FIL 3rd q week 2.ppt
- 1. IKATLONG MARKAHAN IKALAWANG LINGGO Unang Araw I. Layunin Napagsusunod-sunod ang mga pangyayari sa tekstong napakinggan (kronolohikal na pagsusunod-sunod)
- 2. Salungguhitan ang mga salitang Pang-abay sa bawat pangugusap at tukuyin kung ito ay PAMARAAN, PAMANAHON, PANLUNAN O PANGGAANO. 1.Patingkayad siyang bumaba ng bahay. PAMARAAN 2. Uulan na bukas. PAMANAHON 3. Bumaba ang timbang ko ng isang libra. PANGGAANO 4. Ako ay nag-aaral sa Uguis Integrated School. PANLUNAN 5.Baka sa makalawa na ako uuwi sa atin. PAMANAHON 6. Dahan-dahang naglakad ang magnanakaw. PAMARAAN 7. Padabog sumunod si CJ kay Nanay. PAMARAAN 8. Unti-unti mong inumin ang gatas. PAMARAAN 9. Sa Linggo ang bertday ni Ate. PAMANAHON 10. Umaga na noong dumating si Tatay. PAMANAHON
- 3. 1. Pagsasanay Isulat sa isang malinis na papel ang iyong ginagawa bago pumasok sa paaralan, ayon sa wastong pagkakasunod-sunod ng mga pangyayari. 1. 2. 3. 4. 5.
- 4. 1. Balik-aral Ano ang pang-abay?
- 5. A. Pagganyak Basahin ang tula SAMPAGUITA Bulaklak na kay puti Talulot na mumunti Kaysarap amuyin Kaysarap haplusin Di kayang pantayan Taglay na kagandahan
- 6. Sagutan ang mga tanong sa kuwarderno 1. Anong kulay ang sampaguita? 2. Anong uri ng mga talulot mayroon ito? 3. Paano mo malalanghap ang taglay nitong katangian? 4. Bakit di ito kayang mapantayan? 5. Iguhit mo ang sampaguita at kulayan.
- 7. A. Paglalahad Ang Tipaklong at ang Paruparo Ang katapatan ng isang kaibigan ay masusukat sa panahon ng pangangailangan.
- 8. Kaylakas ng ulan! Kaylakas din ng hangin! May bagyo nang umagang iyon. Nagsasayawan ang mga puno maging ang mga halaman at bulaklak. “Ginaw na ginaw na ako,” ang sabi ni Tipaklong kay Paruparo. “Nakalabas pa kasi ako sa aking pinagtataguang kahoy”. “Tiyak na giginawin ka rin kahit nakatago ka na sa kahoy. Wala namang tumatakip sa katawan mo, a. Bakit sisisihin mo ang paglabas mo sa iyong pinagtataguan?” ang tanong ng kanyang kaibigang Paruparo. “Hindi nga ako mababasa kung ako ay nakakubli,” ang malumanay na sagot ni Tipaklong. “Hindi mo naman makikita ang ganda ng paligid kung hindi ka lumabas sa pinagtaguan mo. Ang lamig ng hangin ay hindi mo madarama. Hindi mo maaamoy ang halimuyak ng mga nababasang bulaklak. Ang dulas ng mga dahon at halaman ay hindi mo mahahawakan,” ang sagot ni Paruparo. “Oo nga, ano?” ang sagot ni Tipaklong na may pagsang-ayon. “Higit kang mapalad kaysa sa akin kaibigang Tipaklong,” ang sabi ni Paruparo. “Bakit mo naman nasabi iyan?” ang tanong ni Tipaklong. “Ang katawan mo ay mahaba. Matibay pa. Bakit giniginaw ka pa? Samantalang ako, ang nipis-nipis ng aking katawan. Kapag nagpatuloy ang paghihip ng malakas na hangin at pagbagsak ng malalaking tipak ng ulan, ang pakpak ko ay matatangay,” ang sabi ni Paruparo. “Makukulay ang mga pakpak mo ngunit may kanipisan. Hindi ba’t takot ang ulan sa nakasisilaw mong kulay? Huwag kang mag-alala. Ang mga pakpak mo ay hindi liliparin ng hangin,” ang sabi ni Tipaklong. “Saka, e ano kung liparin ang mga pakpak mo? Ang mahalaga’y buhay ka.”
