3. biografia_ Mikel Laboa Donostiako Alde Zaharrean jaio zen 1934. urtean. 36ko gerra hasi zenean bere aitak Estatu frantsesera alde egin behar izan zuen, Laboaren amak bere zazpi semeak hartu eta Lekeitiora eraman behar izan zituelarik. Haurtzaroan gertatutakoak eragin handia izan du Laboaren obran. Medikuntza ikasketak hasi zituen 1953an eta 1963an amaitu zituen, 1967an haur neurosikiatrian espezializatuz. Lehen diska, Azken izenekoa, 1967an grabatu zuen Baionan. Gerora, beste hainbat euskal artistarekin lankidetzan, Ez Dok Amairu proiektuan hartu zuen parte. Bien bitartean, Laboak Bartzelonan bere bigarren diska grabatu zuen, eta hiru urte beranduago bi gehiago, Bertol Brechten
4. olerkietan oinarrituta. Ez Dok Amairuk ibilbide oparoa izan zuen, baina 1972. urtean iritsi zen proiektuaren amaiera. 1974ean Laboak diska bikoitza kaleratu zuen. Hiru diska kaleratu behar zituen berez, baina zentsuraren ondorioz ezin izan zuenez hori egin, azkenik Bat-Hiru izenburupean atera zuen lana. 1980an Lau-Bost diska kaleratu zuen. 1984ean Mikel Iñaki Salvadorrekin lanean hasi zen, eta pianista handi horrekin kontzertuak eskaintzeaz gain 6 diska grabatu zituen 1985ean. 1988an bere Lekeitio guztiak jaso zituen, eta Baga, Biga, Higa eta Itsasoa eta Lehorra izan ezik beste abesti guztiak berriro grabatu zituen.
5. 1989an 12 diska argitaratu zituen. Urte bete beranduago Laboa Kubara joan zen Euskal Herriko kulturaren beste hainbat erreferenterekin bertako musika eta artea zabaltzeko asmoz. Ondorengo diska, 14 izenekoa, Ez Dok Amairu leloarengatik 13 zenbakia ezeztatuz, 1994. urtean argitaratu zuen. Aurrerantzean Laboak hainbat kontzertu eskaini ditu, eta zuzeneko diska kaleratu zuen 1997an. 2008ko abenduaren 1ean hil zen.
6. Sinbologia eta kontzeptuak _ IZAN ZIRELAKO GARA, GARELAKO IZANGO DIRA Ez nau izutzen negu hurbilak / uda betezko beroan / dakidalako irauten duela orainak ere geroan. Mikel Laboaren lelo hauetan, beste hainbatetan bezala, iraganari eta etorkizunari egiten zaio erreferentzia, garai ezberdinen lotura eta elkarreragina azpimarratuz. BELAUNALDIEN ARTEKO ZUBIA 60. hamarkadan lehen diskoa atera zuenetik, Laboa euskal kulturaren irudi argia izan da belaunaldiz belaunaldi. Generazio ezberdinen bizitzan figura garrantzitsua da Laboa, belaunaldi ezberdinen parte da eta izaten jarraituko du.
7. ABANGOARDIA ALA TRADIZIOA? Koldobika Jauregik nabarmendu zuen bezala Laboa «abangoardian» egon zen. «Badirudi euskal kulturan abangoardian egon diren bakarrak eskultoreak izan direla. Hori ez da hala. Mikel abangoardian zegoen, bai Euskal Herrikoan, baita unibertsalean ere». Mikel Laboak oin bat tradizioan eta bestea abangoardian izatea posible zela erakutsi zen bere ibilbide osoan. LURRA, MENDIA, ITSASOA… Mikel Laboa lurrari oso errotua zegoen, bertan bizi den jendeak erakartzen zuen eta hori primeran trasmititzen zuen. Naturarekin duen lotura bere obra guztian nabarmentzen da.
8. ASKATASUN INDIBIDUAL ETA KOLEKTIBOEN ALDE Gauza guztien gainetik askatasunaren alde zegoen Laboa. Bere abesti ezberdinetan askatasunaren bilaketa hori argi isladatzen da.
9. arte lanaren ideia_ Aurrez aipaturiko kontzeptuen islada izatea nahi dugu artelana. Laboaren obra erreflejatu nahian, artelan aktual bat sortu nahi izan dugu, denboran iraun dezakeena. Irudiak erabiltzea erabaki dugu, collage antzeko bat eginez, baina teknologia berriak erabiliz. Sinboloak erabili ditugu ideia ezberdinak adierazteko: Harria : Fondoa lurzoru bat da, harria. Laboaren lotura naturarekin eta lurrarekiko duen erroa adierazi nahi du. Soka : Irudiaren protagonista da soka. Elementu honek LOTURA, ZUBIA adierazi nahi ditu, bai belaunaldien arteko lotura eta baita abangoardia eta tradizioaren arteko lotura ere.
10. X-a: hizki honekin bestalde, loturen apurketa adierazi nahi izan dugu. Askatasunaren idea azpimarratzeko, loturak hautsi nahi izan ditugu. Beraz, bi ideia kontrajarri errepresentatzen ditu sokak. Alde batetik, loturaren alde positiboa eta bestetik negatiboa. Hitzak: Lurra, zubia, askatasuna, tradizioa eta abanguardia hitzak agertzen dira. Grafikoki errekurtso interesgarria iruditu zaigu hizkiak moztuta agertzea. Bestalde, hitzek adierazi nahi izan ditugun kontzeptuak erakusten dituzte.
