QUARTER 3, WEEK 3, EPP LESSON/ PRESENTATION
- 1. EPP 5 QUARTER 3 WEEK 3 D A Y 1 Wastong Paraan ng Pag-alis ng Mantsa
- 2. Balik-aral: Suriin ang mga pahayag kung nagpapakita ng wastong paraan ng paglalaba. Isulat ang Tama kung ito ay nasa watong paraan ng paglalaba at Mali naman kung hindi. 1. Ang unang hakbang sa paglalaba ay ang paghahanda ng lahat ng kagamitan. 2. Ang mga puting damit ay maaaring ihalo sa mga de-kolor habang nilalabhan.
- 3. 3. Hindi kinakailangang suriin ang bawat damit kung may mantsa o sira bago ito labhan. 4. Ang pagsabon ng mga puting damit ay maaaring gawin sa anumang bahagi nito nang sabay-sabay. 5. Ang fabric conditioner ay idinadagdag sa unang banlaw ng mga damit sa washing machine.
- 4. Suriin ang larawan sa ibaba; Ano ang masasabi niyo sa larawan?
- 5. Nasubukan niyo na bang maglaba ng damit na may mantsa? Anong ginawa niyo para matanggal ito?
- 6. Ang Paglalaba sa Paraan ng Pagkilala at Pag –aalis ng Mantsa sa Damit Sa paglalaba ay tinatanggal natin ang mga dumi na kumapit sa damit, lalong lalo na ang mantsa. Ang mantsa na kumapit sa damit ay hindi magandang tingnan.
- 7. Ang hindi pag–alis ng mantsa sa damit ay nagpapakita ng kapabayaan ng nagsusuot nito. Dapat tanggalin ang mantsa habang sariwa pa. Mahirap kasing alisin ang mantsa kapag ito ay tuyo na. Ang paglalaba ay isang gawain na dapat matutunan ng bawat kasapi ng mag–anak. Pag–aralan ang mga sumusunod na paraan at pagkilala sa pagtanggal ng mantsa.
- 8. Mga Uri ng Mantsa at Wastong Paraan ng Pag – alis ng mga Mantsa 1. Dugo - Ibabad ang damit na may dugo sa palangganang may tubig at kuskusin nang mabuti. Sabunin ng sabong panligo upang madaling makuha ang mantsa.
- 9. Banlawang mabuti. Kung may bahid pa ng mantsa, sabunin ulit at ibilad ito sa init ng araw upang lubusang matanggal ang mantsa.
- 10. 2. Tsokolate - Ibabad ang damit na may tsokolate sa mainit na tubig ng ilang minuto hanggang sa lumamig ito. Kuskusin ng sabon ang mantsa at labhan. Kung hindi matanggal ang mantsa, gamitan ng katas ng kalamansi at asin.
- 11. 3. Tinta – Buhusan ng alkohol ang sariwang mantsa ng tinta. Banlawan sa malamig na tubig bago labhan at sabunin. Kung di pa matanggal ang mantsa, maaaring lagyan ng katas ng kalamansi at asin.
- 12. 4. Chewing gum – Kuskusin ng yelo ang kabila ng damit na may chewing gum upang tumigas. Kaskasin ang tumitigas na chewing gum ng mga kamay o likod ng kutsilyo. Kung may naninikit pa kuskusin ang mantsa ng bulak na may gaas upang maalis ang paninikit.
- 13. 5. Putik – Kuskusin ang putik sa damit gamit ang eskoba bago ito sabunin at labhan.
- 14. 6. Kalawang – Lagyan ng katas ng kalamansi at asin ang damit na namantsahan, kuskusin at ibilad ito sa araw. Ulitin nang ilang beses kung kinakailangan hanggang maalis ang mantsa.
- 15. Panuto: Basahing mabuti ang mga pangungusap at piliin ang mga titik ng tamang sagot. Ano ang kahalagahan ng pagtanggal ng mantsa sa damit? A. Upang madaling masira ang mga damit at kaaya–aya itong tingnan. B. Maging malinis ang kasuotan.
- 16. C. Ipagmalaki mo na ang iyong mga damit ay malinis at magandang tingnan. D. Upang tumagal ang buhay ng mga damit. E. Pabaya sa mga kasuotan. F. Maging pamantayan o pamarisan sa iba kung ikaw ay mayroong malinis na damit.
- 17. Ano ang iyong gagawin kung ang damit mo ay nalagyan ng mantsa gaya ng dugo? Bakit mahalaga ang pagtanggal ng mantsa sa damit?