- 9. “Kung wala na akong ganda, aanhin ko pa ang buhay? Paano na ako makalalapit kay Bulaklak kung wala na akong mga pakpak?” ang malungkot na tanong ni Paruparo. “Kung sabagay, tama ang sinasabi mo, kaibigang Paruparo. Ako man ay natatakot na kapag hindi tumigil ang bagyo, dahil sa sobrang ginaw mababali ang aking mga paa na kahit anong pagpigil ay ayaw huminto sa panginginig,” ang sabi ni Tipaklong. “Upang makaiwas tayo sa bagyong ito, ano kaya ang mabuti nating gawin para maligtas ang ating buhay?” ang tanong ni Paruparo. “Alam ko na, may paraan akong naisip”, ang sabi ni Tipaklong. “Paano?” ang tanong ni Paruparo.“Sa ilalim ka ng mga bulaklak magtago,” ang mungkahi ni Tipaklong. “At ikaw naman, paano ka?” ang tanong ni Paruparo. “Habang nakakapit ako at nagtatago sa sanga ng puno ay babantayan ko ang bulaklak na pagtataguan mo para hindi malaglag,” ang sagot ni Tipaklong. At sabay na kumapit sa bulaklak ang magkaibigang si Paruparo at si Tipaklong.
- 10. A. Pagtatalakay Talakayin ang mga naganap sa kwento sa pamamagitan ng mga sumusunod na katanungan: 1. Kailan mo masasabing may bagyong darating? 2. Ano ang maaaring nangyari kung nagkubli na lamang si Tipaklong? 3. Kung makapal ang katawan ng paruparo, ano kaya ang maaaring mangyari? 4. Bakit nakatulong sa paruparo ang makulay nitong pakpak? 5. Ano ang sinabi ni Tipaklong upang lumakas ang loob ni Paruparo? 6. Ano ang ikinatatakot ng dalawa kaugnay ng sama ng panahon? 7. Patunayang pinahahalagahan ni Paruparo ang ganda ng kalikasan. 8. Paano pinatunayan ng magkaibigan ang pagmamahal nila sa isa’t isa?
- 11. A. Gawin Ninyo Balikan ninyo ang mga pangyayari sa kuwento. Subukin mong pagsunudsunurin ang mga ito sa pamamagitan ng paglalagay ng bilang 1-6 sa patlang. Sipiin at sagutin ito sa iyong sagutang papel. ______ Patuloy na pag-ihip ng malakas na hangin. ______ Sabay na lumapit sa bulaklak ang magkaibigang paruparo at tipaklong. ______ May bagyo nang umagang iyon. Malakas ang ulan at hangin. Ang mga puno, maging ang mga halaman at bulaklak ay nagsasayawan. ______ Nagtago sa ilalim bulaklak ang paruparo at binantayan siya ni Tipaklong. ______ Lumabas si Tipaklong sa pinagtataguang kahoy. ______ Nadarama ang lamig ng hangin, naaamoy ang halimuyak ng mga nababasang bulaklak. Nahawakan ang dulas ng mga dahon at halaman.
- 12. Pistang Bayan Ang pagdiriwang ng pistang bayan ay labis na nagugustuhan ng mga Pilipino. Bago pa dumating ang kapistahan ay abala na ang mga tao sa paglilinis ng kani- kanilang mga tahanan, naglalagay ng dekorasyon sa mga lansangan at naghahanda ng mga pagkain. Sa madaling-araw naririnig ang ingay ng baboy, kambing, itik, manok, bibe, baka at iba pang hayop na pinapatay. Sa araw ng kapistahan, makikita ang mga matatanda at bata na masayang nagsisimba, nanonood ng parada at sumasakay sa iba’t ibang uri ng sasakyang umiikot. Masaya rin silang lumilibot sa bahay ng mga kamag-anak at kaibigan upang pagsaluhan ang inihandang pagkain. Sa gabi, sumasama sila sa prusisyon at nanonood ng mga palabas. Pagkatapos ng pista, masaya silang naglilinis ng tahanan, nagliligpit ng pinagkainan at nagkukuwenta ng pinagkagastusan subali’t makikita mo sa kanilang mga mukha
- 13. Ayon sa isinasaad ng mga pangyayari sa kuwentong binasa, ayusin ang mga ito ayon sa wastong pagkakasunud-sunod. Isulat sa sagutang kuwaderno. ______ sumasama sa prusisyon ______ naglilinis ng tahanan ______ masayang nagsisimba ______ naglalagay ng dekorasyon ______ nagkukuwenta ng pinagkagastusan ______ nagpapatay ng hayop
- 14. A. Paglalahat Ang pagsunod-sunod sa mga pangayayari ay nakabase sa kwentong napakinggan at ayon sa pagkakaganap ng bawat sitwasyon. A. Paglalapat Isulat sa isang papel ang pagkakasunod-sunod ng pangyayari sa pagluluto ng kanin.
