Pangkat-2-Presenthesis.pdf
- 1. LAWAK NG PAGPAPAHALAGA NG MGA ESTUDYANTE SA ASIGNATURANG FILIPINO KAUGNAY NG KANILANG AKADEMIK PERFORMANS PANGKAT 2 AWTOR: FELIPE B. SULLERA, JR Presenthesis
- 2. Introduksyon Nasasaad sa 1987 ng Saligang Batas, na wikang Filipino ang wikang panturo sa alinmang antas ng pagtuturo mapapribado man o pampublikong paaralan kaalinsabay ng wikang Ingles, alinsunod sa ipinalabas ng Kalihim Lourdes Quisumbing ng Departamento ng Edukasyon, Kultura at Palakasan ang Kautusan Blg. 52. Hangad nito na mapalawak ang pagpapalaganap ng wikang Filipino bilang wika ng literasi; paglinang at pagpapayabong ng wikang Filipino bilang linggwistikong sagisag ng pambansang pagkakaisa at pagkakakilanlan at patuloy na intelektwalisasyon ng wikang Filipino. (Badayos et al, 2008 p. 75-77).
- 3. Introduksyon Katulong ang mga guro Sa pagtataguyod ng edukasyon, tinuturuan ang mga mag-aaral na mahalin, tangkilikin, pahalagahan at higit sa lahat ang pagpepreserba sa katas ng wika at kulturang Pilipino na siyang malaking hamon sa mga guro sa panahon ng globalisasyon kaakibat ang pagtuturo ng asignaturang Filipino. Hindi rin maiwawaglit ang epekto nito sa performans ng mga studyante na dahil sa paghihinuha ng mga negatibong impresyon sa paggamit ng Filipino bilang salitang natural na kanilang binubukang bibig. Gayunpaman, mahalagang suriin kung may tuwirang epekto ba ito sa kanilang pakikipagtalastasan, performans at pagkatuto sa klase.
- 4. Layunin Ang mananaliksik ay naniniwalang hindi problema ang malawakang pagpapaunlad at pagpapaangat sa antas ng paggamit ng wikang Filipino upang maipakita ang taos-pusong pagpapahalaga nito. Ang tanging kailangan lamang ay pagsikapan ng mga gurong nagtuturo na maikintal at maituro nila nang maayos sa bawat estudyante ang kaepektibo ng paggamit ng wika sa pagpapalawak ng kanilang kaalaman sa isang makahulugang pagkatuto. Layunin ng mananaliksik na malaman ang lawak ng pagpapahalaga ng mga estudyante sa asignaturang Filipino atmasuri kung nakaaapekto ba ito sa kanilang pakikipagtalastasan, performans at pagkatuto sa klase.
- 5. Nilalaman Sa pananaliksik na ito, makikita na ang lawak ng Pagpapahalaga ng mga estudyante sa asignaturang Filipino kaugnay sa kanilang akademik performans. Sinasabi na inilathala at kinonekta ng mga mananliksik ang pananaliksik sa Teorya ni Edward Lee Throndike na Connectionism at sa Operant Conditioning naman ni B.F. Skinner. Sa pagganap at pagsiyasat sa mga mag-aaral na nagsilbing respondante inimbistigahan kung ang mga ito ay pasok sa interes ng mga mag-aaral. Sinabi na ang interes ng mga mag-aaral sa asignaturang Filipino dahilan ng pagkakaroon ng interaksyon sa mga aktibidades na bininigay ng mga guro sa klase. Ngunit ang asignaturang English pa din ang itinuring nilang paboritong asignatura. Sa kabilang banda, ang antas naman ng kaugnayan nito sa profayl ng mag-aaral at sa pagpapahalaga nila sa Filipino bilang asignatura ay naihayag na minimal lamang ito. Bilang konklusyon, base sa pananaliksik na pinagaralan ng mga may akda ay may katamtamang kaugnayan ang antas ng sigla ng mga respondente sa asignaturang Filipino at ang kanilang marka o tagumpay sa akademiko.
