Taize reflection
1 like458 views
Ang dokumento ay tungkol sa isang pagtitipon na naglalayong magbigay ng pagkakataon sa mga tao na magmuni-muni at makinig sa kanilang mga damdamin sa pamamagitan ng mga kanta. Isang kwento ang ibinahagi tungkol sa isang mountain climber na sa kabila ng kanyang tiwala sa Diyos ay hindi binitiwan ang lubid na nagdulot sa kanyang kapahamakan, na nagbigay-diin sa tema ng pananampalataya at pagtitiwala. Ang mga alalahanin ng mga tao tungkol sa kanilang mga buhay, relasyon, at kung sino ang tunay na nagmamalasakit sa kanila ay tinalakay upang ipaalala ang halaga ng pagkakaibigan at support system.
Taize reflection
- 1. SAINT JOSEPH MARELLO’S FEAST DAY TAIZE MAY 30, 2013 FLOW I. BRIEF ORIENTATION OF THE ACTIVITY Magandang gabi! Masaya sa pakiramdam na tayo‟y muling nagkasama-sama sa isa na namang gawaing magpapakilala at magpapatibay pa sa bawat isa. Bihira ang mga panahong ganito na kung saan nakakaya mong sabihin sa mga taong nasa paligid mo ang iyong mga saloobin, pagtingin at kahit ang iyong hinaing. Napakahirap maglaan ng oras sa mga ganitong pagkakataon, iba‟t ibang rason, subalit ngayong gabi, hinihiling kong isantabi mo muna lahat ng iyong isipin. Sa bawat kanta na ating mapapakinggan, nawa‟y mapagnilayan mo ang bawat salita, ang bawat lyricsa nito. Sa pagkakataong ito, hinihingi ko ang kooperasyon ng iyong tenga para sa mabisang pakikinig at nais kong magmuni-muni ka rin tungkol sa lahat ng iyong mararamdaman sa pag-unawa sa bawat salita ng mga kanta. Kaibigan, minsan sa buhay natin, kailangan nating tumahimik. Hindi dahil sa pagod na tayo ng kakasalita, ngunit dahil kailangan mo ring marinig ang nararamdaman ng iyong puso na hindi mabigkas-bigkas ng iyong bibig. Samahan mo naman ako. II. OPENING SONG NATUTULOG BA ANG DIYOS? III. SIGN OF THE CROSS Sa ngalan ng Ama, ng Anak, at ng Espiritu Santo, Amen. IV. REFLECTION ON NATUTULOG BA ANG DIYOS? Natatandaan ko pa „yung kwento ng isang mountain climber na nagdesisyong akyatin ang pinakamataas na bundok nang mag-isa dahil sa kagustuhan niyang makilala siya sa buong mundo. Sa kasagsagan ng kanyang pag-akyat, hindi inaasahang nalaglag siya sa may bangin at tanging isang lubid lamang na nakatali sa kanyang bewang ang magliligtas sa kanya. Sumigaw siya ng tulong mula sa itaas! Kanyang sinambit, “Iligtas mo ako Diyos ko!” At sa di inaasahan ay may boses siyang narinig na nagsasabing, “Sa tingin mo, kaya ba talaga Kitang iligtas?” Sumagot siya ng pasigaw,“OO NAMAN PO!Naniniwala akong kaya Ninyo.” Pagkatapos niyang masambit ang mga salitang iyon, muling nagsalita ang kanyang kausap, “Kung gayon, putulin mo ang lubid na nakatali sa inyong bewang.” Nagkaroon ng isang maugong na katahimikan, maya-maya‟y nagdesisyon ang tao na mas higpitan pa ang hawak sa lubid na nakatali sa kanyang bewang. Pagkatapos ng isang araw, nakita ng isang rescue team ang mountain climber na patay at matigas na. Ang kanyang katawan ay nakatali sa isang lubid at ang kanyang mga kamay ay nakahawak pa rin sa lubid na iyon. Sa huli, napag-alaman na sampung talampakan lamang ang lalim niya mula sa lupa.
