >> Llugar onde, tolos 20N, la “Hermandad de defensores de Oviedo”, organización de señaldosos fascistes, intenta facer actos, frustraos pol activismu antifascista uvieín.
- 8. >> Sitiu: Plaza d’España >> Edificiu de Delegación de Defensa del estáu español n’Asturies. >> Caltién tola cristalera colos escudos preconstitucionales del réxime franquista. >> Antaño custodiáu por militares armaos con fusiles d’asaltu.
- 10. >> Sitiu: I.E.S. Alfonso II (Cai Santa Susana) >> Anguaño caltién tamién un escudu del estáu franquista na fachada d’entrada. >> Institutu masculín d’Uviéu durante’l franquismu. >> Escudu atacáu delles vegaes na viéspora del 20-N. >> Pola so ubicación, nun centru d’enseñanza, representa ún de los exemplos más sangrinos d’esti tipu de símbolos.
- 11. Institutu Aramo
- 12. >> Sitiu: I.E.S. Aramo (Cai Coronel Aranda) >> Anguaño caltién un escudu del estáu franquista na fachada d’entrada. >> Foi construyíu na dictadura y yera l’institutu femenín d’Uviéu hasta que pasó a ser mixtu. >> L’escudu, a pesar de les protestes recibíes añu tres añu caltiénse nel mesmu sitiu, siendo davezu blancu d’activistes antifascistes. >> Esti escudu ye dalgo más pequeñu que’l del I.E.S. Alfonso II y, por supuesto, ye otru exemplu gravísimu al tar nun centru d’enseñanza, colo qu’esto lleva arreyao.
- 13. Plaza de la Liberación y Cai Coronel Teijeiro
- 14. >> Sitiu: Cai T. Coronel Teijeiro – Plaza Liberación >> El T. Coronel Teijeiro foi’l mandu que taba al cargu de les tropes golpistes que veníen dende Galicia, sublevada nos primeros momentos del “Alzamiento”, y tomaron Uviéu, hasta esi momentu lleal pa col bandu republicanu. >> Na mesma plaza de la Liberación atópase una estatua del militar golpista fecha en granito, xunto a una placa que fai memoria del llugar per onde entró’l continxente militar fascista.
- 15. Cuartel de la Policía Nacional
- 16. >> Sitiu: Avda. Bonavista - Cai Fuertes Acevedo >> Cuartelón – fortaleza construyíu por esclavos (presos políticos del franquismu) dempués de finada la Guerra Civil. >> Caltién un gran escudu franquista na fachada, asina como un monolitu xusto delantre de la entrada como condecoración a la guardia d’asaltu pol exemplu y escuela de “patriotismu”. >> Anguaño ye cuartel de la Policía Nacional española.
- 17. Viviendes “Grupo Virgen de Covadonga”
- 18. >> Sitiu: Avda. Galicia – Cai Fuertes Acevedo >> Grupu de viviendes feches en 1945, formando la colonia “Grupo Virgen de Covadonga”. >> Nel mesmu frente principal de la fachada entá topamos una llabanona onde apaez l’escudu de la Falange Española, col xugu y les fleches, xunto col testu “Delegación Nacional de Sindicatos”, en referencia al sindicatu vertical de trabayadores, muérganu títere y directamente dependiente del réxime durante’l franquismu.
- 19. Viviendes “Grupo José Antonio”
- 20. >> Sitiu: Barriu de Pumarín. >> Grupu de viviendes feches nel añu 1954 que recibe’l nome de “Grupo José Antonio” n’honor al fundador de la Falange Española (J.A. Primo de Rivera) >> Una placa preside’l conxuntu de viviendes onde tamién podemos topar simboloxía franquista (xugu y fleches) y el testu “Delegación Nacional de Sindicatos” >> De fechu, esti bloque da nome tamién a un equipu de fútbol del barriu nomáu “GRUJOAN” (fechu coles siegles GRupo JOsé ANtonio)
- 21. Viviendes “Vazquez de Mella”
- 22. >> Sitiu: Barriu de Vallobín. >> Grupu de viviendes feches n’honor al cangués Juan Vázquez de Mella, xermanófilu carlista que fundó’l partíu Católicu Tradicionalista en 1918. >> Una llabanona de piedra anuncia’l “grupu” cola típica simboloxía franquista y el númberu d’espediente. >> Amás, una placa de fierro espón la cai homónima al otru llau.
