1. Webquestak
1.-Zein da webquest baten helburua? Zer bultzatzen du? Zer estrategia erabiltzen dira?
Ikasteko beste estrategia kooperatibo batetan oinarritzen da, non ikasleak taldetan
jartzen diren eta www.wequest.com web orriaren bitartez lana gauzatzen duten.
Webquestaren helburua,ikasleek sarearen bitartez lan egitea da. Honetaz gain, beste
helburu garrantzitsu bat, sarean dauden gai garrantzitsuenak ondo hautatzea eta
pentsamendu kritikoa garatzea da. Ikasleek taldean lan egitea bultzatzen du eta erabiltzen
den estrategia hau da, irakasleak arazo bat planteatzen die ikasleei, et hauek interneten
bitartez arazo honi irtenbidea aurkitzen diote.
2.-Webquest baten atal bakoitzak zein ezaugarri bete behar ditu?
SARRERA: Erakargarria izan behar du bistara, horrela bertan proposatzen denarekiko
interesa pizteko. Gaiaren aurkezpenean garrantzitsua da haurrari gai horrekin lotura duela
ikusaraztea, interesa gehitzeko eta ondorengo atalera pasatzeko gogoa izateko.
ATAZAK: Ondoren landuko den gaiaren inguruko lehenengo azalpenak ematen ditu.
Atazak mota askotakoak izan daitezke, ikaslearen interesa ez galtzeko, adibidez: zientifikoa,
diseinuzkoa, misteriotsua … Horrela, gaian zehar landuko diren azpiatalen sarrera edo
edukiak azaltzen ditu, beti ere lan hori egiteko gogoa galdu gabe.
PROZESUA:Ariketak aurrera eramateko, ikasleak jarraitu behar dituen pausuen
azalpena ematen da era labur eta argian. Ondoren ariketa ezberdinak planteatzen dira.
EBALUAZIOA: Lana nola ebaluatuko den azalpenak eskaintzen dira bertan. Ikasleek
ongi ulertu dezaten, azalpen argiak eta garbiak izan behar dute.
ONDORIOAK: Ariketa egiteko egin den bidea edo aurrera eraman den prozesuaren
inguruko gogoetara bultzatzen du ikaslea, ikasi duenak eguneroko bizitzarako balioko dion
edo ez jabetzeko. Bestalde, ikasleak bere iritzia eman dezake, ariketa hobetzeko
proposamen gisa.
3.- Zein da atal bakoitzaren helburua?
SARRERA:
Sarreraren helburua haurrentzat ariketa erakargarria eta dibertigarria egitea da eta era
honetan haurrak motibatuta eta interesatuta mantentzea ariketa guztian zehar.
2. ATAZAK:
Atazen helburua zera izango da: Haurrek sortutako azken pruduktuari (video zinta, web
orria, ahozko azalpena…) erabilera ematea.
PROZESUA:
Ikasleak bere lana aurrera eramateko eman behar dituen pausuak ongi ematea.
EBALUAZIOA:
Ikasleak egindako lana ongi ebaluatzea modu ezberdinak erabiliz ( ebaluzio orria…).
ONDORIOAK:
Helburua irakasleak haurrak ariketa hobetzeko gauzak egiteko modu ezberdinak erabiltzera
animatzea da.
4.- Ze baliabide erabili daitezke webquest baten? Nolakoak izan behar dira baliabide
hauek?
Webquest batean hainbat baliabide erabili daitezke, hala nola, informazioa
taldekatzeko edo sailkatzeko hainbat ataletan banatzen da webquest bat. Horrela,
webquest-ak hainbat “azpi atal” izango ditu, hala nola, sarrera, ebaluazioa, ondorioak…
Irakasleak ikasleei gai bati buruzko informazioa eta ezagutza adierazten dio eta
horretarako galderak egin, informazioa eman…egiten du. Galderei erantzuna emateko
irakasleak interneteko orrialde batzuei lotura egiten die, ikasleek gaiari buruzko informazioa
bertan topa ditzaten.
Irakasleak, hainbat jarduera planteatzen ditu eta bertan ariketak edo jarduerak
egiteko hainbat ezaugarri planteatzen ditu. Gainera, ikasleei galderak egiten dizkie gaiari
buruzko ezagutzak era aktibo baten barneratu eta ikaste esanguratsua bultzatuz. Galdera
horiek, ikasleen ikaste esanguratsua bultzatzen dute eta hori oso positiboa da ikaste
prozesuan.
Baliabide hauek garbiak eta erabili errazak dira, hau da, erraz ikusten da azpiatalen
nondik norakoak. Horrela, ikasleak erraz ikusten du atal bakoitza zerri buruzkoa izango den.