- 2. IKAW Kaibigan? Gaano kahigpit ang hawak mo sa iyong lubid? Kaya mo ba itong bitawan? O gaya ng mountain climber na hanggang sa huli,na humawak na lamang sa lubid na inakala niyang magliligtas sa kanya? Gaano ka nagtitiwala sa Kanya? Sabi kanina sa kanta, natutulog daw ang Diyos. Natutulog nga kaya ang Diyos, lalo na sa panahong kailangang-kailangn natin siya? O naniniwala kang kinalimutan at iniwan ka na Niya? Sa kabila ng lahat ng dumarating sa buhay mo, masasabi mo ba o nararamdaman mo man lang ba ang Kanyang Presensya? O tila baga‟y nakalimot ka na talaga sa Kanya gaya ng inaakala mong paglimot Niya sa Iyo? Halika kaibigan, sama-sama nating tuklasin ang mga katanungang umiikot sa ating mga isip. V. AKO’Y KAIBIGAN MO VI. REFLECTION Kaibigan, kamusta ka? Masaya ka ba? Matagal na rin tayong magkakasama, kaya lang sa sobrang dami ng ginagawa natin, hindi ko namalayan ang mga nangyayari sa‟yo. Kamusta ang inay? ang tatay? kamusta ang mga kapatid mo? Eh ang pag-aaral mo? May umaaway ba sa‟yo sa school? Nga pala,tumatawa ka pa rin ba ng hagalpak? O gaya ng dating palagi ka na namang nag-iisa at sinosolo ang lahat? Kaibigan, nandito ako, handa akong making sa lahat ng ikukwento mo. Hindi ko man mapawi lahat ng lungkot na nararamdaman mo; hindi ko man mapantayan ang saya dyan sa loob ng puso mo, handa akong maupo at making sa lahat ng sasabihin mo. Ang tagal na ring wala kang nasasabi sa‟ken, sa tuwing taw mo, sa bawat patak ng luha sa‟yong mga mata, tila nakalimutan mo na atang nandito lang ako. Kaibigan, na-miss kita, hihintayin kita ha. VII. PANGINOON, MAAWA KA VIII.REFLECTION Panginoon, ako‟y kapakumbabaang lumalapit sa Iyo. Tulungan Mo‟ng muling maging malinis ang aking puso. Hayaan Mo‟ng mapawi ng Iyong pagpapatawad at pagmamahal ang lahat ng nakikita kong kakulangan at kahinaan ko bilang Anak Mo. Patawarin Mo ako sa napakadaming beses na hindi ko maramdaman ang Iyong Presensya. Patawad kung sa tuwing masaya ako, minsan, nakakalimutan kong, Ikaw nga pala ang dahilan nito. Lalo‟t higit naman kapag ako‟y nalulungkot at hindi umayon ang aking mga kagustuhan, mas hindi ko maunawaan ang Iyong layunin. Panginoon, Ikaw ang aking lakas sa aking kahinaan; ikaw ang aking boses sa aking kapausan at; ikaw ang aking mga mata sa kadiliman. Akayin Mo ako pabalik sa Iyo.
- 3. IX. I WILL BE HERE X. REFLECTION Kapag tinalikuran ka ng mundo, bukod sa pamilya mo, sino sa tingin mo ang maiiwan para samahan ka? Gusto kong mag-isip ka ng sampung tao nainiisip mong hindi kaiiwan hanggang sa huli. Sino kaya sila? Hmmm..Bukod sa mga magulang mo, sino pa kaya ang handing damayan ka? O di naman kaya ‟yang panganay mong kapatid? Naiisip mo rin bang pwede ka rin samahan ng bunso mong kapatid na lagi mong nakakaaway? Sino kaya ang mananatili sa piling mo? Ngayon mula sa sampu, nais ko naming pumili ka ng limang tao na sa kabila ng lahat ng pagkukulang at kahinaan mo, ay makakaya kang yakapin at tanggapin ng buo. Sino‟ng naiisip mo? Kapag may problema ka, saan mo sinasabi? Ano bang ginagawa mo kapag malungkotka? Yung tipong parang lahat ay kaaway mo? Teka, nakakaiyak kaba? Kung oo, San ka naman umiiyak? Kaninong balikat ang nababasa ng patak ng luha mo? Kapag may problema ka sa bahay, kanino ka nagsasabi? Kapag inlove o kaya nama‟y broken hearted ka, saan mo kinukwento? Alam mo Kaibigan, sabi nila, A REAL FRIEND IS ONE WHO WALKS IN WHEN THE REST OF THE WORLD WALKS OUT. Yung mga totoong kaibigan mo raw ang mananatili sa piling mo, iwanan ka man ng buong mundo. Ang sarap pakinggan noh? Kaibigan, totoo yun, nandito ako at hindi kita iiwan. XI. ALAM KONG KASAMA KA XII. REFLECTION XIII. LEAD ME LORD XIV.REFLECTION Kailan ka naging ilaw sa iba?