- 18. Panuto: Kilalanin ang tamang paraan ng pag- aalis ng mantsa sa damit. Isulat ang titik ng tamang sagot. 1. Para sa mantsang may dugo, ano ang unang hakbang na dapat gawin? A. Sabunin ng sabon panligo B. Ibabad sa mainit na tubig C. Banlawan ng mabuti
- 19. 2. Ano ang gagawin sa damit na may mantsang tsokolate? A. Ibilad sa init ng araw B. Ibabad sa mainit na tubig, kuskusin ng sabon, at labhan C. Gamitan ng katas ng kalamansi at asin
- 20. 3. Paano aalisin ang mantsa ng tinta sa damit? A. Ibabad sa mainit na tubig at kuskusin ng sabon B. Buhusan ng alkohol, banlawan, at sabunin C. Kuskusin ng yelo at kaskasin ng kutsilyo
- 21. 4. Ano ang tamang paraan para alisin ang chewing gum sa damit? A. Ibabad sa mainit na tubig B. Kuskusin ng yelo at kaskasin ng kutsilyo C. Sabunin agad ng sabon panligo
- 22. 5. Paano aalisin ang mantsa ng kalawang sa damit? A. Lagyan ng katas ng kalamansi at asin, kuskusin, at ibilad sa araw B. Ibabad sa mainit na tubig C. Kuskusin ng yelo at kaskasin ng kutsilyo
- 23. EPP 5 QUARTER 3 WEEK 3 D A Y 2 Wastong Paraan ng Pag-alis ng Mantsa
- 24. Balik-aral: Ano anong uri ng mantsa ang napag-aralan natin kahapon? Paano ito aalisin?
- 25. Suriin ang larawan sa ibaba; Ano ang masasabi mo sa larawan?
- 26. Isang paraan upang madaling matanggal ang mantsa ay ang paggamit ng sabon upang mapanatili ang kalinisan ng damit.
- 27. Ang ating mga kasuotan ay mahalagang mapanatili ang kalinisan at higit sa lahat walang bahid ng anumang mantsa upang ito ay kaaya- ayang tingnan at maginhawa sa pakiramdam.
- 28. Para sa mga karagdagang impormasyon at lalong mas mapalawak ang iyong kaalaman ukol sa tamang paglalaba at pagtanggal ng mga mantsa sa damit, kilalanin pa natin ang iba pang mga uri ng mantsa at wastong paraan ng pag-alis ng mga mantsa.
- 29. Iba pang mga Uri ng Mantsa at Wastong Paraan ng Pag – alis ng mga Mantsa 1. Mantika o langis – Labhan ang damit na may mantika o langis sa maligamgam na tubig na may sabon. Wisikan ito ng pulbos ang bahaging may mantsa ng mantika o langis. Ipagpag ito. Ulitin ng ilang beses kung kinakailangan. Ipitan ang mantsa sa pagitan ng blotting paper at diinan ng plantsa.
- 30. 2. Kandila – Kaskasin ng likod ng kutsilyo o barya ang bahagi ng damit na may kandila. Takpan ng mamasa- masang pirasong papel at plantsahin ang bahaging may mantsa nang ilang ulit hanggang masipsip ng papel ang natunaw na kandila.
- 31. 3. Tagulamin o Amag – Kuskusin ng eskoba ang damit sa bahaging may tagulamin o amag. Labhan ito sa mainit na tubig at ikula at lagyan ng katas ng kalamansi at banlawan. Sabunin uli at labhan. O di kaya ay ibilad sa araw ang mantsang nilagyan ng katas ng kalamansi at asin. Ulitin ito nang ilang beses hanggang matanggal lahat ng mantsa.
- 32. 4. Katas ng prutas, kape, tsaa – Ibabad ang damit na namantsahan sa mangkok na may malamig na tubig. Banatin ang bahaging may mantsa sa ibabaw ng mangkok. Buhusan ito ng kumukulong tubig.
- 33. 5. Ihi – Sabunin sa tubig na may suka ang damit na may ihi hanggang maalis ang mantsa. 6. Pintura – Basain ng gaas o thinner ang basahan at ikuskos ito sa damit na may pintura. Buhusan ng mainit na tubig. Banlawan, sabunin at labhan.
- 34. 7.Syrup – Ibabad sa mainit na tubig ang damit na may syrup. Sabunan ito at labhan.