- 6. Proseso na Ginamit Dinisenyo ang pananaliksik na ito gamit ang deskriptib-korelasyon na metodolohiya, at isinagawa ito sa Unibersidad ng Foundation, sa tersaryang antas ng pag-aaral dahil ang asignaturang Filipino 11/21 o Komunikasyon sa Akademikong Filipino ay kinukuha ng mga estudyante sa antas na ito. Lahat ng departamento at mga estudyante nito ang napiling maging respondente sa papel na ito at naka-enroll sa asignaturang nabanggit kanina sa kanilang ika-unang semester, unang termino ng A.Y. 2014-2015.
- 7. Proseso na Ginamit Ang pag-aaral ay ginanap sa pamamagitan ng pagsasarbey at ginamit sa pag-aaral na ito ang sarbey-kwestyoneyr na ang pokus ay sa kahalagahan/pagpapahalaga sa Filipino bilang asignatura. Nangalap ng datos at impormasyong pangsuporta sa layon ng papel mula sa mga aklat, tesis, at dyornal, maging mga datos mula sa internet ay ginamit din upang mas mapatibay ang nilalaman ng papel. Gamit ang Pearson r Product Moment Coefficient of Correlation, ipinakita ang kaugnayan ng pagpapahalaga ng respondente sa Filipino at ang kaugnayan nito sa kanilang akademikong performans. Chi Square naman ang gamit sap ag- uugnay ng pagpapahalaga ng mga respondente sa Filipino at ang profayl nila. Ang Likert’s 5- point scale naman ang ginamit upang ilarawan ang lawak ng pagpapahalaga ng respondente sa asignaturang Filipino na may limang pamimilian: Lubhang sumasang-ayon, Lubos na sumasang-ayon, Hindi makapagdesisyon, sumasang-ayon, at hindi sumasang-ayon.
- 8. Mga Datos Interpretasyon sa datos gamit ang talaan: Talaan 1: Ang resulta ay nagpatunay lamang na mas marami ang respondenteng babae na kumukuha ng asignaturang Filipino11/21 sa Unang Termino kaysa sa mga lalaki. Talaan 2: Ang resultang ipinakita sa Talaan 2 ay nagpatunay na marami sa mga respondente ang nagmula sa Kolehiyo ng Negosyo at Pamamahala(CBA) at Kolehiyo ng Edukasyon(CE). Talaan 3: Sa lahat ng mga paboritong asignatura na nabanggit, ang Ingles ang nangunguna na may 33.99 na porsyento, ikalawa ang Filipino na may 28.08 na porsyento at 17.24 na porsyento naman ang Math bilang ikatlo sa pinakamataas.
- 9. Mga Datos Talaan 4: Sa lahat ng mga babasahing inilahad, nangunguna ang Pocket Books na Filipino na may 25.12 na porsyento at napakababa ng bilang ng mga respondenteng nagbabasa ng mga diyaryong Ingles, ito ay may 3.45 porsyento lamang. Patunay lamang ito na Pocket Book na Filipino ay higit na kinagigiliwang babasahin ng mga estudyante. Talaan 5: Sa limang pahayag, makikitang ang pahayag na “Palaging may magandang interaksyon ang aming pagkaklase at may mga pangkatang gawain" ay ang may pinakamataas na weighted mean samantalang mas mababa naman ang pahayag na “Paborito ko ang asignaturang Filipino kaya nagaganyak akong gawin ang mga gawain sa loob ng klase.”
- 10. Mga Datos Talaan 6: Pinapakitang ang motibasyon sap ag-aaral ng asignaturang Filipino ay batay sa pagiging maayos at kaaya-ayang katauhan ng isang guro at ang pagkakaroon niya ng buhay sa pagkaklase. Talaan 7: Sa pagpapahalaga sa paggawa ng kursong pangagailangan sa asignaturang Filipino, nakakaktulong ang pagkakaroon ng mga proyekto at mga takda at nagsisilbi itong disiplina sa kanilang pag-aaral Talaan 8: Napakataas ang antas ng pagpapahalaga ng mga respondente sa paggamit ng wikang Filipino.