- 15. IV. Pagtataya ‘Bordi’ Geocadin Kidney, Bago na Tagumpay ang isinasagawang operasyon ng mga dalubhasang doktor sa National Kidney Institute kay Bryan “Bordi” Geocadin, ang 12- anyos na batang nagkaroon ng di-pangkaraniwang sakit sa bato. Ayon kay NKI Executive Director Filoteo Alano, ang matagumpay na operasyon kay Bordi ay bunga na rin ng ipinamalas na determinasyon ng bata na malagpasan ang kanyang karamdaman. “Humanga kami sa kanyang ipinakitang lakas ng loob sa halos limang oras na operasyon upang palitan ang kanyang bato na may misteryosong depekto ,” sabi pa ni Alano. Sinabi naman ni Dr. Enrique Una, kabilang sa walo kataong dalubhasang doktor na umopera kay Bordi, bagaman hindi magkatugma ang ipinalit na bato sa katawan ng bata, tiniyak nila na ang batong nanggaling sa ama nitong si Brydon ay “aayon” sa sistema ng katawan ni Bordi. “Malaki ang aming paniniwala na pagkatapos ng dalawang
- 16. linggong obserbasyon, ang bagong bato sa katawan ni Bordi ay sasang-ayon sa kanyang katawan,” wika ni Dr. Una.Sa ngayon, ang bata ay nasa recovery room na ng ospital at umaasa sa kanyang tuluyang paggaling. Umaasa rin si Bordi na paggaling niya ay makalaro ang kanyang paboritong child actor na si Vandolph, ang anak ng pamosong komedyanteng si Dolphy at aktres na si Alma Moreno. “Sana, dumalaw rito si Vandolph para kami ay makapaglaro at makapagkuwentuhan at pagkatapos ay magkasalo kaming kakain ng alimango, sugpo at bagoong,” pabulong na hiling ni Bordi sa kanyang tiyahing si Honey Geocadin Vidal. Samantala, taos-pusong pinasalamatan ni Bordi at ng buong pamilya Geocadin ang mga taong nagmamalasakit sa bata para malagpasan nito ang krisis na naganap sa kanyang buhay.
- 17. Humango ako ng mga pangyayari sa binasaNG kuwento. Hindi ito naaayon sa tamang pagkakasunud-sunod. Isa-isahin mong itala ang pagkakasunud-sunod ng mga pangyayari. Muli itong isulat sa sagutang papel. 1. Pinasalamatan ni Bordi at ng kanyang pamilya ang mga taong nagmamalasakit sa kanya. 2. Sa ngayon ang bata ay nasa recovery room at nagpapagaling. 3. Tagumpay ang isinagawang operasyon ng mga dalubhasang doktor ng National Kidney Institute kay Bordi. 4. Humanga sa katatagan ng loob ni Bordi si Director Filoteo Alano. 5. Umaasa si Bordi na paggaling niya ay makakalaro niya ang paboritong actor na si Vandolph.
- 18. IV. Takdang Aralin Basahin at sagutan ang Subukin Mo sa pahina 5 ng Self- Instructional Materials No. 12.
- 19. Ikalawang Araw Layunin Nakabubuo ng mga tanong matapos mapakinggan ang isang salaysay. Nagagamit ang pang-abay sa paglalarawan ng kilos. Hiyas sa Pagbasa V pahina 30-32 MISOSA - Gamit ng pang-uri at pang-abay/ Iisang baybay magkaibang bigkas at kahulugan Filipino Curriculum Guide F5PS-IIIb-a- 3.1 at F5WG-IIIa-c-6
- 20. 1. Pagsasanay Basahin ang kwentong “Ano Ba Ang Cholesterol? “ isang usapan sa Hiyas sa Pagbasa 5 pahina 30 at sagutan ang mga katanungan sa Unawain at Sagutin sa pahina 32.
- 21. 1. Balik-aral Ano ang mahahalagang impormasyon ang kailangan malaman sa pagsusunod sunod ng pangyayari sa isang tekstong napakinggan?