- 23. Plaza de “La Gesta”
- 24. >> Sitiu: Plaza de “La Gesta”. >> Esta plaza recibi’l nome nel duldosu honor de los golpistes uvieínos que, sofitando l’alzamientu franquista contra la llegalidá vixente, ficieron frente a la mayoría republicana d’Asturies hasta la ocupación militar de los sublevaos al frente del Teniente Coronel Tejeiro. >> Na plaza podemos atopar una ilesia con una llabanona y una estatua que fai alcordanza d’esti episodiu, sitiu onde los señaldosos fascistes de la “Hermandad de Defensores de Oviedo” faen tolos años ufriendes florales.
- 25. Plaza Porlier
- 26. >> Sitiu: Plaza Porlier >> Caserón de gran valir hestóricu qu’anguaño ocupa’l Tribunal Superior de Xusticia asturianu. >> Na mesma antoxana del edificiu topamos una vidriera que representa un escudu franquista con collores. >> Anécdotes d’esti País: La placa d’entrada al edificiu “Tribunal Superior de Justicia del Principado de Asturias” vien rematada “casualmente” con un escudu español en cuenta de col escudu asturianu.
- 27. Plaza Primo de Rivera Cai Milicias Nacionales Cai División Azul Cai T.C. Tejeiro Plaza Liberación
- 28. >> Son munches entá les cais que siguen calteniendo’l so nome designáu nel franquismu. Demasiaes. Ente elles podemos atopar nomes de cargos militares (xenerales, tenientes coroneles, capitanes…), d’episodios evocadores (Gesta, Liberación, Milicias Nacionales, División Azul…), de feches d’importancia pal ideariu fascista, etc.
- 29. >> Tampoco nun podemos escaecer la gran cantidá de plaques que’l réxime espardió nes fachaes de les cases, firmaes pol Ministerio de la Vivienda, pa facese popular ente una sociedá que, en munchos casos, refugaba la dictadura y yera incapaz d’escaecer a la bayura de familiares, collacies y collacios y persones cercanes asesinaes, torturaes, represaliaes o emigraes pa escapar de la muerte o la cárcele, asina como la falta de democracia y llibertaes sociales ya individuales. >> Estes chapes de fierro tamién llevaben l’escudu de la Falange Española col xugu y les fleches: el partíu únicu del Movimiento Nacional.
- 30. >> De xuru que yá conocíes munchos de los sitios y símbolos residuales del franquismu qu’apurrimos nesta G uía d’ U viéu A ntifascista, y de xuru qu’entá queden munchos por asoleyar. >> Dende Mocedá d’Izquierda Asturiana vamos siguir poniendo’l nuesu enfotu en facer por que desapaezan de les nueses cais, ciudaes y villes los símbolos de toa triba qu’espardió un réxime dictatorial d’ultraderecha que somorguió a esti País en cuatro décades de murnia solombra, desaniciu cultural ya identitariu, reprimiendo, encarcelando, matando y obligando a emigrar a una población que refugó’l fascismu nel 34, nel 36, a lo llargo de tola dictadura y que va siguir refugándolu na nuesa dómina. >> Poro, DESIXIMOS a les autoridaes polítiques del Conceyu d’Uviéu, lo mesmo que del Gobiernu Asturianu, la inmediata retirada d’esti tipu de “monumentos” y la so deposición nun Muséu de la Memoria Hestórica.
- 31. Mocedá d’Izquierda Asturiana 2006 [email_address] www . mias .as >> piensa >> llucha >> tresforma >> participa © >> Mocedá d’Izquierda Asturiana (mias>>) vien precisamente desendolcando una campaña na cai pola retirada de los símbolos franquistes y contra les agresiones y propaganda fascistes n’Asturies. Si tas interesada o interesáu en recibir más información sobre la nuesa organización o mesmamente quies facenos llegar cualquier comentariu nun dudes en ponete en contautu con nós. Pa que nun s’escaeza la nuesa hestoria… ¡¡ESPARDI ESTA GUÍA ENTE LOS TOS CONTACTOS!!
- 32. Mocedá d’Izquierda Asturiana [email_address] www.mias.as >> piensa >> llucha >> tresforma >> participa >> 24/11/2006 Aición de mias>> pola retirada de la simboloxía franquista n’ASTURIES.