- 35. Panuto: Isulat ang Korek kung ang ipinahahayag ng bawat pangungusap ay wasto at Waley kung hindi. Gawin ito sa iyong kuwaderno. ________ 1. Buhusan ng alkohol ang sariwang mantsa ng mantika. Banlawan sa malamig na tubig bago labhan at sabunin. Kung di pa matanggal ang mantsa, maaaring lagyan ng katas ng kalamansi at asin.
- 36. ________ 2. Kuskusin ng likod ng eskoba ang damit sa bahaging may tagulamin o amag. Labhan ito sa malamig na tubig. Ikula at lagyan ng katas ng kalamansi at banlawan. ________ 3. Lagyan ng katas ng kalamansi at asin ang bahagi ng damit na may pintura, kuskusin at ibilad ito sa araw. Ulitin nang ilang beses kung kinakailangan hanggang maalis ang mantsa.
- 37. ________ 4. Sabunin sa tubig na may suka ang damit na may ihi hanggang maalis ang mantsa. ________ 5. Hiwain ng mapurol na kutsilyo ang bahagi ng damit na may kandila. Takpan ng tuyong pirasong papel at plantsahin ang bahaging may mantsa.
- 38. Kung sakaling may mantsa ng katas ng prutas sa iyong damit sa anong paraan mo ito matatanggal? Bakit mahalaga na malaman muna ang uri ng mantsa sa damit bago ito labhan?
- 39. Piliin sa loob ng damit ang mga karaniwang ginagamit sa pagtanggal ng mantsa. Isulat ang tamang sagot. Gawin ito sa inyong kwaderno.
- 41. EPP 5 QUARTER 3 WEEK 3 D A Y 3 Wastong Paraan ng Pag-alis ng Mantsa
- 42. Balik-aral : Panuto: Piliin sa loob ng damit ang mga karaniwang ginagamit sa pagtanggal ng mantsa. Isulat ang tamang sagot. Gawin ito sa inyong kwaderno.
- 44. Tingnan ang larawan Ano ang masasabi mo sa larawan?
- 45. Ang tamang pagkukusot ay nakakatulong upang matanggal ang mantsa o dumi ng damit at magkaroon ng malinis at kaaya-ayang tingnan kapag isusuot.
- 46. Ang pagsusuot ng malinis na damit ay nakatutulong para maging maaliwalas ang ating pakiramdam. Mahalagang mapangalagaan nang mabuti ang mga kasuotan upang mapanatili ang kaayusan nito.
- 47. Narito ang ilan sa mga tuntunin sa tamang pamamaraan ng pagtanggal ng mantsa sa mga damit upang masigurado ang kalinisan nito.
- 48. 1. Kilalanin muna ang uri ng tela ng damit bago ito tanggalan ng mantsa. 2. Bago simulan ang pagtanggal ng mantsa, siguraduhin muna na nakahanda ang lahat ng mga kagamitan upang masigurado na magiging maayos ang lahat.
- 49. 3. Ilagay muna ng dahan-dahan ang pang-alis ng mantsa at gawin ito sa nakatagong bahagi upang malaman kung ito ay may masamang epekto sa damit o wala. 4. Gumamit ng malinis na puting tela, sponge o medicine dropper sa paglalagay ng pang-alis ng mantsa at gawin ito ng mabilisan.
- 50. 5. Agad na banlawan ang bahaging tinanggalan ng mantsa upang hindi ito maka apekto sa iba pang bahagi ng damit at agad na patuyuin.
- 51. Gayahin ang guhin at isulat ang mga uri ng mantsa na maaring kumapit sa damit sa ibaba. Sumulat ng sampung uri ng mantsa. Gawin sa inyong mga kwaderno.
- 53. Ano anong mga kagamitan ang maari mong gamitin sa pag- alis ng mantsa?
- 54. Bakit kailangang kilalanin muna ang uri ng tela na may mantsa bago ito gamitan ng pantanggal ng mantsa?
- 55. Panuto: Suriin ang bawat pahayag. Isult ang Tama kung ang pangungusap ay nagsasaad sa wastong paraan ng pag-alis ng mantsa at Mali naman kung hindi. ___________1. Ang unang tuntunin sa tamang pamamaraan ng pagtanggal ng mantsa ay kilalanin muna ang uri ng tela ng damit bago ito tanggalan ng mantsa.