- 11. Mga Datos Talaan 9: Ang salik na nakakaapekto sa lawak ng pagpapahalaga ay ang “paggamit ng wikang Filipino” ang may pinakamataas na weighted mean at sinundan ito ng “paggawa ng kursong pangangailangan”. Talaan 10: Makikita sa talaan ang marka na nakuha ng mga respondente sa asignaturang Filipino, marami ang magaling (90-92), sinundan ito ng katamtaman ang galing (84-86), at isa lamang ang nakakuha ng pinakamahusay (99-100).
- 12. Mga Datos Talaan 11: May katamtamang kaugnayan ang lawak ng pagpapahalaga ng mga respondente sa asignaturang Filipino at ang kanilang akademik performans. Talaan 12: May mababang kaugnayan sa pagitan ng profayl ng mga respondente at ang kanilang lawak ng pagpapahalaga sa asignaturang Filipino.
- 13. Konklusyon Hindi na lingid o bago sa kaalaman ng lahat ang pagkukumpara sa wikang Ingles at Filipino, kung alin sa dalawang ito ang pinakaginagamit at pinahahalagahan ng mga estudyante. Base sa pag-aaral, mas paborito ng mga respondante ang araling Ingles kumpara sa Filipino. Ngunit hindi ibig sabihin nito ay hindi na ito pinapahalahagahan. Lumabas sa resulta ng pag-aaral na may magandang koneksiyon ang mga estudyante sa wika, sapagkat nagmarka sila ng magaling at ang isa ay pinakamahusay. Naipakita rin na "Filipino Pocketbooks" ang paboritong basahin ng mga ito. Natuklasan na malawak ang pagpapahalaga ng ng mga estudyante sa wikang Filipino at ang kaugnayan nila rito. Sa kabuuan, mayroong pagpapahalaga ang mga estudyante sa sarili nating wika. Ngunit hindi nangangahulugan na dapat ay tumigil tayo sa pagpapayabong nito. Hindi madaling aralin at mahalin ang isang wika kung hindi ito lubos na nauunawaan at nagagamit. Kung kaya't kinakailangan ng mas matinding pagtuturo at pagpapaintindi ng mga guro sa kanilang estudyante ng wika at asignaturang Filipino. Naniniwala ang mga manananaliksik na dapat mas patatagin at palawakin pa ang paggamit ng wikang Filipino upang mas mabigyan ito ng halaga.
- 14. Rekomendasyon Batay sa konklusyon at Datos ng pag-aaral, lubos na iminumungkahi ng mga mananaliksik ang sumusunod: 1. Pag-papalawig ng guro sa isang interaktibong pag-lalahad ng bawat paksa patungkol sa asignaturang Filipino, na syang mag bibigay buhay sa talakayan at magiging tulay sa pagkakaroon ng motibasyon sa bawat mag-aaral. 2. Mainam na inilalapat ang talakayan sa makabagong estratehiya ng pag-tuturo na syang ginagamitan ng makabagong teknolohiya na mag e-enganyo sa bawat mag-aaral sa pakikinig sa asignaturang Filipino. 3. Lubos na hinihikayat ang pag buo ng estratehiya na aayon sa produktibong kasanayan ng mga mag-aaral sa asignaturang Filipino ng sa ganon ay aktibong makilahok ang bawat mag-aaral sa bawat talakayan.
- 15. Sanggunian Sullera, F. (2020). Lawak ng Pagpapahalaga ng mga Estudyante sa Asignaturang Filipino Kaugnay ng Kanilang Akademik Performans. Zenodo (CERN European Organization for Nuclear Research). https://doi.org/10.5281/zenodo.4396108
- 16. Pangkat 2 Baduria, Elysse Angela Bathan, Lea Cathleen Desquitado, Ralph Panganiban, Andrea Pauline Raborar, Zea Jhunella Ramos, Shenikah Nicole Siray, Jean Sulabo, Lisvette Umandap, Charles Umandap, Elaiza