EsP 8 Concepts 6
- 1. Suriin Napatunayan natin sa Modyul 3 na ang pamilya ay natural na institusyon ng pagmamahalan at pagtutulungan na nakatutulong din sa pagpapaunlad ng sarili sa bawat kasapi dahil sa kanilang piling nahubog ang ating mga pagpahahalaga at ipinapamalas din sa kapuwa. Sa buhay, maraming salik ang nakaapekto upang masira ang pundasyong nagpatatag sa isang pamilya dahil dito mainam na maunawaan ang mga angkop na kilos kung paano mas mapatatag ang pagmamahalan at pagtutulungan na nagsisilbing pananggalang. Sa bahaging Tuklasin napagnilayan mo ang buhay ni Andrea, wala siyang ama ngunit nanatiling buo at matatag ang pamilya dahil ipinadama ng mag-ina ang pagmamahal sa isa’t isa. Paano nga ba maipadarama ang pagmamahal at pagtutulungan sa pamilya? Ang pagmamahal ay isang damdamin na hindi lamang naipakita sa pagbibigay ng mga materyal na bagay kung hindi maging sa pagpapahalaga. Mararamdaman at makikita ang pagmamahal sa loob ng tahanan, mataimtim na ugnayan sa Panginoon at pakikisalamuha sa ating kapuwa. Naipamamalas ang pagmamahalan kung naisasagawa ang mga angkop na kilos tulad ng sumusunod: Pagbibigayan sa pamamagitan ng paglalaan ng oras at panahong makapiling ang pamilya Pagpapakumbaba sa tuwing nakagagawa ng kamalian at matutong humingi ng kapatawaran Pagpapakita ng respeto sa mga magulang at nakatatanda Pagpapahalaga sa mabubuting nagawa ng pamilya tulad ng; ipinagmamalaki kita. mahusay ang iyong ginawa atbp.
- 2. Kaakibat ng pagmamahal ay pagpapakita ng suporta sa pamamagitan ng pagtulong sa kapuwa na hindi naghihintay ng anomang kapalit. Ito ang nagiging dahilan sa pagpapatatag ng pagtutulungan sa pamilya. Sa pagsasagawa ng angkop na kilos na: Pagkakaisa sa mga gawaing bahay pagtulong sa kapatid na maunawaan ang aralin Pagsasakripisyo ng pansariling kagustuhan para sa ikabubuti ng pamilya Pagpapakita ng suporta sa mga anak na nag-aaral Pagkamit sa mithiing magpapaunlad ng pamilya pagsunod sa mga utos at payo ng magulang Pag-alalay sa kasapi ng pamilya na may kapansanan Pagbabahagi ng mga biyaya sa pamilya Ang pagmamahal ang pinakamahalagang elemento na nagdudugtong sa tao, ibig sabihin kung may pagmamahal ay mararamdaman natin ang katiwasayan at pagtutulungan sa bawat isa. Ayon nga kay St. Thomas Acquinas, ang pagmamahal ay naipadadama hindi lamang sa salita kung hindi sa gawa. Kung gayon, bilang tao ay napakahalagang pairalin ang pagmamahal para magkaroon ng makabuluhang pakikipagkapuwa.