- 56. ____________2. Ang pagsisimula ng pagtanggal ng mantsa ay dapat isagawa nang handa na ang lahat ng kagamitan para sa maayos na proseso. ____________3. Ang pang-alis ng mantsa ay dapat ilagay ng mabagal at maingat sa nakatagong bahagi ng damit upang makita kung may masamang epekto ito.
- 57. ___________4. Sa paglalagay ng pang-alis ng mantsa, mas maganda ang gamitin na malinis na puting tela, sponge, o medicine dropper at ito ay dapat gawin ng mabilisan. ___________5. Pagkatapos tanggalin ang mantsa, ang dapat gawin agad ay huwag nang banlawan ang bahaging tinanggalan ng mantsa at patuyuin ito para hindi maka-apekto sa ibang bahagi ng damit.
- 58. EPP 5 QUARTER 3 WEEK 3 D A Y 4 Wastong Paraan ng Pag-alis ng Mantsa
- 59. Balik-aral: Panuto: Suriin ang bawat pahayag. Isult ang Tama kung ang pangungusap ay nagsasaad sa wastong paraan ng pag-alis ng mantsa at Mali naman kung hindi. ___________1. Ang unang tuntunin sa tamang pamamaraan ng pagtanggal ng mantsa ay kilalanin muna ang uri ng tela ng damit bago ito tanggalan ng mantsa.
- 60. ____________2. Ang pagsisimula ng pagtanggal ng mantsa ay dapat isagawa nang handa na ang lahat ng kagamitan para sa maayos na proseso. ____________3. Ang pang-alis ng mantsa ay dapat ilagay ng mabagal at maingat sa nakatagong bahagi ng damit upang makita kung may masamang epekto ito.
- 61. ___________4. Sa paglalagay ng pang-alis ng mantsa, mas maganda ang gamitin na malinis na puting tela, sponge, o medicine dropper at ito ay dapat gawin ng mabilisan. ___________5. Pagkatapos tanggalin ang mantsa, ang dapat gawin agad ay huwag nang banlawan ang bahaging tinanggalan ng mantsa at patuyuin ito para hindi maka-apekto sa ibang bahagi ng damit.
- 62. Bakit mahalaga na alamin kung anong uri ng mantsa ang damit?
- 63. Napag-aralan natin sa nakaraang aralin ang mga uri ng mantsa at wastong paraan kung paano ito maaalis.
- 64. Ang damit na may mantsa ay hindi magandang tignan kaya naman kinakailangan nap ag- aralan natin ang mga paraan kung paano natin matatanggal ang mga ito.
- 65. Ano ang tawag sa proseso ng pag-alis ng mantsa sa damit? Sagot : Paglalaba
- 66. Ang paglalaba ay nakakatulong na maging kaaya-ayang tingnan ang ating kasuotan sa tuwing ito ay ating isusuot.
- 67. Panuto: Sagutin ang bawat bilang at piliin ang tamang sagot sa loob ng kahon. Gawin ito sa iyong kawaderno.
- 68. 1. Ang mantsang ito ay tinatanggal sa pamamagitan ng paglalagay ng katas ng kalamansi at asin sa damit na namantsahan.
- 69. 2. Ang mantsang ito ay maaaring tanggalin sa pamamagitan ng pagkuskos ng yelo sa kabila ng damit na may mantsa upang tumigas. Kaskasin lamang ang tumigas na mantsa gamit ang kamay o likod ng kutsilyo.
- 70. 3. Madaling tanggalin ang mantsang ito sa pamamagitan lamang ng pagbabad ng damit sa mainit na tubig ng ilang minuto hanggang sa lumamig ito. Kuskusin ng sabon ang mantsa at labhan.
- 71. 4. Ang mantsang ito ay tinatanggal sa pamamagitan ng paglalagay ng gaas o thinner gamit ang basahan at ikuskos ito sa damit na may mantsa. Buhusan ng mainit na tubig, banlawan, sabunin at labhan ito.
- 72. 5. Ang mantsang ito ay tinatanggal sa pamamagitan ng pagkaskas ng barya o likod ng kutsilyo sa bahagi ng damit na may mantsa at takpan ng mamasa-masang pirasong papel at plantsahin ang bahaging may mantsa nang ilang ulit hanggang masipsip ng papel ang natunaw na mantsa.
- 73. Ano ang un among gagawin bago mo tanggalin ang mantsa ng damit?
- 74. Bakit mahalaga na malaman muna ang uri ng mantsa sa damit bago ito labhan?
- 76. EPP QUARTER 3 WEEK 3 D A Y 5 Catch-Up Friday