- 22. A. Paglalahad Ipabasa ang kwentong “Pista sa Barangay” na makikita sa pahina 2 ng MISOSA
- 23. Pista sa Barangay “Heto na ang musiko. Baba na ako,” sigaw ni Bert sa mga kalaro. “Oo nga! Dali! Baka malampasan tayo,” nagmamadaling bumaba sa puno ng makopa ang mga bata. Nagkagulo ang mga bata nang makita ang Ati-atihan na sumasayaw sa saliw ng tugtog ng mga tambol. Buong siglang umiko’t-ikot ang mga majorette at ang kanilang baton habang tumutugtog ang banda. Ang mga tao ay talagang nagkakagulo. Talagang ang saya ng pista sa barangay. Puno ng pagkain ang mesa, may adobong manok, mitsadong karne ng baka, paksiw na pata at marami pang iba.
- 24. May banda ng musiko sa umaga at sa gabi’y may prusisyon sila. Suot ng mga matatanda ang kanilang saya at nakikihanay sa mga kabataang umiilaw sa prusisyon. Ang problema ay nararamdaman sa kinabukasan o ilang araw pagkatapos ng pista. Pata at malata ang katawan ng mga tao. Kung wala silang natirang handa ay magtitiis na lang sila sa mga de lata o di kaya’y sa ginataang gabi. Ganyan ang mga Pilipino noon. Subalit unti-unting nang nagbabago. Ipinagdiriwang pa rin ang kapistahan at ipinaghahanda, subalit sa abot na lang ng kanilang makakaya.
- 25. Tapos ka nang bumasa. Sagutan mo naman ang mga tanong sa iyong kuwaderno. 1. Anong sinabi ni Bert sa bagong mga kalaro? 2. Paano mo mailalarawan ang pista sa barangay? 3. Ano ang suot ng matatanda kung sila ay nagpuprusisyon? 4. Anu-anong pagkain ang makikita sa mesa? 5. Masaya ka rin ba kung pista sa inyong pook?
- 26. Gawin Ninyo Hatiin sa klase sa apat na pangkat. Bumuo ng limang tanong base sa kwentong nabasa na pinamagatang “Pista sa Barangay” sa pahina 2 ng MISOSA. Gawin Mo Ipabasa ang usapan nila Roy, Deng at Jose sa pahina 5 ng MISOSA. Sipiin ang mga ginamit na pang-abay sa usapan.
- 27. Ngayon, basahin mo ang sumusunod na usapan. Salungguhitan ang mga ginamit na pang-abay sa usapan. Jose: Mataas ang punong iyon. Dahan-dahan ka. Roy: Naku, sanay si Deng umakyat. Jose: Kanina lang umaga umulan. Deng: Hayaan ninyo hahawak akong mabuti. Roy: Sige; hihintayin ka namin doon sa may sapa. Deng: Pumito ka kapag uuwi na tayo. Dali-dali akong bababa. Jose: Umuwi tayo agad pagbaba mo. Maingat na umakyat si Roy. Nagmamadali siyang bumaba nang marinig ang pito ni Jose. Napahawak siya sa isang marupok na sanga. Nabali ito, kasabay nito ang mabilis na paglagpak ni Deng sa lupa. Humahangos na sumaklolo sina Jose at Roy.
- 28. Ang pang-abay ay naglalarawan sa pandiwa, pang-uri at kapwa pang-abay. Sa pagbubuo ng mga tanong kailangan ang mga salita sa tanong ay kaugnay sa kwentong napakinggan o nabasa. Ipakita ang talahanayan na makikita sa pahina 5 ng MISOSA tungkol sa pang-abay. Ipabasa sa mga mag- aaral ang talahanayan.
- 29. A. Paglalapat Ngayon, basahin mo ang mga sumusunod na pangungusap na makikita sa pahina 6 ng MISOSA. Isulat mo ang mga pang-abay na makikita sa bawat pangungusap...Downloadsanti3rd q week 2-7 - gamit ng pang-uri at pang-abay.pdf
- 30. IV. Pagtataya Sumulat ng limang halimbawa ng pag-abay. IV. Takdang Aralin Pumili ng kwento sa Hiyas sa Pagbasa V. Gamitin ang mga halimbawa ng pag-abay na isinulat sa pagbuo ng mga tanong tungkol sa kwentong nabasa
- 33. TAKDANG ARALING Gumawa ng 2 halimbawa ng Pang- abay na Pamaraan, Pamanahon, Panlunan at Panggaano. Salungguhitan ang Pang-abay sa pangungusap.